شبكة قحطان - مجالس قحطان - منتديات قحطان - ** ( ليه الخلايق كلها اليوم ضدي) **

- مجلس الخواطر والمحاولات (https://www.qahtaan.com/vb/forumdisplay.php?f=45)

- - ** ( ليه الخلايق كلها اليوم ضدي) ** (https://www.qahtaan.com/vb/showthread.php?t=61120)

** ( ليه الخلايق كلها اليوم ضدي) **

http://up.g4z4.com/uploads/64832ea792.jpg

ليه الخلايق كلها اليوم ضدي ..؟؟
وليه اتعبوني في حقوق وطلايب ..؟؟

وليه البخت عيا يجي مثل ودي ..؟؟
كل ماتعدل ..يرجع البخت خايب.

لأبسط حقوقي ..لازم ادخل تحدي .
وجتني المصايب .. في ظهرها مصايب

امســــــلطات .. فوق حـــــــــيلي تهدي
ضربـــاتها مابين مخـــــــــــــطي وصايب

مدري شقول ؟ وأيش أأخر.. وابدي ؟
الهم حاضر ..والفرح صار غايب

هذا كلام ٍ قلته امس .. المــــعدي
احسب هموم الدهر يوم انت غــــايب

والان يوم اصبحت موجود.. عندي
شوف البشر وش لون صارو حبايب

يدرون اضعف.. يوم عني تصدي
وليا حضرت اخلي الصلب.. ذايب

محد ٍ يــــــــــساويني.. ولا فيه قدي..
واهيب الي مـــــــــــا غدا يوم هايب

الارض ارضي والسماوات حدي
والي تــــــحداني يشوف العجـــــايب

ياقوتي .. ياســــــر جزري ومدي
يانظرة ٍ .. خلت ثلوجي لهــــــــايب

ياليت ابوك من احدا .. عيال جدي
انصاهـ.. ماصار اسود الشعر شايب

(وسلاماتكم)

رد : ** ( ليه الخلايق كلها اليوم ضدي) **

اجو من الاخ الي حط القصيده في ذا القسم ... يوضح لي السبب

اذا هو يفهم في الشعر او له علاقه فيه ... اما سالفه الي مايعجبه ينقله .. فهذا اسمه تعسف .. وكل الي عليكم انكم تقولون لي ان السالفه بتستمر بذا المستوى في التعامل .. عشان اترك هذا الموقع لكم تفعلون به ما تشاؤن...

مع ملاحظه ان القصيده هذي مقيمه .. في ثلاث منتديات شعريه كبيره من ضمنها النداوي ..
ومن ضمن الي ردو عليها( الشاعر مطلق ابن قعيمه)...

عشان كذا ياليت الاخ الي نقلها يترك عنه الفلسفه ..

عموما ... اانا اسف اني شاركت .. وانشالله تكون هذي الاخيره ..