|
حالنا في سفرنا بالسيارة
حالنا في سفرنا بالسيارة مع العيال ...
. 1- انا بركب عند الباب 2- مابي اركب جمب الشغاله 3- افتحوا الشباك بأرمي العصير 4- صفطوا صفطوا بسرعه تراني واصل حدي 5- يبا شف خويلد يسعبل على كتفي 6-وش تبون من البقاله وابن امه الي ينزل 7- بعدوا اشوف المرايه لا نصدم 8- وخر تراك ماخذ المكان كله 9- تغطوا تفتيش 10- وين نقابي 11- شماغي لا تعفسونه 12- بعد باخذ نعالي وجع 13- بعد راسك انت عن المكيف 14- يبا متى نوصل 15- بس اسكتوا بكلم خويي 16- وجع يا الخايس هذا الببسي حقي انا جايبه 17- القهوه لا تنكب 18- بموت فغصوني 19-طولوا على المكيف حر 20- يما خلي عبيد يوخر رجله 21- صويلح قم وصلنا 22- محمد تعال شل شنطتك والله ما اشلها 23- بنت تغطي لا فقع وجهس 23 - وين نعالي ؟ 7 7 7 7 7 وهكذا تستمر افلام السفر دون توقف والرجعه نفس الشي |
رد : حالنا في سفرنا بالسيارة
اخوي نايف
من لهجتهم .. قصمان نويّر .. وين كرتون الكراث ... عسى ما نسيتوه |
رد : حالنا في سفرنا بالسيارة
ابداع اخوي نايف
اشكرك وابو عصام قلبه على الكراث عسى مانسيوه المقلَعه |
رد : حالنا في سفرنا بالسيارة
الله يعين عليهم
خلهم وياك يخنقونك يابو مسفر يعطيك العافيه علي الاسلوب الجميل تقبل تحياتي |
رد : حالنا في سفرنا بالسيارة
والطامه لا انزلوا السياره يبي لها
عشرين نيجيري يغسلونها وعشر بنقالين ينظفونها من داخل حب ، علوك ، بطاطس ، اغطية قواطي ، شراريب ، كراتين عصير .... الخ |
رد : حالنا في سفرنا بالسيارة
كلامك صحيح
لكن حن يا اهل الجنوب لهتجنا تختلف مثل كلمة طاعون امسوا اصبحوا لو فاضي كان أعدت صياغة السيناريو بلهجة القحاطين |
رد : حالنا في سفرنا بالسيارة
اقتباس:
انا كنت ابغى احولها للهجتنا يا القحاطين بس لضيق الوقت نزلتها زي ماهي تحياتي لك ابو عصام |
رد : حالنا في سفرنا بالسيارة
اقتباس:
ههههههههههههه والله مدري وش قصته مع القصمان تسلم اسعدني تواجدك |
رد : حالنا في سفرنا بالسيارة
اقتباس:
حي الله ابو عبدالله والله شوف هم خانقيني خانقيني بس ترى السفر بالسياره وناسه وسعة صدر خصوصا مع الوالده انواع السواليف والضحك مشكوور وتحياتي لك |
رد : حالنا في سفرنا بالسيارة
اقتباس:
ابن دغيم شكلك عايش المعاناه اي والله انك صادق خصوصا لصار معك بزارين حدث ولا حرج ههههههههههه الله يعين |
| الساعة الآن 12:32 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com