شبكة قحطان - مجالس قحطان - منتديات قحطان - قصيدتين المـــمـــاشـــــــي و الـمـــزايــــن سعد ابن جدلان

المـــمـــاشـــــــي و الـمـــزايــــن

لاتخالفت المماشـي تخالفـت الـدروب
مـع مـن يعنيـك ويقـدرك وتـقـدّره

والبشر محدٍ على شف غيره بمغَصوب
مـن بغالـه شعـب فيسنـده ويحّـدره

والأدمي ماهوب يدري بسـدات الغيـوب
وارد المـا مايدلّـه يـاكـود مـصّـدره

ولا تجيك الحصبه الا من فراش امحصوب
وحبة الجدري تجي من فـراش مجّـدره

الـمـــزايــــن

يا اهل المزاين في خيار البعارين
فزتوا بزين الشعل والوضح والسود

ما شفتوا الحمر الجراما المزايين
اللي حصايرهن كما السدو ممدود

كنها من الشيراز تعطي تلاوين
حمرا يديهن بيض وخشومهن سود

خفافهن ما شذبتها الضلاعين
سفرت مضيف ثليم في مصمك العود

لا درهمت كنها تحذف بطاطين
ولا تهزع في حريرا و ماهود

طول اللحي فيهن وكبر العرانيين
خلت عليهن في جهام البدو زود

في الورد ما يشرب من الحوض ثنتين
ما هيب تنقر حوضها نقر مفرود

ترخي سيوف لحيها والجرانيين
اللي بعدها تحسب الحوض مسدود

ويرفع لها خوفا عليها من العين
من كثرة المقطان لا صرّم العود

وان ثوروهن والخطاطير مشفين
وان ثوروهن والخطاطير مشفين

احدِ من ادني الذود يملي المواعين
واحدِ يلّيم في القدح قطة …

وان كان وينها واهلها وين
اخذوا كلامِ بين الاقطار ماكود

عند اهل سمحات الوجيه المسمين
تروي القنا من دونها دم وكبود

عشيها بين الظنط والسباعين
ومسفارها قرمل كمامين برود

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود