شبكة قحطان - مجالس قحطان - منتديات قحطان - أبيات معبرة وقيمة في غاية الروووووووعه .

بسم الله الرحمن الرحيم

السلام عليكم ورحمة الله وبركاته .

وجدت أبيات لن أتكلم عنها إلا أن أقل ..

صح لسان من قالها وبيض الله وجهه .
ــــــــــــــــــــــــــــــــــــــــــــ

[poem=font="Arial,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
ياباغي العليا لها عشرة بنود=سجل وانا بمليك واحفظ عددها

من شان مايلحقك عيب ومنقود=احفظ وصاتي والوصاه اعتمدها

اوصيك قبل الجسم يدبيبه الدود=في حفرة لابـد نسكن لحدها

دنيا العنا فيها مشاريب وعدود=وكم واحد له حاجتة ماوجدها

عليك بالتقوى ترا العمر محدود=واردع هوى النفس الدنيه وقدها

واحفظ صلاتك تكسب الرزق والفود=تكسب مكاسيب الحياه وسعدها

وصوم رمضان وزك يالشامخ الطود=ترا البيوت النايفه من عمدها

وجالس هل التوحيد والعز والجود=واترك مقاريد العباد وقردها

الي على التفريق ياتونك احشود=فصيلة دب الجهل في جسدها

واحسن جوار الجار لو كان مقرود=لو جار ..نفسك لاتبين نكدها

والضيف عطه الطيب والطيب مـردود=اكسب جناب الطيبين وسندها

عقب الشحم والبن قدمله العود=حيثك من الي من لفاها حمدها

وبنت الردي لو هي زلال وقرهود=حذراك تقربها وتـمسك بيـدها

خذ بنت قرم عند الاجواد محمود=لا جا نهار الهوش بين ولدها

وزلة رفيقك لالفت دون مقصود=لاتمسك الزله وهو ماقصدها

ثلاث مررها ولا شك بشهود=والرابعه شب الحطب لاوردها

هذي عشر وان كان تبغيني ازود=سجل على عشر الوصايا وزدها

الظلم شين وتالي الظلم مردود=والغيظ شيطان القلوب وكبدها

والصمت زينه والحكي سيف محدود=والحقد غيمه والتباغظ بردها

فكر وميز واعرف البيض والسود=واحذر قلوب الحاسدين وحسدها

يابوك بين الناس طارد ومطرود=ماتجهلك بـعض الحرار وهددها

وان ضامتك دنياك واصبحت مضهود=فاطلب من المولى يحلل اعقدها

الواحد الي كلبونا له اسجود=الي جميع اعمال خلقه رصدها

هذي نصيحه وانت معطيني اوعود=واهل الوفى والعرف توفي وعدها

قدمتها بالمسك والطيب والعود=زرعتها لك زرع وانت اتحصدها

حميتها من دون ملح وبارود=خوف عليها المنتقد ينتقدها

وختامها العليا لها اشروط وبنود=يالي تبا العليا تمعن وعدها[/poem]

ـــــــــــــــــــــــ

والسلام

[/center][/b][/color][/size][/font]