شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)
-   -   بطي الحبابي وسعيد بن زهره ومشخص الفهري وعبدالله الهاجري وعلي بن لدهم (https://www.qahtaan.com/vb/showthread.php?t=63690)

بطي مسفر الحبابي 13-09-2010 04:49 AM

بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
بسم الله الرحمن الرحيم
والصلاة والسلام على رسول الله


معا لنصرة رسول الله صلى الله عليه وسلم.طبعاً ما يخفاكم الهجوم على رسول الله من الحثاله.
أعداء الله ورسوله والإسلام. فبعد الرسوم نزلوا العاب عن الرسول وزوجاته رضي الله عنهم
حسبي الله عليهم. واللي يحز في الخاطر ويقهر موقف المسلمين
يجب علينا الدفاع كلٍ حسب مقدرته . الكاتب بكتابته والشاعر بشعره....إلخ
انا تأثرت من الموضوع وكتبت هذه الابيات المتواضعه وحبيت ان يشاركني زملائي الشعراء المبدعين
وكتبت هذه الابيات وشرّفني بمجاراتها كل من الشاعر سعيد بن زهره شاعر قلطة الوطن
والشاعر المبدع مشخص الفهري والشاعر الممميز عبدالله الهاجري والشاعر المميز علي بن لدهم
وطبعا شرفونا بمجاراتهم جعلها الله في ميزان حسناتهم والمجال مفتوح لأي شاعر يرغب المشاركة

صلوا على النبي


يا أمه ،،أطهر خلقه،، الفكر محتار = من وقتي ومنكـم ومن ماغمركم

إذا ســأل شفـيــع الأمــه مـن النـار = وش ماتكون أعذاركم ماعـذركم

تنشر صور ورسوم وألعاب وألعار = يرجع عليكــم دامهـا في دهـركم

أستغفر الله كن ماصايـر"ن" صار = وشهـي مواقفكـم لو إنها صوركم

على الأقل مقاطع إنتـاج الأشــرار = نصرة نبي"ن" قبل موته نصركم

أجــدادنا ياللـي تعـبـدون الأبـقـــار = عـاشـوا بلا جبنة وزبـدة بقــركـم
بطي الحبابي






مجاراة الشاعر سعيد بن زهره


يا أمــة المختار ما فيكم أخيـار = ينشرخـبــرلعـدى ويسـقــط خبركم

الظاهر (ن) ماعاد للعالم أعــذار = اللي يصيــر يجــوز يلفـت نظركــم

ماعادفيه مجاملات ولا أســـرار = الخوف من بعض المواضيع اسركم

والله لـو إن العــرب دمهــم حار = إن يغـسلــون العـار مـن دم نحـركــم

ياهل الفساد وياقصيرين الاشبار = الله إلا مــن راد وأشــاء دمــركم






مجاراة الشاعر عبدالله الهاجري


يا أمة(ن) أعدادهـا وصــل مليـار = يامة محمد كيـف يسمع خبركـم

هبـوا لنصرة سيـد الامـه والاخيار = اللـي بذكره عامراة(ن) ديركـم

يا أمة التـوحـيـد ياكـبــر الاخطــار = بين الامم ماعاد يدرى خـطركم

وأنتـوا لكـم تاريـخ فـي كل الأقطار= والله تعالى في كـتـابـه ذكـركـم

وياهل الرسـوم أنتوا حثاله وكـفـار= في الارض محد" سالم من غدركم

لابد من يوم(ن) تكـلمنـا الأشجــار = لوكان نبت الغرقده من شجركم






مجاراة الشاعر مشخص الفهري


يانصرة الآسلام ياخير ~ الانصار = يانصرة اللي للعقيده ~ ذخركم

نبيكم ~ شفيعكم ~ سـيـد الابـرار = وشلون يستهزيبه الي غدركم

رسم و عبارات و هتافات وآفكار = ياكبرها ~ ياصغرها في نضركم

إلى متى وآنتم تحرون الآعذار = والله بنصرة من نصركم ومركم

جاريت من ساقه على بدع الاشعار = حب الرسول اللي بهديه ذكركم






مجاراة الشاعر علي بن لدهم


يا أمه _ يشفع لها (سيد) الأ ابرار = محمد (رسولا) بألهدايه ومركم

اصحو ترا المسلم على دينه يغار = وذو دو عن اللي عند ربه ذكركم

ترا الخطر قادم تصدو للا خطار = وشوفوعسى الله مايقلل نظركم

أنتم عددكم زاد من فوق مليار = وخنزير واحد في رسومه قهركم

لو عندكم غيره مثل قوم الانصار = ماكان لعداكم عطيتوا ظهركم

والعنكبوت أخفا على جرة الغار = جرة نبي(ن) با لهدايه ومركم

ابن سراع القحطاني 13-09-2010 05:04 AM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
اررحب اررحب يا بطي الحبابي

واتشرف اكون اول من يرد على الموضوع القيم والمميز كونه في نبي الهدى محمد صلى الله عليه وسلم

صح لسانك يالجزل

صح لسان ابن زهره

صح لسان عبدالله الهاجري

صح لسان مشخص الفهري

صح لسان علي ابن لدهم


جزلين وشعار جميعكم بيض الله وجيهكم منا لسماء وكلنا معك يا رسول الله

لاهنت يا بطي نفداك على ما وفايتنا إياه يالغالي






تقديري

بطي مسفر الحبابي 13-09-2010 09:43 PM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 

بن سراع القحطاني

البقا ثم البقا والمرحب باقي

بيض الله وجهك على المرور والكلام الطيب

والشرف لي انك اول واحد يرد على الموضوع

وماعليك زود وااااااااافي ومن واااااافين يالقرم

تقبل تحياتي
بطي الحبابي

رائد نملان الحبابي 14-09-2010 07:43 AM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
اخوي الكريم

بطي مسفر
اسال الله العلي العظيم ان يسعدك فيااااااااا الدااااارين

وصح الله الساااانك وسلم فكرك وبنااااانك

ولاهان من جااااراااااااااااااااااااك

مشاري بن بتال القحطاني 15-09-2010 02:04 AM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
الله لا يهيينك يابطي ويجزاك بالخير ويجزا الشعار بالخير



وصح الله اسنتكم جميع


ونسئل الله عزوجل ان ينصر رسول الله ومن تبع هديه وان يهلك الكافرين ويجعل كيدهم في نحورهم



شكرا لك يابطي



تقبل تحياتي

بطي مسفر الحبابي 15-09-2010 01:32 PM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
اقتباس:

المشاركة الأصلية كتبت بواسطة رائد نملان الحبابي (المشاركة 708134)
اخوي الكريم

بطي مسفر
اسال الله العلي العظيم ان يسعدك فيااااااااا الدااااارين

وصح الله الساااانك وسلم فكرك وبنااااانك

ولاهان من جااااراااااااااااااااااااك

الأخ العزيز رائد بن نملان ارحب ارحب

الله لايهينك على المرور والتعليق

وهذا اقل شيء ممكن نسويه لأغلى البشر
صلى الله عليه وسلم

تسلم يارائد: فأنت على اسمك راااااائد

تقبل تحياتي
بطي الحبابي

بطي مسفر الحبابي 15-09-2010 01:44 PM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
اقتباس:

المشاركة الأصلية كتبت بواسطة مشاري بن بتال القحطاني (المشاركة 708190)
الله لا يهيينك يابطي ويجزاك بالخير ويجزا الشعار بالخير



وصح الله اسنتكم جميع


ونسئل الله عزوجل ان ينصر رسول الله ومن تبع هديه وان يهلك الكافرين ويجعل كيدهم في نحورهم



شكرا لك يابطي



تقبل تحياتي


ومن قال مايهون

وتسلم على المرور يالذيب

تفبل تحياتي
بطي
الحبابي

بطي مسفر الحبابي 10-01-2011 02:49 PM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
السلام عليكم ورحمة الله وبركاته


أما بعد

حبيت أعيد الموضوع لما له من أهمية وأنا مستغرب من عدم التفاعل معه؟؟!!!

مع أن الموضوع عن الرسول صلى الله عليه وسلم

أتمنى أن يكون هناك تفاعل


تقبلوا تحياتي
بطي
الحبابي[/poem]

صالح حسن الكيرعاني 19-01-2011 11:42 AM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
صح الله لسانك يابطي الحبابي واعتلى شانك


وعسى الله يجزاك خير ويجعلها في ميزان حسناتك وجعلها تشفع لك يوم الحشر


وبيض الله وجيه الشعار اللي جاروك بقصايدهم


وهذا هو وقت الشعر ، بالذب عن الأسلام واهله

بطي مسفر الحبابي 29-01-2011 08:57 PM

رد : بطي الحبابي وسعيد بن زهره ومشخص الفهري وعبدالله الهاجري وعلي بن لدهم
 
اقتباس:

المشاركة الأصلية كتبت بواسطة صالح حسن الكيرعاني (المشاركة 729332)
صح الله لسانك يابطي الحبابي واعتلى شانك


وعسى الله يجزاك خير ويجعلها في ميزان حسناتك وجعلها تشفع لك يوم الحشر


وبيض الله وجيه الشعار اللي جاروك بقصايدهم


وهذا هو وقت الشعر ، بالذب عن الأسلام واهله

ومن قااال ساالم غانم

ونفعنا الله وياك بمانعمل لوجهه

وكمت قلت هذا وقت الشعر في المواضيع اللي مثل هذا الموضوع
خصوصا انه عن رسول الله صلى الله عليه وسلم

والله لايهينك على المرور يالقرم

لك تحياتي


الساعة الآن 04:39 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود