يا سلام على الاصفر ...
 

السلام عليكم

اولا لا احد يضحك عليّ لاني مشتري نص ربع حبحبة ... كل يمد رجوله على قد لحافة ...

المهم امس شريت هذه الحبحبة الصفراء الفاقع لونها ... وحبيت تشوفونها ... طعمها حالي ولكن الاحمر الذ


http://www.qahtaan.com/works/up/get....tuxy1280097455


http://www.qahtaan.com/works/up/get....pqtv1280097455


http://www.qahtaan.com/works/up/get....3pet1280097455



بس تبون الصدق ... ما فيه احلى من جحنا خصوصا اذا كانت طازجة وما حارقتها الشمس بالسوق

http://www.qahtaan.com/works/up/get....dkpv1280109621


حيث قال الشاعر أ.سعد الطلحة


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لي قيل وش بالصيف قولو لي بطيخ =يا نكهة في الجح ما طعمها طعمـاه

لو كان مزروعن في سطح مريـخ=طرنا بدسكفـري ورحنـا وجبنـاه

الجحة الحمـرا تدوخنـي تدويـخ=و فاكهة الصيف ما حلاه ما حلاه

وبقشرها مزحـن خفيـف تلطيـخ=وارد عن الصحب الكرام وقرينـاه

هي كنها بيضـن يتحـرى تفريـخ=ولي قشرها خضر سكيني تصـلاه

صاحبنا شلخها على الصحن تشليخ=ثم صار يوزعهـا علينـا بيمنـاه

الجح هو الحبحب وله فينـا تاريـخ=بالصيف ينبت هذا عرفن عرفنـاه [/poem]




وسلامتكم

رد : يا سلام على الاصفر ...
 

بالعافيه على قلبك


بس انا ماعجبتني الصفراء من شكلها ولو كانت عندي ماذقتها

على ماقال مامثلها الى وقفت عند اقرب جمس احمر ولا ددسن قديم وتسمع صياحه الحالي لايفوتك السكر الزين على السكين


من وين جايبه ياولد ..؟

جايبه من السر ! !


وانا شايفه طالع من سوق العزيزيه والله العالم لايكون من حبحب الحاير

رد : يا سلام على الاصفر ...
 

الله يعافيك

والله يا اخي اصحاب الوانيتات ما تدري من وين يجيبونه ... منطول تحت الشمس اسبوع ... عندما تفتحها تلقاها تعبانه .

شف راعي الددسن المسكين من العجلة انقلب وراح عليه الحبحب


http://www.qahtaan.com/works/up/get....nosv1280122176

رد : يا سلام على الاصفر ...
 

لون الجحه خطير يابو عصام

هذي شكلها مهجنه من شمامه


الجح فاكة الصيف الرئيسية بعد الرطب

بما أن رمضان بالصيف فلن تخلوا من الجح موائد الافطار في رمضان للمتواجدين بالسعودية

أما أنتو يالمغتربين لكم الله

رد : يا سلام على الاصفر ...
 

ههههههههههههه

أبو عصام مثل ما قال أبو جابر شكل خوالها شمام ..

رد : يا سلام على الاصفر ...
 

سبحان الخالق البصير

طبعا الحبحب الأحمر اللي عندنا ما يحتاج له كلام

بالمناسبة بكم شريتها يا أبو عصام

رد : يا سلام على الاصفر ...
 

نص ربع ... يعني ثُمُنْ الحبة .... سعره كان ١٥ ريال ... وهذا رخيص عند المحل تنزيلات

خذ مثلا هذي الحمرة سعرها ٢٤٠ ريال


http://www.qahtaan.com/works/up/get....rstv1280203159

رد : يا سلام على الاصفر ...
 

اعوذ بالله وش هاالغلا


عندنا 15 الى 20 ريال احلى من السكر

رد : يا سلام على الاصفر ...
 

لا .. وتدعلون تقولون كل شيء غالي

احمدوا ربكم على النعمة


يا فهد ... اليوم ما فللت ودققت الصورة ... يمكن تحت الجحة فيه شيء

رد : يا سلام على الاصفر ...
 

هههههههههههههههه


لاتزعل اهل السيح علينا يارجال


اثرها في الجح بعد مهوب بالببسي بس