يامن شرا حض(ن)سمح منه راعيه
 

[poem=font="Simplified Arabic,5,black,bold,normal" bkcolor="transparent" bkimage="backgrounds/20.gif" border="double,thick,sienna" type=4 line=1 align=center use=sp num="0,black"]





الله من قلب كثير(ن) هقاويه =
ياكثر ماوده ووده ووده
إليا ضواني الليل مشروعي ابنيه =
ويصبح عليّ الصبح وارجع واهده
يامن شرا حض(ن) سمح منه راعيه =
ومن قال حده قلت ماني باحده
آرب غيري ياخذه يبتلش فيه =
الله كريم والفرج عقب شده
وليت الوليد يبيع حضه وانا اشريه =
واعطيه مع حضي فراش ومخده
بيع وشرا ولا فلاني براجيه =
أرجي اللي ارزاق الخلايق بيده
حضي معاندني عسى الله يهديه =
تقول مابيني وبينه موده
غديت أنا وياه طير وداعيه =
يدعيه بالملواح عله يرده
كنه يقول ارتاح مافيه مافيه =
ياللي تبي الرده ولا فيه رده
باشوف لي غيرك خوي واخاويه =
وانشب بحلقه غصب واصير ضده
واقول يامعبودي تعوضني فيه =
بحض(ن) قوي وانت مدتك مده
عون(ن) على هذا الزمان وبلاويه =
وحض النكد يالله عنا تلده
نحرص على الواجب نخاف المشاريه =
ولا خير باللي لازمه ما يسده
ومن له عليّ معروف ماني بناسيه =
بارد معروفه ولو بعد مده
ولا احب تزييف المشاعر ولا ابيه =
ولا مدحت اللاش من شان مده
يوم(ن) بعض الناس عبادة اوجيه =
صدقان وجه وفالقفا مستبده [/poem]

رد : يامن شرا حض(ن)سمح منه راعيه
 

اررررحب يابن دشن تراحييب المطر ..

صحححححح الله السانك مدد بلا عدد ..

دخلتني جو وانا اقرا القصيده ..

جزل يا كحيلان ..

تقبل مروري نفدآك ..

اخوك/ فلاح

رد : يامن شرا حض(ن)سمح منه راعيه
 

بيض الله وجهك ولاهي غريبه على شعار الفهر فقد قيل عنهم كلمتن وذهبت مثلآ<لا تناشد شعار الفهر>أي لا تحاورهم ولذلك لجزالة المفرده وحبك المعنى

[poem=font="Simplified Arabic,7,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لا صارحظك نايم لاتصحيه= اخاف لا يصحا وينحاش مره[/poem]

تقبل تحياتي ومروري

رد : يامن شرا حض(ن)سمح منه راعيه
 

اخوي فلاح الله يبقيك ياكحيلان ولاهنت على المرور ودمت سالم وغانم

رد : يامن شرا حض(ن)سمح منه راعيه
 

صح الله اللسااااانك

رد : يامن شرا حض(ن)سمح منه راعيه
 

محمد صح لسانك جزل جزل وقصيدك يرفع الراس , تقبل تحياتي