|
"والأصل قحطاني دواس معروفه"
بسم الله الرحمن الرحيم
السلام عليكم ورحمة الله وبركاته طبعا القصيده في القرم فهيد بن شبيب الفوطه القحطاني وهو بالمرتبه الحاديه عشر وقريبا بأذن الله الثانيه عشر وأسئل الله أن يمتعه بالصحه والعافيه ويطول بعمره.. ومهما كتبت والله لن أوفيه حقه وهذه القصيده أقل شي أقدمه له وهي 11 بيت وخير الكلام ماقل ودل ... بعض البشر لاراح مابه حسوفه..! والبعض لامن غاب عن شوفك فقيد...! رجلاً مهابه يابشر من طيوفه...! ورجلاً سلاح المرتبه هي له عضيد...! ولامن وصفت الحر محلا وصوفه...! الـصافـي الي في مهـماته شـديد..! فعله شبيهاً للمطر من قنوفه..! مزنه كثير وتلمح بروقه بعيد..! ويشبه لرعدً هايلً من رجوفه..! اذا نزل خيره طلبنا الله يزيد..! ولاجا بشور مذهباتً سيوفه..! يشبه لكاتانا ولا هوب صديد..! ولامن زهمت ملبياً للهتوفه..! تبشر ببلجيك ومعشر وطربيد..! وفي وسط ربعه مقدمً من شفوفه..! لازم تفرق يابطل زيد عن زيد..! والبن يفرق ياعرب من صنوفه..! شي محرور وشي مناجيبه وليد...! الأصل قحطاني دواس معروفه..! أهل الكرم والجود والزايد يزيد..! وأنا كتبت قصيدتي من حروفه..! ياسعد والله من يخاويك يافهيد..! الكاتانا / أقوى السيوف ومعمول من قطع ألماس لايكسر ولا يخدش وسعره غالي ويقص السياره ومايصدي دواس / أسود شفوفه/ شيوخ وأعيان القبيله وكبارهم المصلحون وأسئلكم بالله اذا شخص لديه نقد يطرحه وسلامتكم محمد |
رد: "والأصل قحطاني دواس معروفه"
السلام عليكم ورحمة الله وبركاته
أولا نرحب بك أجمل ترحيب معنا في مجالس قحطان فحللت أهلا ووطئت سهلا قصيدة رائعة كروعة حضورك وصح لسانك وسلم بنانك يسناهل أبو شبيب المدح ونعم الرجل ولاعليكم زود الأخ العزيز :. محمد آل تمران دمت بخير |
رد: "والأصل قحطاني دواس معروفه"
اقتباس:
المشاركة الأصلية كتبت بواسطة خالد العاصمي http://www.qahtaan.com/vb/images/buttons/viewpost.gif السلام عليكم ورحمة الله وبركاته أولا نرحب بك أجمل ترحيب معنا في مجالس قحطان فحللت أهلا ووطئت سهلا قصيدة رائعة كروعة حضورك وصح لسانك وسلم بنانك يسناهل أبو شبيب المدح ونعم الرجل ولاعليكم زود الأخ العزيز :. محمد آل تمران دمت بخير عليكم السلام ورحمة الله وبركاته البقا فيك وفي لابتك والله يرفع قدرك وحضورك متصفحي يعني لي الكثير ابيض وجه ياخالد ولاهنت مودتي ممزوجه باحترامي لسموك |
رد: "والأصل قحطاني دواس معروفه"
قصيدة رائعة كروعة حضورك وصح لسانك
|
رد: "والأصل قحطاني دواس معروفه"
اقتباس:
المشاركة الأصلية كتبت بواسطة ملاح http://www.qahtaan.com/vb/images/buttons/viewpost.gif قصيدة رائعة كروعة حضورك وصح لسانك حضورك الأروع وصح بدنك مودتي |
رد: "والأصل قحطاني دواس معروفه"
الف شكر على القصيده الرائعه ....صح لسانك
|
| الساعة الآن 12:53 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com