|
انكس عقالك دام حنا شعبك
السلام عليكم ورحمة الله وبركاته هذي قصيدتي بمناسبة عودة الملك عبدالله ابن عبدالعزيز ال سعود منتوا بمن ياتي و لا يدرابـــــه .... يا دولة بين الرجال مهابـــــــــه يا دار ابو متعب سديد الهرجـه .... الحاكم اللي مثل إسد الغابــــــــه يا صقر يا صقر العروبه هيـــا .... دارك من الفرقى غدت شبابــــه يا مزن صيف ينش يا همالـــي .... سحابةن ما صك يومن بابــــــه الذيب جر الصوت عقب غيابك .... إذيابة و تعوي بدار ذيابــــــــــه و الذيب لا منه كوته الفرقـــــى .... يفقد شعوره و يهرج بأنيابـــــــه انت البحر واسع عميق الفكــرة .... و انت السماء مابه سواتك مابـه نجد العذية من بعدكم صـــارت .... ظلام ليل بسهلها و هضابــــــه يامرحبا مليون هـــــــــــذا دارك .... وان جيت كلن شد حبل اطنابــه يا خادم البيتين زين السمعــــــه .... لك كلمةن يا سيدي غلابـــــــــه امنتو الخايف على شــــــرع الله .... من ضربة الطاغين و النهابـــه انكس عقالك دام حنا شعبـــــــك .... و كلن كلامه حسب فعل اشنابـه أنا اشهد انك فاللقا و الهيـــــــــه .... فعلك يساوي فعل قوم ولابــــــه نجم الفضا وسهيل تآخذ منـــــك .... و كل الفضاء بكويكبه و شهابـه و سلامتكم ............. |
رد : انكس عقالك دام حنا شعبك
أررررحب يابو مسعود تراحيب الحيا
وصح الله لسانك وبيض الله وجهك على القصيدة الدرة وأبو متعب يستاهل كل خير في ذمتي والحمد الله على سلامته ويشرفني أنا أكون أول متصفح لهذه الصفحة والله لايهينك وتقبل مروري... |
رد : انكس عقالك دام حنا شعبك
حياك يا بو سعيد صح بدنك يا ذيبان ومرورك شرف جعلك سالم
|
رد : انكس عقالك دام حنا شعبك
أررررحب يابو مسعود تراحيب الحيا
وصح الله لسانك وبيض الله وجهك على القصيدة الدرة |
| الساعة الآن 03:13 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com