|
سلام يا ابو ميس
هذه الابيات موجهه ومهداه لشاعرنا الخلوق سعيد ال فارع المعمري عضو هذا المنتدى ويشرفني الترحيب به ويشرفني ذلك ورجو تنال رضاكم (سلام يا ابو ميس) [poem=font="Simplified Arabic,7,blue,normal,normal" bkcolor="transparent" bkimage="" border="double,medium,gray" type=4 line=0 align=center use=ex num="0,black"] اعداد ما غرد على الغصن من طير = واعداد ما هب الشمال ونسيمه سلام يا ابوميس والسالفه غير= كثرو هل الغلطات واهل النميمه وانا تراني ذا السنه ماني بخير = من بعد قرب اللي فراقه غنيمه همً يقلطني على الضيقه عصير = ويأسً يحطمني وغش وظليمه وشيً يصير وشيً ما عمره يصير = زمع السوالف والقلوب السقيمه اشؤم عنها وابتعد والتباشير= في وجه زيزوم الامور العظيمه وانا صبرت سنين والسر في بير = والقلب صادق والنوايا سليمه والغلطه اللي جات من غير تبرير = مشيتها لو كان ماهي يتيمه ماهوب ودي بس لجل المناعير = اللي لهم عندي حقوق قديمه واللي يبي له حاجه ويدهن السير = يضيع قدره والغلا والحشيمه وانا لي الله والحمل شاله بعير = وظليمه الاجواد اكبر ظليمه لكن سلامي عد ما غرد الطير = واعداد ماهب الشمال ونسيمه عليك يا بو ميس والسالفه غير = حلفت ما يفرح صبي النميمه [/poem] ...وسلامتك جميع ... |
رد : سلام يا ابو ميس
اقتباس:
ولقحطان وشرواك بعد الله سبحانه صح الله السانك قصيده جزله ذات مغزى بعيد قد لايتدارك معناه إلاًللبيب مثل الشاعر سعيد ال فارع ونشهد انه كفو وشرواك وكل مشاهد كريم بارك الله فيك وتقبل مروري وتقديري وحترامي لشخصك الكريم 00 |
رد : سلام يا ابو ميس
وانا صبرت سنين والسر في بيـر والقلب صـادق والنوايـا سليمـه والغلطه اللي جات من غير تبريـر مشيتها لـو كـان ماهـي يتيمـه صح الله لسانك مدد ماهو بعدد كنت محظوظ جدا بمروري هناء اتمنى لك التوفيق تحيات ذيب العبيدي |
رد : سلام يا ابو ميس
اقتباس:
ارحب يا ابو فيصل يا فخرنا كلنا ابيض وجه وعلمك غانم وذرب وحماي , تحياتي لك يالقرم |
رد : سلام يا ابو ميس
صح الله لسانك يا ابو معتز واعتلى شانك
قصيدة جزله ومليانه و وافيه وابيض وجه وانتظر جديدك تقبل مروري العطر |
رد : سلام يا ابو ميس
اقتباس:
ارحب يا لذيب وصح بدنك وانا بعد محظوظ اولأ لمرورك على قصيدتي وثانياً لوجودك معنا في المنتدى تحياتي لك |
رد : سلام يا ابو ميس
مرحبا ترليون يابو معتز
صح لسانك جعل من جابك في الجنه ويستاهل المعمري .. |
رد : سلام يا ابو ميس
اقتباس:
ارحب يا صالح والله لايهينك على المرور والتواجد دائما لاعدمتك , تحياتي |
رد : سلام يا ابو ميس
صح لسانك وبيض الله وجهك
دام ذي بنايدك لا تخليها يتيمه يا ابو معتز ماشاء الله عليك ويكفيك ذا البيت وانا لي الله والحمـل شالـه بعيـر وظليمـه الاجـواد اكبـر ظليمـه تحياتي0000000000اخوك |
رد : سلام يا ابو ميس
اقتباس:
سعد الشواطي بيض الله وجهك وتسلم على كل حال لاعدمتك تقبل تحياتي |
| الساعة الآن 05:40 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com