من الجدايد
 

من الجدايد

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
اللي بلا نفسه بطرد الرعابيب=بيموت ماذاق الحياه السعيده

اقولها يوم اكتفيت التجاريب=من واقع الخبره سنين"عديده

يامارقيت بعاليات المراقيب= اغني الموال وابدع قصيده

ضيعت عمري في الدروب المحاديب=واللي مضى ياكيف نقدر نعيده

ماشفت خير ولاوفيت المطاليب=والفقر يصلاني بنار"وقيده

تكدرت قدمي عذي المشاريب=وانكفت ظامي والمواجع شديده

الله من قلب"كوته اللواهيب=وكثر الحسايف والبكاء ماتفيده

ياما نصحته عن هوى الشك والريب= لكن شياطينه بغيه تزيده

قد قلت له ياقلب جنّب عن العيب= طرد الهوى ياقلب غبن ومكيده

ماطاعني لين اجرحته المخاليب=واصبحت مثل اللي قذى العين بيده

واليوم شبت وحل في راسي الشيب=ماذقت طعم"للحياه الرغيده

حسبي على الخفرات شرق"وتغريب= وحسبي على القلب الخضر ويش فيده

والله لأتوب ولأمتطي صهوةالطيب=ولأفتح مع الايام صفحه جديده

فالعز ياكرام اللحى والاشانيب= في طاعه المولى ونهج العقيده

ولا العذارى ماوراهم مكاسيب= كود الهموم اللي تجيب النكيده

يقوله اللي عذبوه الرعابيب= واقفى شبابه ماقدر يستعيده[/poem]

رد : من الجدايد
 

صح لسانك يا شاعرنا محمد ابو حكام ولاهنت , تحياتي وتقديري

رد : من الجدايد
 

رد : من الجدايد
 

والله لأتوب ولأمتطـي صهوةالطيـب
ولأفتح مـع الايـام صفحـه جديـده

فالعـز ياكـرام اللحـى والاشانيـب
في طاعه المولـى ونهـج العقيـده

ولا العـذارى ماوراهـم مكاسـيـب
كود الهمـوم اللـي تجيـب النكيـده

يقولـه اللـي عذبـوه الرعابـيـب
واقفـى شبابـه ماقـدر يستعـيـده


أرحب يابو حكام وصح لسانك وبيض الله وجهك على القصيده وأعتبرها نصيحه

لكل من مر في هذا الموقف

عادتك التميز والابداع

لاتحرمنا جديدك

تقبل ودي وتقديري

رد : من الجدايد
 

صح بدنك ياالوافي

رد : من الجدايد
 

صح بدنك يارايد ومرورك اسعدني

رد : من الجدايد
 

الله يبقيك يابوعساف ويبيض وجهك على المرور

رد : من الجدايد
 

شكرا لكل من مر هنا

رد : من الجدايد
 

محمد بن حسين

ياكثر ملح ذا القصيده كثراه

والله ياهي اعجبتني بقوه


وهذي القصيده غير ممله اطلاقا

رد : من الجدايد
 

الله مــــــــــن قــلــب"كـــوتـــه الــلــواهـــيـــب
وكــثــر الـحـسـايــف والـبــكــاء مـاتـفـيــده

يامـا نصحتـه عـن هـوى الشـك والريـب
لــــكــــن شـيـاطــيــنــه بـــغـــيـــه تــــزيـــــده

قـد قلـت لــه ياقـلـب جـنّـب عــن العـيـب
طــــرد الــهــوى يـاقـلــب غــبــن ومـكـيــده

مـاطـاعـنـي لــيــن اجـرحـتــه المـخـالـيـب
واصبحـت مثـل اللـي قـذى العـيـن بـيـده



الله الله الله عليك