الله يمسيكم بالخير والمسرات


في الحقيقة انني اكتب هذا الموضوع عن شاعر لم يأخذ حقه الاعلامي


مع العلم انني اعتبره


علم واسطوره في الشعر وذلك لما رأيته من ابداع


وتميز فريد وجزاله وسلاسه في الالفاظ


بل اعتبره مدرسه شعريه يستفيد منها الشعراء


هذا الشاعر يستطيع ان يكتب القصيده في جلسه واحده


وعندما تسمعها تعتقد ان هذه القصيده قد امضى صاحبها


سنوات ليستطيع اظهارها بهذه الجزاله


هذ الشاعر قد ووري جثمانه الثرى فعليه رحمة الله الواسعه وغفر الله له


ومن باب ان هذا الشاعر من قبيلة قحطان وله حق علينا وهو ابن عم لنا


ومن باب نصرة الشعر الجزل والشعر الحقيقي


فأعتقد انه من الواجب عدم نسيان هذا الشاعر العلم


وقد قمت بجمع بعض قصائده في هذا الموضوع


واتمنى جعله


موضوع مثبت


في المنتدى ليستفيد منها الجميع


من شعراء ومتذوقين ونقاد وهذا اقل ما يستحقه


من اخوانه وربعه


ولكي لا تتعرض قصائده للسرقه اذا لم يتم توثيقها


هذا الشاعر هو / سعد محمد سعيد ال سالم الفهر القحطاني [ابوعبيد] رحمه الله




وأليكم بعض قصائده


التي سأوردها متتاليه في هذا الموضوع ليتسنى للجميع قرائتها والحكم عليها














لوبكيـت الـكـل يبـكـي مــن بـكـاك



لويشـاهـد دمعـتـك وحــشٍ بـكــى




امسح الدمعه عسى روحي فداك



والله انـي فيـك مااسمـع منحكـى



جـل ربٍ صـورك واحسـن بـهـاك



خـذت كـل الزيـن مامعـك اشركـا



بين كـل الغيـد ويـن القـى سـواك



جـامـعٍ بـيــن الـسـذاجـه والـذكــا



والنهـايـة يانـظـر عـيـنـي تـــراك



لوبكيـت الـكـل مــن شـانـك بـكـى




















ياعبيد انا جربـت واخطيـت واقديـت



ومشيت فوق الشوك باالرجل حافي




وكـم ليلـة ضيـعـت والصـبـح دلـيـت



ايــام كــان الـنـور بـالـدرب طـافــي



وكم ليلـة ٍ فـي حفـرة المـوت طبيـت



وحمدت ربي ويـوم صـارت عوافـي



وكم مرة ٍ فيها على الطيـب اخطيـت



وافلسـت مـن خــوة رفـيـقٍ سنـافـي



وسـافـرت لـديــار ٍ بـعـيـده ورديـــت



وعـجـزت لا حــدد نـهـايـة مـطـافـي



وكـم ليلـة ٍ مـع هايـف القـد سجيـت



ابـو جـديـل ٍ فــوق الامـتـان ضـافـي



وسامـرت عشـاق الغـرام وتهنـيـت



ومـازلـت لعـهـود المحبـيـن وافـــي



ولاشفـت منهـو مقفـي ٍ عنـه قفـيـت



اقفـي عـن المقـفـي ولانــي بهـافـي



ولاصـد عنـي واحــد ٍ عـنـه صـديـت



وراع الجـفـا مـنـي جــزاه التجـافـي



ويابوك انا جربت واقديـت واخطيـت



ومشيت فوق الشوك بالرجل حافـي
























الله مـــن هـــم لـجــا داخــــل الــجــوف



هـــم لـجــا بـاالـجـوف حـالــي دمــرهــا




وخوف من الماضي يطارد ورى خـوف



وعـيـوب ٍ تكـشـف والله الـلـي سـتـرهـا



واحداث تجـري والسبـب غيـر معـروف



وشـوق عــن الـخـلان رجـلـه قصـرهـا



جـرتـي مــع الأيـــام والـوقــت يـانــوف



يانـوف وانتـي مـاء العـيـون وبصـرهـا



يـانـوف قـامـت ضـدنـا عـــدة اظـــروف



والــروح مـمـا صـــار قـــرب خـطـرهـا



لاجيـت ابشـرح موقفـي منـك مكـسـوف



راحــــت حـلاويــهــا وهـــــذا كــدرهـــا



يانـوف لويصـبـح بـنـا الـسـر مكـشـوف



وعـدوانـنـا تـمـشـي وتـكـشـف خـبـرهـا



وانتـي سبـب مابـي وانـا منـك ملـهـوف



وارضي دهـر .. يانـوف وانتـي مطرهـا



وانتي الذي يعجز بك الوصف ووصوف



وانـتــي بـسـاتـيـن الــفــواد وشـجـرهــا



ياجـادل ٍ شعـره علـى المـتـن منـسـوف



لامــن لـقـوه البـيـض يـقـصـر شـعـرهـا



يامـدمـج الساقـيـن والـوسـط مـلـهـوف



وكـن القمـر فـي وســط ..لـبـت نحـرهـا



قربـك يطـمـن لوعـتـي لحـظـة الـخـوف



وحـبــك معـالـيـق الظـمـايـر هـصـرهــا



قالـت كفـى ماصـار مـا انـتـه بمكـلـوف



انـا السبـب فيمـا حـصـل مــن ضـررهـا



ودي بشـوفـك بـــس يكفـيـنـي الـشــوف



يـامــن عـمــر حـالــي وعـــود دمـرهــا



لارحـت قلـبـي راح ..بـثـرك . مـحـذوف



وعيـنـي بـعـد فـرقــاك طـــول سـهـرهـا



ليتـك تـشـوف الـحـال لــو ودك تـشـوف



حــال الــذي نـفـسـه بنـفـسـك ..نـذرهــا






























ياعبيـد لاتسـأل عـن اسبـاب بلـواي



اخـــاف لا يلـحـقـك مـنـهـا مــضــره




انكان لك ممشى غدا مثـل ممشـاي



فـعـزي لعيـنـك مــن طـريـق ٍ تـمـره



ياعبيـد ياصبـري علـى جـور دنيـاي



عـسـاك منـهـا ماتـشـوف المـضـره



هـذا زمـان ٍ فيـه كـم تاهـت اريــاي



يعطـيـك مــن خـيـره ويكفـيـك شــره



خان الرفيق اللي عرف سر مخباي



ربـع الرخـا ياعبيـد وقــت المـسـره



تعبت قـدم رجلـي وانـا رايـح ٍ جـاي



اسيـر وابحـث عـن طريـق المسـره



واليـوم يامشـكـاي ياكـفـو رجــواي



خطر ٍ على جيبـي مـن الغيـظ اطـره



شف سيرتي يركض بها كـل حكـاي



خــبــل ٍ وجـيـبــه فــاغــر مــايــزره



حاول تساعدني على شرح دعـواي



للصـاحـب الـلــي لا لـقـانـي تـشــره



فنـكـان نـفـعـك ماحـصـلـي بـدنـيـاي



فـــي الآخـــره كـــل ذنـوبــه تـجــره



واليوم لاتسـأل عـن اسبـاب بلـواي



اخـــاف لايلـحـقـك مـنـهــا مــضــره




























قالـو سعيـد وقلـت مـامـن سـعـاده



واسمي سعد بس السعد مني بعيد




قالـو ذكـي قـلـت الـذكـى والـبـلاده



وهبه من الرحمن من دون تحديد



قـالـو قصـيـدك فـيـه قــوة اشـــاده



قلت العفـو ياكثركـم يـا القواصيـد



قالوشجيـع وقلـت صــدق الأفــاده



انا جبان وضاق فـي رجلـي القيـد



اذل حـتـى مـــن ظـــلال الـجــراده



والذل ماينجي الحباري من الصيد

















قصيده رثاء في وفاة شيخ شمل قبائل عبيدة قحطان /الشيخ مترك بن ذيب بن شفلوت ( رحمه الله )













احـــاه تسـعـيـن الـــف بـلـيــار عــــزاه



تــضــرب بمـلـيـاريـن ونــــة حــــزن آه




ومنتوجـهـا يـضــرب بـرمــل الـجـزيـره



تـبـكـي رحـيــل امـيـرنـا الـلــي فـقـدنـاه



قبـل العشـاء خمسـه وعشريـن جمعـه



تـنــاثــرت عــــــدة مــلايــيــن دمـــعـــه



عـلـيــك يـاشـمـعـة شـفـالـيــت ربــعـــه



لارحــم ابــو مــوق ٍ درى مانـثـر مـــاه



بشهر ( 11) من عام خمسه وعشرين



وزود اربع إميه مـات شيـخ القحاطيـن



يامن خلقت اغلب هل الأرض من طين



ان تـجـعـل الـفــردوس يـــارب مــــاواه



مترك عسـى الفـردوس الأعلـى مكانـه



مـاقــدمــه يــلــقــاه تــــــوه حــصــانــه



امــانـــتـــك يــامــســتــرد الأمــــانـــــه



تـجـعـل بـنــات الـحــور تـسـعـد بلـقـيـاه



مـرحــوم يـاشـيــخ ٍ يــشــرف سـجـلــه



ديــن وكــرم واخـــلاق حـسـنـه جـبـلـه



وخـطـلان الأيــدي دايـمــآ فـــي مـحـلـه



لـه مجلـس ٍ دفــي الـكـرم فــي زوايــاه



كــســـاه خــــــلاق الــبــرايــا بــمــيــزه



يـاقـلـهـا بــيـــن الـشــيــوخ الـعــزيــزه



يـاتــي قـبــل ( يـــذن ) بـفـتـره وجـيــزه



ويـدعــي لـخـلاقـه بـصــدق الـمـنـاجـاه



كـم اعتـق رقـاب ٍ مـن السـيـف ابـوحـد



وكم مبطي في السجـن مـن فعلـه انهـد



مـن صلـب شيـخ ينعـرف ساعـة الـجـد



لاقـــــال قـــــول ٍ يــاصــلــه ويــتــعــداه



رحـلـت يانـهـر الـوفـاء منـقـع الـطـيـب



اخـو مناحـي نـسـل عـطـب المضـاريـب



يحسن عـزا ذعـار و عـزا شيخنـا ذيـب



ويحسـن عـزا اشبـال تــوارث سجـايـاه



ويحسن عزا الحكام فـي طيـب الصيـت



ويـحـسـن عـــزا عـبـايـد ٍ والشـفـالـيـت



ويحسن عـزا مـن ينتحـب داخـل البيـت



تـبـكـي مـعـزيـن الـعــزا زفـــرة ابـكــاه



رحـيــل مـتــرك فـــي الـجـزيـره فـقـيـده



ابــو الشـيـوخ وشـيــخ جـمـلـة عـبـيـده



حكمـه وحلـم وصــدق واريــاء سـديـده



مـن سمـع شـوره اقتنـع فيـه وارضــاه



زلــزال فـقـده شــب باالـجـوف نـيــران



لــه فـوهـه تـقـذف حـمـم تـقـل بـركــان



شـرارهـا حــره غـشــى كـــل قـحـطـان



لــو ينـفـدى قـلـت الفـهـر مـــن فـدايــاه















ومناسبة هذه القصيده ان ابنه عبيد في ليلة العيد رغب في ملابس جديده


وسايكل مثل سايكل ولد جيرانهم الا ان والده لم يجد في حينه ما يجود به الرب على


عباده وهو ارحم الراحمين فما كان منه الا ان قال هذه الابيات معتذرا من عبيد وموعده خيرا قادم


واليك القصيده













يا عبيد لا تبيكي ترا الأمر مـن فـوق



واللـي مــن الله مامـعـي فـيـه حيـلـه




أصبر ولو ثوبك من الكتـف مشقـوق



وش عـاد لـو مـا تحـت ثـوبـك فنيـلـه



الخالـق الله و أنـت ياعبـيـد وخـلـوق



وارزق عـنـد الـلـي ينـشـي المخيـلـه



متمسـكٍ بـك وأنـت يـا عبيـد موثـوق



يــوم أنــت تـالـي عـزوتــي بالقبـيـلـه



ياعبيد خلـك لـي وأنـا أبـوك صنـدوق



ولا ثقـل حمـل الـوقـت عـنـي تشيـلـه



وأبعد عني اللي يتهم الجار با البوق



وخلـك بعيـديـن عــن دروب الرذيـلـه



ولمثـال قالـت كــل مـطـرود ملـحـوق



والـكــون واســـع والـيـالـي طـويـلـه



ومن يعمـل المعـروف يلقـاه مطبـوق



ومـن يـزرع العنبـر يـفـوز بحصيـلـه



لا بــد مـــا تـنــور ليـالـيـك بـشــروق



مـاهـي علـيـك ولا عـلـي مستحـيـلـه



ولا من فرجها الله نبي ننزل السـوق



ونشـري مــن الغـالـي ثـيـاب جميـلـه



ونشري لك السيكل مثل حق مرزوق



وياتيـك مــرزوق الحـمـد مــا تجيـلـه



مش الدموع اللى تحدر على المـوق



الـرجـل لا مــن ســال دمـعـه يـزيـلـه



واليوم لا تبكي تـرا الامـر مـن فـوق



واللـى مـن الله مـا معـي فـيـه حيـلـه



رحم الله الشاعر سعد بن محمد بن سعيد بن جليد الفهري رحمة واسعه وأسكنه فسيح جناته