|
الشاعر الكبير مجدل ال مسعـــود .. رحمه الله عليه
عسى فيضة التنهات تسقى مـن الوبلـي ___ مع كل رد أسبـوع يمشـي بهـا السيلـي هــــــــــــــــــذا الــــــبــــــيـــــــت الــــمـــــشـــــهـــــور للشاعر/ مجدل ابن ربيّع المسعودي القحطاني من أهل تثليث و المولود في قرية الهياثم غرب الرياض سنة1326هـ. تقريبا. هو للشاعر/ مجدل ابن ربيّع المسعودي وإليكم القصة والقصيدة كان رحمه الله في الكويت قبل حوالـي 50سنـه وكـان احـد اقاربـه عنـده ثـلاث بنـات فتقدم خاطباً البنت الوسطا لكن والدهن زوجه الكبرى حسب ما تقتضيه التقاليد آنذاك ولـم يكـن منـه إلا القبـول وبعـد الــزواج بفـتـرة قــال هــذه الأبـيـات معـبـراً عــن مـاكـان يـجـول بخـاطـره ، وموضـحـاً رغبـتـه فـــي الـــزواج مـــن الـوسـطـى الـتــي لـــم تتـحـقـق. اناهاضني ليـن اودع القلـب فيـة افتـوق ___ خـلــوج ولـدهــا عـقــب فــرقــاه مـخـتـلـة بعد هاضني لعب الحمامة على الغرنـوق ___ علـى كــل غـصـن تـرفـع الـصـوت وتشـلـه لما شفت طير ٍ يكسر الحوم قمـت أتـوق ___ أبــاري لطـيـر الـجــو واسـيــر فـــي ضـلــه أنـــا لازم آرسّـــل كــتــاب مــــع مــاثــوق ___ مع الطارش ابن حمـود يوصلـه عبـدالله فـيـازوع قلـبـي زوع طـيـر طلـيـق سـبـوق ___ شهـر فـي خضيـرا الـجـو يكـفـخ ورا ظـلـه حدوني على صدر الغمارة وانابغي فوق ___ ابــي مـقـدم الصـنـدوق ولا عـلـى الـسـلـة معي دفتر الرخصة وانا ما عرفـت اسـوق ___ ولا جـيــت بـشــري مـوتــر مـــا ورد كـلــه ولا صـبـو الفنـجـان الاول مـبـي لــه ذوق ___ ابـي ثانـي الفنـجـال مــن صـافـي الـدلـة اقلـط علـى الضيفـة وأنـا شفـي المفـهـوق ___ ابي قسمي اللي راعي البيـت يفطـن لـه وانــا لا تذكـرتـه يهـايـف بـــي الـطــاروق ___ جبرني علـى الروحـات صوبـة و انـا دلـه هني ّ واحد ماهوب عاشـق و لا معشـوق ___ ولا يشحـنـه فـرقـا و لا الـبـعـد عـــن خـلــه ومن ما قاله رحمه الله عسى فيضة التنهات تسقى مـن الوبلـي ___ مع كل رد أسبـوع يمشـي بهـا السيلـي ولاجف سيلة جـاء مـن الرايـح القبلـي ___ هـمـالـيــل ودان تـهـمـلــل مـخـايـيـلــي الـــــــــــــــــــــــــى ان قـــــــــــــــــــــــــال :. ضربتـه بسيفـي وأثـر سيفـة هـوى قبلـي ___ وصادت محابيله وأنا أخطت محابيلي الشاعر الكبير/ مجدل ابن ربيع المسعودي القحطاني |
رد : الشاعر الكبير مجدل ال مسعـــود .. رحمه الله عليه
ونعم بـ خيالة الشرفا ربع أبن عبود........ونعم
لاهنت يا رسن |
رد : الشاعر الكبير مجدل ال مسعـــود .. رحمه الله عليه
لشاعر مجدل ابن ربيع من شعار قحطان الكبار ولكن الاعلام ظلمه والله يا ناس لما تشوف شعار الحين طالعين ما يدرون وين الشعر فيه كل اشعارهم خرابيط وطلاسم ومع ذلك تجد الاعلام أفة المجتمع مظهر كل اشعارهم ولكن الشعار الكبار والي قصيدهم هادف وله ثمره ما يطلعونه وين قناة الساحه التي تدعي انها قناة المجتمع الواحد ليش ما تطلع اشعار ابن ربيع والا لازم واسطه ؟؟؟؟
لكن ما اقول الا والله شي يقهر شعار قحطان العظماء لا يظهرون شعرهم ولكن غيرهم من القبائل الاخرى تلقاهم مزعجينا بشعرهم ليل ونهار الله يرحم ابن ربيع وأظن ان أبنائه شعار ايضا منهم شجاع ونايف |
رد : الشاعر الكبير مجدل ال مسعـــود .. رحمه الله عليه
لاهنت على النقل يارسن
وصح لسان ابن ربيع المسعودي هذا والله القصيد الزين واللي ينومس لاتحرمنا جديدك يالقرم تحياتي |
رد : الشاعر الكبير مجدل ال مسعـــود .. رحمه الله عليه
هذا الشعر
رحم الله الشاعر الكبير مجدل رحمة واسعه وجزيل الشكر لك اخوي رسن |
رد : الشاعر الكبير مجدل ال مسعـــود .. رحمه الله عليه
اقتباس:
ولا أنــت وما عليك زود,, |
رد : الشاعر الكبير مجدل ال مسعـــود .. رحمه الله عليه
اقتباس:
حياك الله ياشارب الفناجيل .. وعز الله انك صدقت نفداك |
رد : الشاعر الكبير مجدل ال مسعـــود .. رحمه الله عليه
اقتباس:
ابو عساف مرحبابك وابشر بالي ينومس ,, |
رد : الشاعر الكبير مجدل ال مسعـــود .. رحمه الله عليه
اقتباس:
ارحـــب يــابوحــزام ,, ويعطيك العافيه .. |
رد : الشاعر الكبير مجدل ال مسعـــود .. رحمه الله عليه
الله يبيض وجهك
بحثت كثيرا عنها ولم اوفق الا ببعض ابياتها عندما طلبها او استفسر عنها احد اعضاء هذه الشبكة قصيدة لها جو خاص وشاعر متمكن رحمه الله وشكرا لك من الاعماق |
| الساعة الآن 02:31 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com