شبكة قحطان - مجالس قحطان - منتديات قحطان - انا حبـابي والحبـابي مارجع يوم امهـزوم @@ والفزعـه اللي بين ربعـي باقيا" قانونها

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

انا حبـابي والحبـابي مارجع يوم امهـزوم @@ والفزعـه اللي بين ربعـي باقيا" قانونها

صلّو على النبي

تحزمو بي لاجت الشده وانا عند اللزوم
نذرا" علي ان المطمه داخلي ياهونها
..
ابوي علمني وانا فالمهد عادات وسلوم
دايم يوصيني على اللي خوتي يوفونها
.....
كفّيت نفسي عن مخاواة الرديين الرخوم
واسرفت في خوة هل العليا وانا ممنونها
..
والحـظ لامـن مال بعـد الله تسنده العـزوم
وان جات صوب العز والطنخه فانا مسجونها
..
والرفقه اللي ما اقبلو عذري معادين وخصوم
ياجعلهم سما" يجي لاجساد قبل ابطونها
..
لي عزوة" تجلى من الصدر المصايب والهموم
طيب وكرم والناس من ماض الزمن ينصونها
..
احمدك يارب البشر مادامني من روس قوم
اتهابهم فوق البسيطه انسـها وسـكـونها
..
حنا سلاطين العرب وشيوخها دون الختوم
قحطان جعل اللي شنوها ذا الزمن يفدونها
..
في كل علما" قسمنا ياتي من اكبار القسوم
وافعولنا من هو تناساها تجيه امزونها
..
وان حالت اقدار الولي عن موقفي فيه امخدوم
لي ستة اخوانا" بيكفوني وبيحلونها
..
باقول لي شطرين ناقلها عن ابن ابوي دوم
سهله ومن منطوقها لا جاتكم توحونها
..
مضمونها (عاداتنا وقت اللقا دق الخشوم
والكفو ماهان الزمن عوايده)مضمونهـا
..
واختامها لاجتكم الشده فانا عـند اللزوم
نذرا" علي ان المطمه داخلي ياهونها
..
انا حبـابي والحبـابي مارجع يوم امهـزوم
والفزعـه اللي بين ربعـي باقيا" قانونها

تقبلو تحياتي
الشاعر/
عبدالله بن سعيد ابو قناع الحبابي

رد : انا حبـابي والحبـابي مارجع يوم امهـزوم @@ والفزعـه اللي بين ربعـي باقيا" قانونها

اتشرف ان اكون اول من رد على ابياتك يا عبدالله

صح لسانك وبيض الله وجهك قصيده فيها من الإبداع والشموخ الكثير

لاهنت وبانتظااااار جديدك