قصيده في حفلة اخوي محمد بن شديد (سيف المعاني)
 

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
طرف الوسمي وهاض الشعر برق المخيل = وانفرى زورالقريحه على نوض الخيال
وانتحى ســيل التحـدي معا طلعت سهيل = شـاعر ٍ فـي مرقب الشعر نال ولا يـزال
فــي علوه شــامخ ٍ مثــل هامـات النخــيل = ودون ربعــه حامـي ٍ كل حد وكل جال
مدفـــع يـوم اللقـــا يقصــف بوزن ٍثقــيل = محمـد بن شــديد الجـــود شــيال الثـقال
شـاعر ٍٍ بالفــتل شـبره علــى العليا طويـل = ودامها بالصوت حنا على الطوله طوال
أحتــــزم بســـيوف هـند ٍ تعـــدل كل ميل = لابة ٍ يــذري ذراهـــا لمــن لظل مــــال
ياعيال مضيــم يامرهــف الحـد الصــقيل = ياهـل الأبل واللقـاء يامــداغيــش العــيال
ياهــل العـادات من عـادها شــلف وفتــيل = انثنـو من دون سيف المعاني والجـزال
العطـــى له لذة ٍ قبــــل تبحــر للرحــــيل = والحكي ماينفع الرجل لا طال الجــدال
قالها شــاعر فخـر ماغـرف غرفـة بخيل = الخنـــافر محزمه بيــن عــم وبين خــال
شاعر ٍ من روس قوم ٍ تعشـق المستحيل = فعلهم يقنــد خـوا الراس لا فـاحـة دلال
ياعيــال العـود يامحـزمــي زبن الدخـيل = المواقــف لانثعت مـالها غــير الجمــال[/poem]

رد : قصيده في حفلة اخوي محمد بن شديد (سيف المعاني)
 

صح السانك يالخنفري قصيدة جزلة

وابن شديد يستاهل التصويت

شاعر كبير وعلم

رد : قصيده في حفلة اخوي محمد بن شديد (سيف المعاني)
 

ارحب ياعبدالعزيز تراحيب المطر

وصح لسانك وبيض الله وجهك

وابن شديد يستاهل العلم الغانم والله يوفقه ومادام عوال الشايب معه ان شاء

الله أنه شاعر المعنى الاول

تحياتي وتقديري للجميع

رد : قصيده في حفلة اخوي محمد بن شديد (سيف المعاني)
 

صح لسانك ياعبدالعزيز وكفو قول وفعل

وابن شديد يستاهل ويجمل ربعه وربعه بيجملونه .

رد : قصيده في حفلة اخوي محمد بن شديد (سيف المعاني)
 

رد : قصيده في حفلة اخوي محمد بن شديد (سيف المعاني)
 

صح بدنك يابن عمي
ايولله يستاهل ابن شديد
لاهنت على مرورك المتواضع

رد : قصيده في حفلة اخوي محمد بن شديد (سيف المعاني)