شبكة قحطان - مجالس قحطان - منتديات قحطان - مرثية في الشيخ / عبدالله بن بعيث الهاجري

- مجلس عذب الكلام (https://www.qahtaan.com/vb/forumdisplay.php?f=16)

- - مرثية في الشيخ / عبدالله بن بعيث الهاجري (https://www.qahtaan.com/vb/showthread.php?t=59286)

مرثية في الشيخ / عبدالله بن بعيث الهاجري

السلام عليكم ورحمه الله وبركاته

مساكم الله بالخير ..

مرثية قالها ضيدان بن منصور بن قضعان في

الشيخ عبدالله بن بعيث شيخ شمل ال الحمراء بني هاجر رحمه الله ..

ليت الحزن في عين دار الجديده

ونقول حزِنِ مرنا مثل الاحزان

لكن حزن اليوم حاله فريده

حزنِ شمل كل القبايل والاوطان

حزنِ شمل يامِ بديده بديده

من قبل لايشمل مداغيش قحطان

حزنِ على شيخِ علومه مجيده

يفرح به ضعوف ويتاما وضيفان

راعي يمينِ ماتمد الزهيده

يشهد على قولي طراقي وجيران

عبدالله بن بعيث محزم عضيده

لاظاعة الهقوات بفلان وفلان

شيخ ال الحمرا فالسنين الشديده

كم فرج الكربه وكم سد ديان

وكم من سجينِ فالدجاء فك قيده

وأعتق رقبة إللي بلا أعمام وإخوان

ياحلفنا ياطيبين العقيده

ياصادقين الحلف مره وعجمان

عزالله انه راح منكم فقيده

شيخِ جمع شيخه ومسجد وقران

ولملم شمل ربعه بعينه وبيده

وخلد لهم في قمة المجد عنوان

الراس قاسي والمشابح بعيده

والقلب لين والعطيات سفطان

لوكل شيخِ ياصل إللي يريده

ماميز الله شيخ من بين شيخان

من حبه الله حببه في عبيده

ومن يعمل المعروف يجزا بالاحسان

يالله عسى الروح الفقيده شهيده

وعسى عوضنا في طويلين الايمان

عواله إللي كل منهم وليده

مقدامهم فهد وخالد ومشعان

روس الحرار النادرات العنيده

تخريجهم من مدرسة طير حوران

يالله عسى عقب الحياة السعيده

تجعل له الجنه مقرِ وعنوان