هديه للشعر والشعراء
 

من اجمل الشعر اللذي قرئته قصيده للشاعر حمد هادي المسردي

والسؤال هل من شاعر يضاهي حمد؟

يقول"
نحمد الله يومني من عريبين الجدود

من قحاطينن ليا جاهم الضيف اكرموه
لا لقاهم مستجير(ن) من الخوف محدود

لاذ بحماهم ويلقى السعد لاجـــــوروه
فكم بذلت من المعاريف في كل الوجود

يوم بعض الناس معروفي السابق نسوه
واحسب مماللجمايل على الدنيا جحود

لين معرفي بذرته بناس وجــــــــــحدوه
واشهد ان من يفعل الجود فيمن لا يجود

مثل من حجج على غاربه ذباح بوه
مايلا قي ردها غير نكرانن وزود

لو تحده دنيته وانتخاهم جنبوه
بعضهم يلحف علن وبالخفا ينقض عهود

البلا في داخله بالنظر ماشخصــــــوه
لوتشوفه قلت له ماعليه اليوم زود

واكثر الناس مثلك عنـــــــد هذا ايدوه
فلا تغرك غيمه الصيف ببروق ورعود

ولا يغرك يالخوي بالملا حسن الوجوه
ذا زمان العولمه استوى بيض وسود

الغبي يافرحته والحكيم اللي يـــتوه
قالها اللي وارث الشعر عن اب وجدود

دنيته وايامها واليالي درســـــــــــــــــوه

رد : هديه للشعر والشعراء
 

الله الله ..

جعل يمنآك ماعطب ياماجد ..

والله يرحم قايلها ويجعله من اهل الجنه ..

لن يتكرر حمد المسردي ..

ولاكن السماء نجومها واجد ..

تقبل مروري يا القرم ..

رد : هديه للشعر والشعراء
 

لاهنت ياماجد على الهديه والله يرحم المسردي وصفه نادر

رد : هديه للشعر والشعراء
 

رد : هديه للشعر والشعراء
 

رد : هديه للشعر والشعراء
 

صح لسان المسردي

وبيض الله وجهك يا المقبل على هذا النقل ..

رد : هديه للشعر والشعراء
 

هلا بك راكان النجوم واجد والقمر واحد

رد : هديه للشعر والشعراء
 

حمد في جيله وتاريخ لمن بعده ومعجزة التاريخ