وجــــه المـــرايــة
 

[frame="1 80"][poem=font="Simplified Arabic,5,blue,bold,italic" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
يا صاحبي قلبك مـن الماضـي يكـن=وجـه المرايـة شـعّ بالقـول الصحيـح
شكيـت والخـفـرات قـدامـك شـكـن=جريح لا يشكي على القلب الجريـح
علـى بسـاط الريـح دوّر لــك سـكـن=من خرّم الأبره مدخل الكون الفسيح
المعرفـة لـك سـاس والـخـوة ركــن=وباب(ن) يجيب الريح سده واستريـح
علـى مسيـل السيـل لا تبنـي ثكـن=وجاهد حصـاة رزاح عـن دربـك تزيـح
ولا ترفـع الحيـده مـع الرجـل الـوكـن=يخلـي الحيـده علـى رجـلـك تطـيـح
واحذر مـن عيـون المنافـق لـو بكـن=يمص دمك وانت في فراشك طريـح
صديـق كـل النـاس يغـدر لــو مـكـن=لاتصادقـه لـو كـان يصنـع لـك مديـح
سـدد وقـارب ليـن تحكـم مـن تكـن=واجلد قبيح الوجه بلسان(ن) فصيـح
يـا صاحبـي سقـت الركايـب وابركـن=افـهــم معانـيـهـا وســـدك لا يـبـيـح
لا ترفـع الحيـده مـع الـرجـل الـوكـن=يخلـي الحيـده علـى رجـلـك تطـيـح[/poem][/frame]

رد : وجــــه المـــرايــة
 

احسنت وبيض الله وجهك

رد : وجــــه المـــرايــة
 

أرحب ملايين يا الفهري ..

صح الله لسانك واعتلى شانك ..

قصيدة جزلة ووافية ..

أسعدتنا بأول مصافحة في الشبكة ..

ونحن في انتظار جديد فرايدك ..

رد : وجــــه المـــرايــة
 

لا هنت يا بو ممدووح على المرور ووجهــك ابيض

رد : وجــــه المـــرايــة
 

مشاري بن نملان الحبابي ; أرحب ملايين يا الفهري ..

صح الله لسانك واعتلى شانك ..

قصيدة جزلة ووافية ..

أسعدتنا بأول مصافحة في الشبكة ..

ونحن في انتظار جديد فرايدك .




لاهنت على المرور اخوي مشاري وصح بدنك وان شاء الله نشاركم بكل جديد وانا اسعد بوجودي مع المطاليق شرواك

تحياتي

ابو راكان

رد : وجــــه المـــرايــة
 

رد : وجــــه المـــرايــة
 

صح الله لسانك يافيصل
عزالله أن القصيده رائعه
وأنت مبــــــــــــــــدع

رد : وجــــه المـــرايــة
 

رد : وجــــه المـــرايــة
 

عبدالله بن فراج ردك على القصيدة وسام على صدري لاهنت على المروور الاكثر من رائع

وصح الله بدنك يا عاصي الشعراء

ودمت بصحه وعافيه

رد : وجــــه المـــرايــة
 

علي بن نملان لاهنت على المرور الجميل وصح الله بدنك وافي وانا اخوك