|
هذه قصيدة قلتها في الشيخ ناصر بن حزام ابو سنون ال مسعود
بسم الله الرحمن الرحيم
لقد قلت هذه القصيده في الشيخ ناصر بن حزام ابو ســنون ال مسعود القحطاني وهو غني عن التعريف اقول فيها يقول بن زبار كثرت طواريه _ لا وقفت شمس الضحى فوق ظله يابو حزام العلم وش صار تاليه _ يومك صديق ونصف حملي تشله فعلت طيب ما قدرنا نجازيه _ والطيب مثلك دايماً مو قفله ابو حزام اللي عسى النذل فاديه _ وانا ومالي كلنا فدوتله يستاهل البيضاء الى حل طاريه _ ريف الضيوف اللي بعيدن محله من لابتن ماتعطي الحق داعيه _ ربعن على كبد المعادين عله قحطان لارد البرى من معاديه _ ضد الحريب وباقي الهرج خله مثل المريخي يوم ضاعت هقاويه _ حطوا ذراه منافضات الاجله ترعابهم وضحن بجمعن يباريه _ ما رددت من نية الخوف لله ياناصر المعروف مانيب ناسيه _ ولا ننكر المعروف لا جا محله وعداد ما هبت هبوباً بذاريه _ نثني عليك وفاعل الطيب كله يابو حزام الصيد غير مفاليه _ وانا الفشق ما عاد سوقه ندله حلون جنابك للمسير وتغليه _ والضيف لا جا مجلسك ما يمله وسلامتكم القائل مطلق بن جلوي ال زبار السبيعي |
رد : هذه قصيدة قلتها في الشيخ ناصر بن حزام ابو سنون ال مسعود
صح السا نك الشاعر بن زباااااااار قصيده جزله
مثل المريخي يوم ضاعت هقاويه _ حطوا ذراه منافضات الاجله شكرا وبارك الله فيك وتقبل مروري |
رد : هذه قصيدة قلتها في الشيخ ناصر بن حزام ابو سنون ال مسعود
صحت يمينك يابن زبار
والله وسبعين نعم بالمادح والممدوح ولا يمدح الاكفو الا الكفو قصيدة جزله ووافيه لك شكري |
رد : هذه قصيدة قلتها في الشيخ ناصر بن حزام ابو سنون ال مسعود
ارحب يابو جلوي
وبيض الله وجهك علىالقصيده وناصر بن حزام كفو ويستاهل القصيد يستاهل العبدلي لاهنت لاهنت |
رد : هذه قصيدة قلتها في الشيخ ناصر بن حزام ابو سنون ال مسعود
بيض الله وجهك انت كفو ووفي وابن حزام يستاهل
|
| الساعة الآن 06:37 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com