محمد ال مسعود , رياح الزمن
 

[poem=font="traditional arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ياقلب لا تحزن على كل ما فات=الى جرى لك في زمانك مقدر

اصبر على علقم لياليك بسكات=والي مضى خله في قلبك مشفر

الي مضى في صفحة العشق بذات=اغلق كتابه يالهواوي تصبر

للبوح وقت وللحكي عدت اوقات=والخلق مابين الوفي والمعثر

لاينكشف سرً لراعي تشمات= اما ضحك بك ولا اقفى تعذر

تبغى الوفاء منه وهيهات هيهات=الهرج ياكثره ويمنا تقصر

انصى رفيقاً يسعدك في المهات=راعي الوفاء في رفقته ما تخسر

ياخالد حمول المعنى والاهات=حملً ثقيل والخطاوي تعثر

راعيه حي وعيشته عيشت اموات=مع العرب يضحك وقبله تحسر

لازدات حمول الهواء سج سجات=وابعد عن ازحام الاوادم تشطر

وذوب من احساسه وركب له ابيات=ابيات من وسط الضماير تفجر

درب الهواء يامعرب الجد هقوات=تظن لك ظن وفي لحظة تغير

خابرك في دربه قطعت المسافات=وخابر فوادك من سهومه تكسر

وخابر فوادك حافظً عشق مامات=لو الكفن من طين قبرك تغبر

اصبر على رياح الزمن كيف ماجات=واضحك ترى ابواب الرجاء ماتسكر

[/poem]



وسلامتكم ..



محمد ال مسعود

رد : محمد ال مسعود , رياح الزمن
 

راعيه حي وعيشته عيشت امـوات
مع العرب يضحك وقلبـه تحسـر

ارحب يامحمد

وصح لسانك وأبيض وجه

قصيده وافيه وأنت وافي

لاتحرمنا جديدك

تقبل ودي وتقديري

رد : محمد ال مسعود , رياح الزمن
 

اصـبـر عـلـى علـقـم ليالـيـك بسـكـات
والــي مـضـى خـلـه فــي قـلـبـك مـشـفـر


محمد والله انها قصيدة اعجبتني جداجداجداجداجدا

ماشاء الله عليك

استمر بهذه القوه



عندي ملاحظة في ذا الشطر واعتقد انها سقطت سهوا


حــــمــــلً ثـــقـــيـــل وخــــطـــــاوي تـــعـــثـــر

وانا اجزم ان قصدك ----حــــمــــلً ثـــقـــيـــل والخــــطـــــاوي تـــعـــثـــر

رد : محمد ال مسعود , رياح الزمن
 

ابو عساف

المرحب يبقى وسالم
صح بدنك الله يطول بعمرك
والله يبيض وجهك على المرور المميز
دوماً اقف امام حضورك المشرف ايها الرمز

رد : محمد ال مسعود , رياح الزمن
 

الشاعر ماجد العاصمي

مرحبا ومسهلا
حضورك شرف لي الله يطول بعمرك
وصح بدنك وشهادتك وحضورك اكبر وسام
لاهنت وبنسبة للبيت اعتذر عن النقص طال عمرك
والي يهم انها نالت اعجابك .. لاهنت

رد : محمد ال مسعود , رياح الزمن
 

صح لسانك يامحمد

نص جميل وبوح جميل

وعندي بعض الملاحظات وهذا لايمنع بانك متمكن وذوحس عالي



(تظن لك ظن وفـي لحظـة تغيـر) هنا فيه ثقل

فلو قلت (تظن لك ظن ولحظه تغير )

وتقبل ود بحر

رد : محمد ال مسعود , رياح الزمن
 

راعيه حي وعيشته عيشت امـوات
مع العرب يضحك وقلبـه تحسـر

ارحب يامحمد

وصح لسانك وأبيض وجه

قصيده وافيه وأنت وافي

لاتحرمنا جديدك

تقبل ودي وتقديري

رد : محمد ال مسعود , رياح الزمن
 

مرحبا ومسهلا

حياك الله بحر

مميز طال عمرك وصح بدنك
لاهنت على المرور المميز
وبنسبة لملاحظتك طال عمرك
مقبولة وماقصرت
بس لو ازلت كلمة (في)
بيكون فيه كسر في البيت الله يحييك
لكن وجهة نظرك احترمها ووسام على الصدر طال عمرك
ولاهنت على المرور المشرف

رد : محمد ال مسعود , رياح الزمن
 

مرحبا ومسهلا

محمد بن عبيان

صح بدنك طال عمرك
والابيض حضورك هنا
واطلالتك التي تشرفت بها
لاهنت على المرور والتشريف

رد : محمد ال مسعود , رياح الزمن
 

اخوي بحر

انا اشوف الثقل لايعيب القصيده الا اذا كان الثقل مكرر بكثره

هناك شعراء كبار جدا سمعت قصايدهم وفيها ثقل