خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

السلام عليكم

اتقدم بأحر التعازي في فقيد هذه البلاد والامة الاسلامية
الامير سلطان بن عبدالعزيز ال سعود .. مصاب جسيم
ولم اجد نفسي الا وقد نسجت من حروفي المتواضعه
امام هذه الرمز اتمنى ان يتقبله الله من اهل الجنان


[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياوالله الي راح منا فقيده=ياوالله الي غيب الموت ســلطان
سلـطان سـلطان الصفات الرشيده=نبع الكرم يقطع ضمى كل ضميان
كل المكارم بحرها مد ايده=لامد كفه ماحد بالعطا بان
سلطان ياراعي الهقاوي البعيده=سلطان يالي لا رتكى للجبل لان
احترت من كثر الصفات الحميده=مدري ابوصف قايد ولا انسان
خالد ترى عينك ماهيب الوحيده=يبكيه خلق دمعها كنه امزان
يبكيه شعب صورته في وريده=وسط الحناجر تخنقه عبرة احزان
يبكيه طفل لا لمحه حل عيده=عز الله ان عيده تلفلف بالاكفان
ويبكيه عود في حياتً عنيده=كان الذرى له دون صلفات الازمان
ويبكيه طير من الحزن شد قيده=فقد رفيقاً عالي القدر والشان
عز الله ان فقده مصيبه شديده=هذا الفراق المر ياقلب قد حان
والموت طير والبشر كا الطريده=لابد من يوم ويصطاد منان
لابد من سهم المنايا يصيده=ترى البشر مديون ولدين ديان
يالله يالي كلبونا عبيده=يا واحدً باقي و كل البشر فان
تغفر لبو خالد وتبعد وعيده=وتثبته بالقول ثابت وبرهان
وانزله منزالً مثل ما يريده=في جنة الفردوس مسك وريحان
عز الله ان وصفه قليل في قصيده=تعجز قوافي الشعر عن وصف سلطـان
خالد ترى عينك ماهيب الوحيده=يبكيه منهو ساكن كل الاوطان [/poem]

http://www.youtube.com/watch?v=AocQoZvsLxY


وسلامتكم .. واتمنى من العلي القدير له الرحمة والغفران

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

صح الله لسانك وطاب شأنك

ورحم الله فقيد الأمة الجلل ..

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

شكرآ على ما قدمت


ورفع درجات فقيدنا في الجنه

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

صح الله لسانك وطاب شأنك وبيض الله وجهك يا محمد

ورحم الله فقيد الأمة الجلل ..

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

سفر بن مبارك

صح بدنك وعلي شانك
والله يقبل دعاك .. ويجبر مصابنا ومصابك

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

ناصر

حياك الله
والله يسمع دعاك

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

محمد بن مسفر

مرحبا بك وصح بدنك
ووجهك ابيض
والله يسمع دعاك ويجبر مصابنا

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

بيض الله وجهك الله يرحم الامير سلطان رثاء وافيه

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

صح الله لسانك وطاب شأنك

ورحم الله فقيد الأمة الجلل

رد: خالد ترى عينك ماهيب الوحيده.. قصيدة رثاء الامير سلطان بن عبدالعزيز ,, محمد ال مسعود
 

حمد

مرحبا ومسهلا
حياك الله لا هنت ووجهك ابيض
والله يرحم فقيدنا .. ويسكنه جنات النعيم