مرثية - جبل قحطان - في الامير نايف
 

السلام عليكم ..

أنقل لكم مرثية الشاعر محمد بن نغموش - جبل قحطان - في الأمير نايف بن عبد العزيز رحمه الله..

قالوا ( وزير الداخلية ) توفى
خبر يحزن ناس ومفرح ناس

انا اشهد ان الحزن كفى وفى
والموت ما يمنعه قوة وحراس

حزنت شعوب بالأمان اتدفي
في بشت نايف صامل الراس والساس

وافرح عميل في الظلام يتقفى
ثعل يدفه كل نذل وبلاس

ما يفرح بفقد الكفو ويتشفى
الا الجبان اللي على الوجه ينداس

نايف سليل المجد وفى وكفى
حامي حما الديرة من سموم الادناس

راح الصميدع بامر ربه وقفى
وخذنا الوصية عقب ما مات نبراس

(الما العكر لابد يوم يتصفى
لين يتبارق مثل براق الالماس)

شخص يدربي الجمجمة ويتخفى
وشخص وهو في موتته رافع الراس

http://www.youtube.com/watch?v=M92VNEu_Zcw





وفقكم الله ومن يقرا لما يحب ويرضى






أخوكم :
أبومسفر القحطــــــــــــــــــاني

رد: مرثية - جبل قحطان - في الامير نايف
 

صح الله لسان ابوعبدالرحمن


ورحمة الله عليك يانايف بن عبدالعزيز



ولاهنت يابو مسفر على النقل

تحياتي