الرنج السماوي
 

السلام عليكم ورحمة الله وبركاته


للتواصل ...



قصيده من الارشيف سبق ان نشرت في مجلة قطوف واتمنى تنال اعجابكم ...



[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="none,medium,gray" type=1 line=1 align=center use=ex num="0,black"]

مل قلبٍ من هواجيسه سناوي = لا كتبت اسمه على اللوح وقريته
رنج روفر لونه اللون السماوي = والله العظيم ببطي ماشريته
لو معي مليون مافيها حكاوي = كان سقت المال للرنج وخذيته
عقّب المطنوخ ابو مالٍ رهاوي = كان ماهو يصفطه قدام بيته
مركب اهل الجوخ والبشت الحساوي = سعد ابو عينك ليا منك عطيته
لا عطيته في بطانيج الصداوي = كن الارض تقول ياربي فديته
يدرّج مدراجة السيل النحاوي = من مزابير السحاب اليا رعيته
في مقاديمه سنا جمرٍ غضاوي = تاجده فالليل لا كبسّت ليته
ماتمل ان صرت فالطرقه خلاوي = من دركسونه ومن قيره وسيته
عب زيته وانحر بلاد الهراوي = شرط يا لون الذهب هو لون زيته
فـ اشهد ان الرنج يسواله مساوي = يقتضي لك شي ماعمرك قضيته
مايشادي غير مخلفة الهقاوي = لا بدا اللازم وجيته ثم نخيته
وقفته وقفة شليويح العطاوي = الشجاع المطلق اللي ذاع صيته
من جميع المدح يارجّال حاوي = ان تنصيته قدم والا قفيته
دون قاصر فيك ياوارد عراوي = ذكرك الطيب تراني مانسيته
بس انا يعجبني الرنج السماوي = كل ما عرّض على الدرب ولقيته
قلت في صدري وانا اجر العزاوي = والله العظيم ببطي ماشريته[/poem]

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

اسمحوووولي يا اخواني


للتنويه ....


عنوان القصيده حصل بالخطا

اصل العنوان الرنج السماوي والعنوان الموجود لقصيده اخرى


حاولت اصلح العنوان لكن ماعرفت

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

مشاري بن بتال صح لسانك ولي رجعه انا في المحاضره الحين

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

شاعرنا مشاري بن بتال صح والله لسانك اطربتنا شعر لاهنت وجعلك في الوجود

تقبل تقديري واعجابي

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

الله الله ..

صح الله السانك مدد بلا عدد يا مشاري ..

جعل يمنآك ماتعطب ..

والله اني اترقًب لقصايدك دايما ..

تاتي ولا تجيب الا الجزل جعل عمرك طويل وحنا في انتطار المزيد يا كحيلآن ..

تقبل مروري يا القرم ..

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

اخوي ابو بتال


اولا صح لسانك قصيده في غاية الروعه

والجمال من جمبع النواحي

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

قصيدة جزلة وكايفة يا أبو بتال

يسلم راسك ولاهنت

رد : ان شفت قلبي فكر انه يخليك ^^^^ آدخل يديك وتل قلبي بقوووه
 

يامرحبا والله ومسهلا


ابرك الساعات مرورك يافهد

وصح الله ابدانك يالسنافي وعلى اطراءك اللي ينومس