لا تسولف في فعل (( شالح )) وفي فعل (( الفديع ))
 

كل عام وانتوا بخير ...


قصيده تعبر عن نفسها واتمنى اعجاب الجميع



[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="none,medium,gray" type=1 line=0 align=center use=ex num="0,black"]
لقحت ايام السنه بالضيق والحزن الجزاف = لين ما ولدت نصيفتها وباقيها دفيع
السنه هذي يجوز انها من سنين العجاف = من بدايتها وهي ماهيب تسمن من ضريع
الشجيع اللي من الدنيا وأهلها مايخاف = مابقى ذاك (القوي) , (الصامل) , (الفذ) , (الشجيع)
حطموه آهل الظلال وشاف منهم مايعاف = وحملوه من الغبينه فوق مالا يستطيع
دون حق ودون دين ودون نزعات وخلاف = ودون سلم ودون علم ويشهد العالم جميع
الوكاد ان المواقف تظهر اللي مايشاف = تظهر اللي في قلوب الناس من فعل وصنيع
والنتيجه كل ابوها في نهايات المطاف = تكشف الشخص (الرفيع) وتكشف الشخص (الوضيع)
فـ الغبي من علّق الهقوات بـ.. آرقاب الزراف = والذكي من علّق الهقوات بالفرد السميع
والبليد اللي شعوره ما يجي فيه إرتجاف = وان عذلته فالكلام يقول انا صدري وسيع !!
يابري حالي بري عودٍ بعد قيض وجفاف = مايجي حوله سحاب ولا يجي حوله ربيع
مانقول الا عسى عقب الخطا فيه اعتراف = وفيه عذرٍ يشفي الخاطر ومفعوله سريع
لكن ادري بالكذوب اللي خذا الكذب إحتراف = مايجنب عن طريق الكذب لو شاب الرضيع
علموه ان جا مجال اهل المصاقيل الرهاف = لا يسولف في فعل ( شالح ) وفي فعل ( الفديع )
وعلموه ان الردى لهل الردى والانحراف = والجميله عند اهلها والله انها ماتضيع
وعلموه اذا بغيت اعطيه طاف (اعطيه طاف) = لكن اصحاب القطاعه فعلها فعلٍ شنيع
يامذيع اشياء واجد فالقصيده ماتضاف = لو تضاف الله وكيلك قلت ذعها يامذيع


تمت


مشاري بن بتال القحطاني [/poem]

رد : لا تسولف في فعل (( شالح )) وفي فعل (( الفديع ))
 

رد : لا تسولف في فعل (( شالح )) وفي فعل (( الفديع ))
 

صح لسانك يامشاري

قصيده فاخره وشاعر فاخر

مزيد من العطاء والنجاح

ويسعدنا وجود مثلك وشرواك في الشبكه

لاهنت وتقبل تحيات بحر

رد : لا تسولف في فعل (( شالح )) وفي فعل (( الفديع ))
 

الله الله ..

اررررررررررحب يامشاري تراحيب المطر ..

وعيدالله عليك مبارك ..

جزل يا القرم صح الله السانك وعلى لخرى عانك ..

تقبل مروري نفدآك ..

رد : لا تسولف في فعل (( شالح )) وفي فعل (( الفديع ))
 

بيض الله وجهك يا مشاري هذا والله القصيد صح لسانك

رد : لا تسولف في فعل (( شالح )) وفي فعل (( الفديع ))
 

ارررررحب يالهباش ووجهك ابيض يالسنافي وابرك الساعات مرورك وهذا والله اللي يسعدني ويشرفني والله يحييك ياذيبان والله يصح ابدانك على كل حال وتسلم على هذا الاطراء


تقبل تحياتي

رد : لا تسولف في فعل (( شالح )) وفي فعل (( الفديع ))
 

صح الله ابدنك يابحر والله يحييك


تسلم على اطراءك واسعدني مرورك


تقبل تحياتي

رد : لا تسولف في فعل (( شالح )) وفي فعل (( الفديع ))
 

انت اللي اررررحب يا فلاح


ومن العايدين الفايزين جعل عمرك طويل



لا خلا ولا عدم


شرفني مرورك يالسنافي



لاهنت يافلاح واااافي

رد : لا تسولف في فعل (( شالح )) وفي فعل (( الفديع ))
 

ووجهك ابيض يابن عناد


وتسلم ومن ذوقك


والله يصح ابدنك

اسعدني مرورك

رد : لا تسولف في فعل (( شالح )) وفي فعل (( الفديع ))
 

شاعرنا مشاري صح والله لسانك وبيض الله وجهك انا اشهد انك شاعر كفو وجزل

وعلمك غانم . تقبل مروري واعجابي