الصوره المشعوره حسين ال حمدان الفهري وسعد بن كدم
 

الصورة المشعورة

إلى الأخ/ سعد بن محمد بن كدم

[poem=font="simplified arabic,6,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
خايلت براقٍ جذبني نوره=ياحي برّاقه وحي دياره
الديره اللي بالكرم مشهوره=ورجالها رمز الوفى وشعاره
افعالهم يوم الجهل مخبوره=وسيوفهم عند اللقى بتّاره
يالله عساها دايمٍ ممطوره=سيلٍ من الوسمي تعم اخباره
لايانديبي واركب المذخوره=جي اكس فل ابشن بعد بغباره
واسند طريب الديرة المعموره=أم القصص يامسندي لك شاره
قبل الحيود الطايحه خذ دوره=تلقى بيوتٍ نارها عمّاره
منصاك راعي الدلة المنحورة=في جال زورٍ فايعٍ نوّاره
ترحيبته تسوى بلد بقصوره=ماهي مهايط شلةٍ عيّاره
لامن نصيته فاقتبس من شوره=ما كل رجلٍ يوخذ من اشواره
بين له المغزى وعطه الصوره=خله يفك اسرارها بعباره
حاولت اداري حالةٍ مستوره=بس الحقيقة حالةٍ منهاره
مافيه بركانٍ بليّا ثوره=واليا انفجر حُط البدن بيزاره
يابو محمد جرةٍ مكسورة=كسرٍ مضاعف عجّز الجبّاره
يا ابن كدم ركز معي في الصوره=خمسين عامٍ بالفلك دوّاره
مدري البلا في الصوره المشعوره=والا البلا في لابس النظاره[/poem]




أخوك/ حسين بن علي بن رفعه




بسم الله الرحمن الرحيم

معى اجمل التحايا اخوي ابو ياسر

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
حييت ياخط تشع اسطوره=من الرفيق الي علا مقداره

جانا الكتاب وصفحةً منشوره=هلا بمندوبه على جكساره

ياراكب الي داخله مقصوره=اليا ركبته كنك في طياره

ينصا الرياض الديرة الميسوره=وباقي الديَر تصبر على القطاره

ملفاك قرمٍ وافيً بشبوره=يفرح ليا جاه الرفيق وزاره

ياحسين شوق العندل الغندوره=عزوة قرومٍ في اللقاء جباره

الشاعر الي مايَحب ظهوره=وقصيده يصيب الهدف بعياره

بيوتٍ سمان ولاهي بمكسوره=لاشاطي الراحه ولا شعاره

ولاهي بمجبوعه ولامبتوره=من راس بو ياسر بنات افكاره

رمى لي الابره وغصت بحوره=والولوه من دونها محاره

ان كان تشكي من الزمان وجوره=وخمسين عاماً تبحر العباره

فغيرك يصيح بعالمٍ مقهوره=وموتانها اكثر من القباره

ظهر علينا من الزمان اقشوره=وكشف لنا مختاره وختياره

قفى زمان العالم المستوره=واقبل زمانٍ جارفٍ تياره

يشفا مريضه وينعدي دكتوره=ودرهمه متعديٍ قنطاره

علَم لجاسم لايدفه ثوره=بقرونه الي في الوحل حفاره

ياشين عذره كان لحقه دوره=ورماه خاله من وراه بغاره

وبشار فك كلابه المسعوره=حامت على اهل الدبكة الدواره

الناس ماتبغاك غور بغوره=وتعطي على فرقاء البشير بشاره

لولا الطرب ماغنت الشحروره=ومن صوتها تمايلوا السماره

لبنان لاجيته ولاجمهوره=ولا اعرف زعيم الشام من غواره

عذر البليد يمسَح الصبوره=والشاطر الي يمسك الطبشاره

دعثرتني ياحسين في دعثوره=مدري اجيب الخيط ولا الفاره

الجيره الي سنها بو توره=استامنوا من فضلها المجتاره[/poem]

دمت بخير وعافيه

اخوك سعد بن كدم

ودام الجميع بخير وعافيه

رد: الصوره المشعوره حسين ال حمدان الفهري وسعد بن كدم
 

ماشاء الله



ابداع جميل ومساجله طيبه


ومعاني اطيب


صح الله لسان ابو ياسر


وصح الله لسانك يابو محمد


والله انني استمتعت بالقصيدتين

واعجبت بها غاية الاعجاب


تحياتي لكما ولاهنتم

رد: الصوره المشعوره حسين ال حمدان الفهري وسعد بن كدم
 

صحت الالسنه مساجله رايعه بين رجال كفو بيض الله وجيهكم

الاساتذه ابن كدم وحسين ال حمدان جزاله ومعنى وشعر

تحياتي وتقديري

رد: الصوره المشعوره حسين ال حمدان الفهري وسعد بن كدم
 

صحت الالسنه مساجله رايعه بين رجال كفو بيض الله وجيهكم

الاساتذه ابن كدم وحسين ال حمدان جزاله ومعنى وشعر

تحياتي وتقديري اخوكم ابوممدوح

رد: الصوره المشعوره حسين ال حمدان الفهري وسعد بن كدم
 

أرحبوا يا رجال.. تراحيب المطر..

أبداع..منقطع النظير..

ومعنى واقعي يناقش قضية تهم الجميع..

أخي أبو ياسر...

صح ألسانك..وأعتلى شانك..وتساؤلك في محله..

أخي أبو ناصر...

شهادتي فيك مجروحه

وتبقى وريث نخران...صوتاً وصورةً..شعراً ونثراً..

................

تحياتي..

رد: الصوره المشعوره حسين ال حمدان الفهري وسعد بن كدم
 

أساتذه أجدتما صوت وصدى لله دركم

قمة الإحتراف والحرفنه في صياغة المفرده

والمعنى وأصبتما قلب الهدف وياليت تنشر

أكثر للأمانه مساجله من نوعها .

لكما أجمل التحايا .

رد: الصوره المشعوره حسين ال حمدان الفهري وسعد بن كدم
 

رد: الصوره المشعوره حسين ال حمدان الفهري وسعد بن كدم
 

رد: الصوره المشعوره حسين ال حمدان الفهري وسعد بن كدم
 

[

حـــاولــــت اداري حــــالــــةٍ مــســـتـــوره ..............................

......................................... بس الـحـقــيــقــة حــــالــــةٍ مــنـــهـــاره

مـــافــــيــــه بـــــركــــــانٍ بـــلــــيّــــا ثـــــــــــوره ........................

........................................... والـيــا انـفـجــر حُــــط الــبــدن بــيــزاره

يــــابـــــو مـــحـــمـــد جـــــــــرةٍ مـــكـــســـورة ...........................

................................................كـســرٍ مـضـاعــف عــجّــز الـجـبّــاره

يا ابن كدم ركز معي في الصوره .............................................

................................. خــمــســـيـــن عــــــــــامٍ بــالـــفـــلـــك دوّاره

مدري البلا فـي الصـوره المشعـوره .......................................

...................................... والا الــبـــلا فــــــي لابــــــس الــنــظــاره

صح لسانك يابو ياسر .


*****************

ظـهـر عليـنـا مــن الـزمـان اقـشـوره ..........................

................................................. وكـــشـــف لـــنـــا مــخــتــاره وخــتــيــاره

قـــفـــى زمـــــــان الــعــالـــم الـمــســتــوره ................................

................................................ واقــــبــــل زمــــــــانٍ جــــــــارفٍ تــــيــــاره

يـشـفــا مـريـضــه ويـنـعــدي دكــتـــوره ..........................................

.......................................... ودرهــــــمـــــــه مــــتــــعـــــديٍ قــــنــــطـــــاره

صح لسانك يابو محمد .


**************

أدعو الله لكم بالتوفيق فقد أسعدتمونا بما سطرتم.

وأسأل الله أن لا يفرقكم يابيضان الوجيه ولكم تحيتي وسلامي .

رد: الصوره المشعوره حسين ال حمدان الفهري وسعد بن كدم