|
البندري بنت عبدالعزيز رحمها الله
[grade="0000FF 0000FF 0000FF 0000FF"]بسم الله الرحمن الرحيم
قصائد باكية للاميره البندري بنت عبدالعزيز رحمها الله في رثاء ابنها سعود بن بندر (رحمه الله) لين اجتمعتوا لدّت العين لسعود ......... قامت تلفّت وين قرّة نظرها وين الكريم اللي سلك سكّة الجود ......... كم واحدٍ نفسه كسيره جبرها أضحك وانا قلبي من الحزن ملهود ......... وأغضى وأذل العين تنثر دررها رضيت بالمقسوم وأيامي السود ......... وكتمت نيرانٍ تطاير شررها أبي رضا ربٍ كريمٍ وماجود ......... علام مافي برّها مع بحرها لعل يجمعني بهم خير معبود ......... في جنة الفردوس نقطف ثمرها --------------------------------- جرحي على سعود إن جيت للبيت قام الفكر يلعب بي ......... وان رحت للخرج صاب القلب ولوالي ماعاد أميّز واعرف الجدّ واللعبي ......... غديت مثل الخلوج أمشي على فالي ياسعود هذي تدابير الولي ربي ......... والعبد ماله عن اللي دبّر الوالي جرحي على سعود ماينفع به الطبي ......... وشلون أبسلى وهو دايم على بالي أحسّ صوته يناديني وأنا ألبّي ......... يقول يمـه نسيتي شبلك الغالي وشلون أبنساك وانته ساكنٍ قلبي ......... أنت حبيبي وزولك دايم قبالي -------------------------------- الدمع غار ليت المنايا وقفت عنك ياسعود ......... خلّتك لين أوريتني في ضريحي ياليتني حطّيت انا عنك بالعود ......... وانت معافا ياجنيني صحـــيحي أنت الصديق الصادق الود ياسعود ......... وانت الطبيب لقلبي اللي جريحي انا أشهد أني عقب فرقاك مقرود ......... ماأنلام انا لو كان اصفّق واصيحي والله لصيحك لين أجاورك ياسعود ......... الله يعجّل جنب قبرك مطيحي الدمع غار وجفّت العين ياسعود ......... والقلب ينحب والجوارح تصيحي [/grade] |
رد : البندري بنت عبدالعزيز رحمها الله
[grade="0000FF 0000FF 0000FF 0000FF"]ياليتني بينك وبين المضره من غزه الشوك لسكره الموت قصيده للشاعر الأمير سعود بن بندر هــــــــــــذه القصيده رائعه من روائـــــــــع الشــــــــــــاعر الراحل الأمير ســــعود بن بنـــدر (يرحمه الله) .................................................. .................................................. .................................................. ................. *·~-.¸¸,.-~* ياليتــــــــــــــني *·~-.¸¸,.-~* يـاليتني بـينك وبـين iiالمضره من غزة الشوك الى سكرة iiالموت اولـيت شـاورني القدر بس iiمره ولـبى مطالب رغبتي قبل iiمافوت او لـيتي لـجرة مـواطيك iiجره احمي قدم رجلك مثل جزمة البوت او لـيت بـيديني السعد iiوالمسره واحـكم عليها عنك مالحظة iiتفوت يـفداك عـمر منك يشعر iiبعمره انـتي الحياة لنفسي وردة iiالصوت سعود بن بندر وهذي قصيدته في والدته رحمها الله رحمهم الله جميعا ..[/grade] |
رد : البندري بنت عبدالعزيز رحمها الله
أبو فيصل دائماً متألق وذوقك رفيع
والصراحة هذه القصائد وإلا فلا تقبل مروري |
رد : البندري بنت عبدالعزيز رحمها الله
[grade="0000FF 0000FF 0000FF 0000FF"]الأمير الشاعر سعود بن بندر بن محمد بن عبد الرحمن احد احفاد الملك عبد العزيز.وهو الابن الاكبر
للأميرة البندري بنت عبد العزيز . شاعر متالق في سماء الشعر وشاعر لايمكن للمرء التعبير عن جمال شاعريته . قصيدة قالها الامير / سعود بن بندر مخاطباً والدته الاميرة البندري بنت عبد العزيز رحمها الله. لا كنـت أنـا لاكـان .. يـومٍ زعلتـيـه**وشلون أبا أرضي خالقي لا حزنتي كلـش ولا تكديـر خاطـرك مـا أبـيـه**كلش يهون رضاه عندي سوى إنتي يااللي وجـودك فـارغ العمـر ماليـه**لا تهـت فـي ليـل الأحاسيـس بنـتـي لـولاك عمـري مــا تـسـاوي ليالـيـه**عيشـة خفـوقٍ فـي صميمـه سكنتـي أنتـي فخـر منشـاي مـرحـوم بانـيـه**غير إنك اللي في الطفولة حضنتـي ولـولاك مـا دورت فالرجـم عالـيـه**لامن ونـى حيلـي نصحتـي وعنتـي الله يـديـمـك لـــي ويـقـســم لـيـالـيـه**بينـي وبينـك قبـل مــا أقــول كنـتـي الشاعر الامير سعود بن بندر رحمه الله شاعر نقد شعره بنفسه قبل النقاد حيث قال في مقدمة ديوانه: «لي نقدي الخاص لكل قصيدة من قصائدي خصوصا تلك التي كتبتها في بداية الطريق» سعود بن بندر ، قالت عنه والدته رحمه الله : جرحي على سعود ما ينفع به الطبـيوشلون أبسلى وهو دايم على بالي !! انه شاعر بكل ما تحمله الكلمة من معاني ، لنقرأ هذه الدرة الرائعة حاول واحـاول يصيـر فراقنـا هـادي**الله عـطـانـا الـعـقـل حــتــى يعـيـنـنـا خـل المقاديـر تمشـي مشيهـا العـادي**فـي عمرنـا يفعـل الله مـا نــوى فيـنـا مـا فادتـك دمعتـك.. مـا ينفـع عنـادي**لا صـار ربـي حرمنـا مــن بيعطيـنـا فرقا وصارت ولا تحزن على بعادي**وانـا بحـاول علـى نسيـان مـا ضيـنـا تخطـي علـي واستسمحـك واترجـاك**ضعفي هواك .. وفطنتـك مـا تخونـك والمشكل اني كل ما جيت ابـا انسـاك**فكـرت نفـسـي كـيـف تـرتـاح دونــك ومـــا ظـــن لا هـــذا ولا ذا ولا ذاك**والـلـي سمـعـت بـذكـره يعوضـونـك تدري بي اعشق فيك شامـل سجايـاك**زينـك وشينـك. فـي قـسـاك وليـونـك وانــي متـيّـم فــي محـاسـن مـحـيـاك**وتعرف علي وش لون سلطة عيونـك تامر علـي مـن موقهـا المـوت هـذاك**واطـاوع امـره قبـل تـرمـش عيـونـك ارجع واقول اهواك واهواك واهواك**وبكـيـفـك اتـعــذب ولــكــن بـهـونــك قال لوالدته: يــا ليتـنـي بيـنـك وبـيــن الـمـضـره**من غزة الشوكة إلى سكرة الموت. ثم قال لأبيه: يا بوي يا عـزي ويـا تـاج راسـي**يكفي من افضالك علي نسبتي لك انه شاعر تشرف الشعر والادب بقدومه وبكت على فراقه صفحات الادب قبل بكاء محبيه وعندما نقرأ ديوانه الشعري نجده روضة امتلأت بالازهار وحسن الابتداء في مطالع القصائد ، لقد ابدع سعود بن بندر في ترويض الكلمات لتحمل الروعة والجرس الموسيقي الشفاف، كما نجد البساطة والعفوية وعدم التكلف في صنع المعاني. مـن هـو حبيبـك غايتـي بـس أهنيـه**علـى حسـن حظـه عشانـك حبيـبـه أنــا أشـهـد ان الله يحـبـه ومعطـيـه**اللـي هـداه الـرب تصـبـح نصيـبـه ياللي خذيت من الحلا كـل مـا فيـه**ومـن الطبـع كـل الخصـال الحبيبـة تسحر بهمساتـك عقـل مـن تحاكيـه**مـع خـف دم وملـح مـا ينحكـى بـه لك حـق يـوم تمـوق وتحـس بالتيـه**الله وهبـك أوصــاف زيــنٍ غريـبـة قبلك وأنا بعض الجمال التفـت فيـه**وعقبك ظهر في كل من شفت عيبه *** لــي لــزوم هـنـاك وهنـيـا لـــزوم**والهنيـا أهـون خطاهـا مـن هـنـاك وقامـت شكوكـي علـى قلبـي تلـوم**وبعد مـا خايـرت نفسـي قلـت ذاك الهـنـيـا تـشـبـه لـمـاكــر رخــــوم**فـي محلـة تاصلـه حذفـة عـصـاك والـهـنـاك تـشـابـه لـحــر يــحــوم**ماكرة صعب على نصـب الشبـاك انتويـت هنـاك يـا معطـي الـعـزوم**عطني العزم القوي وأجزل عطاك *** ارعى خيالك في خيالي وانا اجيـك**واضم طيفـك واحسـب انـه قوامـك واشتاق لك واحلم بزولك واراعيـك**واخاف مـن غيـري يفـوز بغرامـك بسـم الدلـع متـى بشـوفـك وانـاديـك**والا متى اسمع (لتغـةٍ) فـي كلامـك علمتـنـي فــن السـهـر فــي ليالـيـك**وسحرتـنـي بمـداعـبـك وابتـسـامـك ايمانـي بحبـك سبـب رغبـتـي فـيـك**تامـر واطيـعـك ماسألـتـك عـلامـك حـتــى حـيـاتـي غيـرتـهـا مـبـاديـك**واصبحت (........) ياحبيبي مقامك *** حبيت قربك ولا ادري ليـش**تـرتــاح لمـشـاهـدك عـيـنـي دخلت فـي مهجتـي بشويـش**وحبيـتـك بـكــل مـــا فـيـنـي جنبـك بديـت استـلـذ العـيـش**وانـدم علـى ماضـي سنيـنـي قبلك حياتي مضت في طيش**ياليـت عـارفـك مــن حيـنـي ذي قصتي وأنت رائك ويش**آمـيــن لـــك رغـبــة فـيـنـي علـى حريـر ومخـدة ريــش**سـلـمـتـك الـقـلــب بـيـديـنـي توفي شاعرنا المبدع سنة 1986م. رحمه الله رحمة واسعة الى اللقاء مع علم آخر[/grade]. |
رد : البندري بنت عبدالعزيز رحمها الله
استاذنا العزيز سفر مبارك لاهنت طال عمرك وبيض الله وجهك على هذا الاختيار الموفق
وفعلاً قصائد مؤثره جدا وصادقه رحم الله الامير سعود بن بندر رحمة واسعه ,( تقبل مرورك اخوك المحب لك يا ابو فيصل |
رد : البندري بنت عبدالعزيز رحمها الله
اقتباس:
بيض الله وجهك وجمل الله حالك ,,,, |
رد : البندري بنت عبدالعزيز رحمها الله
اقتباس:
بيض الله وجهك عداد مادرهمة الركايب وجرت الهبايب يبو معتز لاهنت ,,,, |
رد : البندري بنت عبدالعزيز رحمها الله
مرحبا مليار يا مشرفنا الرائع ..
بيض الله وجهك على هذا الاختيار الاكثر من رائع .. دمت لنا يابو فيصل .. |
رد : البندري بنت عبدالعزيز رحمها الله
ياليتني بينك وبين المضرة....من غزة الابرة ليا سكرة الموت
رحم الله الامير سعود...ووالدته البندري بنت عبدالعزيز وتسلم يمناك على النقل الرائع....وأنت دائما رائع يابو مبارك.... شكراً لك.....وتقبل مروري |
رد : البندري بنت عبدالعزيز رحمها الله
لاهنت ياابوفيصل
والله يرحمهما واموات المسلمين قصائدهم عفويه وصادقه ونابعه من القلب بدون رتوش وليست كقصائد غيرهم المشتراه والمنمقه لاهنت وتقبل تحيات بحر |
| الساعة الآن 06:43 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com