|
بعض المصايب شرها ياكل الهيـم *** وشلون بكبود الرجـال الكريمـه
دام البكا يا ريم ما فيه تحريم شاعر مسجون مر من أحد الممرات وفي ذلك الممر كانت ) ريم وأمها ) داخلين لزيارة سجين سمع صوت الأطفال فتذكر أبنائه فدمعت عينيه شافته( ريم ) وقالت لأمها : بكل برائة ( يمّه الرجال يبكي !!!!! ) عندها ،، كتب الشاعر هذه القصيدة :: أبكي وعيني تسهر الليل يـا ريـم مدري بلاها الشوق والا الظليمـه يا ريم دمع العين مدري على الريم والا على قلبـن تواكـل صميمـه تقول لاطمني علـى نونهـا سيـم أبكي وعندي لأزرق الدمع قيمـه ويمكن يكون الدمع للعيـن تكريـم ويمكن يكون إلها عذاب وحريمـه والله يا لولا دمعتـن كنهـا الديـم راحت ضلوعي من عذابي حطيمه ودام البكا يا ريم ما فيـه تحريـم يا عنك والله لأرخص الدمع شيمه وابكي على حالي من الوجد وآهيم لين الزمن يخلـف عليّـه نسيمـه أبكي حياتن صافيه ما بهـا غيـم وين المحبـة والقلـوب السليمـه أبكي قهر وابكي من الغبن والضيم وابكي من طعونن بقلبـي قديمـه غدر الزمن خلّى بوجهي مراسيـم وما يذبح الرجال مثـل الهزيمـه بعض المصايب شرها ياكل الهيـم وشلون بكبود الرجـال الكريمـه وبعض المصايب يخلفن المفاهيـم تبغى على ما قيل صبر وعزيمـه مظلوم بالدنيـا وغيـري مظاليـم من عرض ناسن لبسوهم جريمـه ما عاد أبي من سود الأيام تعليـم عقب العذاب اللي كلاني جحيمـه ولو تصفي الدنيا علـيّ الملازيـم ما عاد أدور من وراهـا غنيمـه . |
رد : بعض المصايب شرها ياكل الهيـم *** وشلون بكبود الرجـال الكريمـه
للأمانه هذي القصيده
لـ لشاعر ممدوح المرزوقي البقمي أبو عقاب (شاعر الثقلين) ، ، بيض الله وجهك ع النقل |
رد : بعض المصايب شرها ياكل الهيـم *** وشلون بكبود الرجـال الكريمـه
غدر الزمن خلّى بوجهي مراسيـم
وما يذبح الرجال مثـل الهزيمـه بعض المصايب شرها ياكل الهيـم وشلون بكبود الرجـال الكريمـه يقال أن وراء كل رجل عظيم معاناه وأنا أقول كل وراء كل قصيدة مؤثرة أو خالدة موقف مؤثر في النفس . أجاد الشاعر وأنت أجدت في الأختيار يأخ خالد . |
رد : بعض المصايب شرها ياكل الهيـم *** وشلون بكبود الرجـال الكريمـه
الاخ خالد العاصمي
السلام عليكم ورحمة الله وبركاته نعم قصيده مؤثره ومنها قوله ودام البكا يا ريم ما فيـه تحريـم يا عنك والله لأرخص الدمع شيمه وابكي على حالي من الوجد وآهيم لين الزمن يخلـف عليّـه نسيمـه أبكي حياتن صافيه ما بهـا غيـم وين المحبـة والقلـوب السليمـه أبكي قهر وابكي من الغبن والضيم وابكي من طعونن بقلبـي قديمـه ولان يحق لشاعرنا ان يعبر عن معاناته بالدمع فكثير من الموع مفاريج لما في الصدور مشكور على هذه القصيده المعبره |
| الساعة الآن 04:50 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com