جعفر بن جمل بن شري وحامد بن علي بن مايقه
السلام عليكم ورحمة الله وبركاته
هذه قصيدتين بين الشيخ الوقور وصاحب الخلق الكريم / جعفر بن جمل بن شري وبين الوالد في هذه الايام والوالد وجعفر بن شري تربطهم علاقة ود واحترام جعفر بن شري ارسل على الوالد : شهر رمضان هل يامرحبا به = الله يجازي كل من صامه بخير نرفع تهانينا لراس النجابه = مقدم بني عمه زبون المخاسير ماعلم الحارس على صك بابه = يطرب ليا كثروا عليه الخطاطير حامد كما ضلع ذرا من رقابه = ريف اليتاما والفقارا المعاسير سلام ياشيخ عزيز جنابه = سلام احلى من حليب المصاغير وهذا رد الوالد حي الامير اللي لفاني خطابه = الشيخ سردال القروم المناعير عوق الخصيم اللي يقود المجابه = ابن شري نسل الرجال المشاهير يالشيخ جعفر للمهمات لابه = يرقون للعليا بروس الطوابير امنت بالرحمن واثني الرجابه = انه يوفقنا على الحق ياامير ويعود شوفك يازعيم الذرابه = يوم التقينا في بلاد المناصير فعل النفوس الطيبات يتشابه = يروا بها الضامي على جمة البير ياكل بها الجايع على راس نابه = وانتوا عربها ياحماة المظاهير وسلامتكم جميع |
رد : جعفر بن جمل بن شري وحامد بن علي بن مايقه
أخوي محمد
صح الله لسانك وألسنة هذان القطبان اللذان يشرفا كل قبائل قحطان مساجله في قمة الأدب والروعه والوفاء ولايستغرب على اصحاب العرف وأهل المكانه مثل هذه المفردات التي بوزنها ذهباً شكراً لك ولا يكفيك الشكر بارك الله فيك |
رد : جعفر بن جمل بن شري وحامد بن علي بن مايقه
الشيخ بن جمل
الشيخ بن مايقه من كبارالاسامي بلاشك مراسله رايعه واشكرك اخوي ابوحامد ولك مني احلى تحيه |
رد : جعفر بن جمل بن شري وحامد بن علي بن مايقه
أرحب يا بن مايقة ..
مراسلة أكثر من رائعة .. بيّض الله وجهك .. |
رد : جعفر بن جمل بن شري وحامد بن علي بن مايقه
ارررررررررررحب يابن مايقه تراحيب المطر ..
حيه وحي ماجاب والله اني صادق .. ماقول الا جعل ربي مايباغض بينهم حق السميع العليم .. مراسلة وفا وطيب من هل الوفا والطيب .. صح الله السنتهم مدد بلا عدد .. وجعل يمنآك ماتعطب يابو حامد .. تقبل مروري نفداك .. |
رد : جعفر بن جمل بن شري وحامد بن علي بن مايقه
ارحب يابن مايقة
ويعطيك العافية وصح الله السنتهم ولاهنت على المراسلة بين قطبين من اقطاب الشعر والمرجلة وقحطان ما يفرقهم حدود وجناسي ما يفرقهم الا الموت قطاع الأنفاس وشكرا |
رد : جعفر بن جمل بن شري وحامد بن علي بن مايقه
اررررررررررررررحب ياابن مايقه
الف الف الف شكر على هذا النقل الرائع وصح اللسان الشيخ جعفر وابوك على هذه المراسلة الطيبة من نوعها |
رد : جعفر بن جمل بن شري وحامد بن علي بن مايقه
اقتباس:
مرحبا ومسهلا يابندر والله يعطيك العافية ( والرجال خشب لين يتعارفون ) تحياتي وتقديري |
رد : جعفر بن جمل بن شري وحامد بن علي بن مايقه
ونعم بابن شري وابن مايقه وصح لسانهم
لاهنت يا محمد وبيض الله وجهك على نقل المساجله الطيبه والطيب ماهو بغريب عليهم تقديري |
رد : جعفر بن جمل بن شري وحامد بن علي بن مايقه
اقتباس:
مرحبا بك والعفو ياوجه الحباب لاهنت على التواصل والمرور تحياتي وتقديري |
الساعة الآن 07:30 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com