شبكة قحطان - مجالس قحطان - منتديات قحطان - مجاراة سعد بن جدلان الأكلبي سمو الأمير الشاعر/عبدالعزيز بن تركي بن سعود الكبير

هــذه مــجــاراة الــشــاعــر الــكــبــيــر/ ســـعـــد بــن جـــدلان الأكــلـــبــي لــقــصــيــدة ســمــو الأمــيــر الــشــاعــر/ عــبــدالــعــزيــز بــن تــركــي بــن ســعــود الــكــبــيــر

هذي قصيدة سمو الأمير الشاعر/
عبدالعزيز بن تركي بن سعود الكبير

يهديها إلى صاحب السمو الملكي الأمير/
عبدالعزيز بن فهد بن عبدالعزيز آل سعود حفظه الله

تقول القصيدة:
( تتجه للعاذرية )

هيجنت بين الحنايا و أبهلت مثـل السحايـب
وأستحلت عرش كسرى و الأصول اليعربيـه
وقفت مثل الشجاع وزرفلـت مثـل الركايـب
ترسـم الصمـان طيـب و تتجـه للعاذريـه
صوب شيخٍ ما تشيّخ كود فـي فـك النوايـب
راسي لحمـول نجـد بهمّـة النفـس الأبيـه
ما رضى إلا مستحيل ولا عشق غير الغرايـب
بين حد العنفـوان و طيبـة الـروح الزكيّـه
داهية هذا الزمان و ثامـن السبـع العجايـب
من شموخ الكبريـاء لحـد سكـرات المنيّـه
يا مضامين الأخـوة يـا مصافيـط الهبايـب
يوم غنت لـي لحنهـا بنـت نجـد البابليـه
حي حيّ من حباني بالوفا مـا أقفيـت تايـب
جيت كلي و أنت كلي يـا اليميـن الحاتميـه
يا سمي أسمى سمو المفخره يـوم الحرايـب
بالسياسـه و الفراسـه والدهـا و القابليـه
يا ترانيم الحيـاة اللـي يسمونهـا وهايـب
يـا تفاصيـل المكـارم بالحـروف الأبجديـه
يا براءة قلب طفل و يا تجارب عقـل شايـب
يا سماحة شيخ علمٍ ما أقترف ذنـب وخطيـه
يا تواضع يا مروءه مـا يشوبنّـك شوايـب
يا تفاني يا عروبـه يـا نزاهـه يـا حميـه
يا نفس وجه الصباح اللي من الذعذاع ذايـب
شوفتك عيد رمضان ..وهرجتك عيد الضحيـه
يا بن عمي يا عضيدي كان هي شبّت لهايـب
أنتخي بك يا أخـو نـوره باليـال السرمديـه
يا سلايل من يسوقـه مـا يحسّـب للعقايـب
عنده حياض المنايا مثـل شـرب الشاذليـه
أبو فيصل و أبو فيصل راس عطيبين الضرايب
جاب نورٍ ما يقارن غيـر بالشمـس الجليـه
أنجبك و الشمس منها لك سمات و لك كسايب
الدفـا والنـور والإشعـاع والطلـة بهـيـه
فيك يا عبدالعزيز المـدح و الابـداع صايـب
يكفي اسمك مقتـرن بالمرجلـه و العبقريـه
إيه أبو تركي حزامي لا حزام أهل العصايـب
كل ما يذكر معزي جا علـى لسانـي سميـه
ترتوي صحرا الفؤاد بسيرته و الكيف طايـب
فارقٍِ و العـود الأزرق مـا علتـه الجاونيـه
قالها اللي من عموق لعنبو من كـان هايـب
فيصلـيٍ لا تعـزوى يفتـخـر بالفيصلـيـه
ما رقينا إلا سنـود و لا نزلنـا إلا مصايـب
زود شر وزود خير وخف نفس وطيـب نيـه

مجاراة سعد بن جدلان الأكلبي لها جات في قصر اليمامة من قصور الناصرية

يقول إبن جدلان:

يا مصابيحٍ على الساحه ومن فيها رقايـب
في دواجير الظلام وفي الصباح وفي العشيه
أشرقي للهاجس اللي كان (م) الشعار غايب
في مجارات شاعرٍ مـرت مقاريعـه عليـه
هاجسٍ المتعب صعيب وشرد أفكاره صعايب
أدهشتني منـه واسعـة الخيـال الواقعيـه
شاقني جزل النشيد وفعل جزلين الوهايـب
كل ما أقرأ بيت منها قلت ليت البيـت ليـه
من سببها رحت أنا ويا هجوسي في طلايب
أندهش من بيت وأسرح مع الثاني شويـه
داهية هذا الزمان وثامن السبـع العجايـب
مجد في الإبداع ما شد إنتباهي بيـت زيـه
شقت الساحه طموح المجد متعبة النجايـب
الطموح الماجدي ساق الخلـوج الماجديـه
عيطموس في بهاها ما تحاشا ريب رايـب
تلتفت وتـوزع البسمـات وتـرد التحيـه
مرت القلّط طوال المـاد طفـاح الجنايـب
طُمح الخـلان ربـات الوجيـه اليوسفيـه
كن فـي كفهـا بيـرق ويتلاهـا كتايـب
جات في قصر اليمامه من قصور الناصريه
عانقت عبدالعزيز الفهـد حّـلال النشايـب
ملحمـة عبدالعزيـز الكبـيـر العالمـيـه
جاب له وضحى من الامداح محبوبة لبايب
قام أبو تركي لأبو تركـي وقدمهـا هديـه
مادحٍ شيخٍ كما غيثٍ على الأوطـان ذايـب
ريهجانه من رِحابه تصبح الفقـراء غنيـه
الولد من راس أبو فيصل مجري كل هايـب
مزبّن الخايف ليا منه اللتطم بحوض المنيه
المليك اللي خلقه الله ملـك ردع السبايـب
وأكرمه ربـي بقـو السلطنـه والأفضليـه
واهبه جزءً من الرحمه وجزء من العقايـب
عن عروش الملكوت العالمـه والجاهليـه
ما أنجبن الأمهات ولا دفن بيـن النصايـب
مثل أبو فيصل مـن الأمـم ميتـه وحيـه
إبن من سياد الجزيره في ظهر ست الركايب
بالعروق الدهم في يدين أربعيـن بوارديـه
كلما جا بحر علق بيرقـه فعـلا الجذايـب
باليمن والشام وأمواج الخليـج الفارسيـه
إسمه معزي على العدوان من عقب الحرايب
يقتل المغوار ويعزي هلـه فـوق العبّيـه
واضعٍ كرسي سلطانه بعـد مُـر الغلايـب
بالأنفـه والبـذخ والكبريـاء والعنجهيـه

وســـــلامـــــتـــــكـــــم

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود