رادارات المرور الجديدة , صور سرية !!
 

بسم الله الرحمن الرحيم

اليوم الأربعاء 27 - 1 - 1431 هـ كنت على طريق الإمام محمد بن سعود ( امتداد مخرج 9 ) بعد تقاطعه مع مخرج الملك عبدالعزيز ولاحظت على جانب الطريق باص تويوتا 15 راكب أبيض متعطل مولع الفليشر وفاتح الباب الخلفي , نظرت له نظرة أخيرة و اكتشفت انه مركب قطعه كبيرة يالله يالله لمحتها أثاريها رادار !!!

طبعا تفاجأت وانقهرت على الحركة الجديدة من المرور يعني ماخذين ماخذين قسايم ؟

ولا المشكلة تتدبل بعد شهر بعد !!

كملت طريقي و أنا منقهر بعد مخرج أبو بكر لقيت باص ثاني ونفس الطريقة موقف ومولع فلشر !! وهات ياقسايم والعالم طاااااااايره !!

المشلكة السرعة الرسمية 70 و لا واحد ماشي 70 يعني الكل قسااااايم !!

انقهرت زود الصراحة وقلت وأنا راجع بإذن الله بأديور وأوقف عند وحدة منها وأصورها لكم ..

كملت طريقي وبعد مخرج عثمان وعند جامعة نورة لقيت وحدة ثالثة واقفة !!!!

قلت جابها الله والله و أوقف و أصورها لكم ..

وهذه الصور بالتعليق :

http://www.qahtaan.com/works/up/get....qrwx1264688168

صورة أخرى للكميرة والرادار :

http://www.qahtaan.com/works/up/get....qrtu1264688168

هذه اللي عند جامعة الأميرة نورة بعد ماديورت والله ولافي أمل تشك فيها :

http://www.qahtaan.com/works/up/get....oprw1264688168

وهذه اللي بعد تقاطع أبو بكر , مسكين خربان عليه الموتر ومولع فليشر !!

http://www.qahtaan.com/works/up/get....iyn31264688168

وهذه اللي بعد الملك عبدالعزيز :

http://www.qahtaan.com/works/up/get....hlmt1264688168

طبعاً اليوم كانت على طريق الإمام سعود بكرة يمكن في الشفا وبعده في خنشليه وبعده في العليا


المطلوب : خل عنك الفهاوه وتشوّف في الطريق زين قبل لاتسرع والا امش على " تسعيرة " الحكومة

في الأخير أي واحد شاف هالصور فاليعلم اني وفرت عليه كم مخالفة فهل أستاهل منكم كم دعوة

(((((((((((((((((((((((((((((((((((((((((((((((((( ((((((((( منقول )))))))))))))))))))))))))))))))))))))))))))))))))) ))))))))))))

رد : رادارات المرور الجديدة , صور سرية !!
 

والله من التطور حاطينها في سيارات ..

المفروض يكون الرادار ثابت في كل شارع ..

لاهنت يا بو حزام ..

رد : رادارات المرور الجديدة , صور سرية !!
 

العالم وصلوا القمر والربع توهم في الباصات ..

هههههههههههههههااااااااي..

لاهنت نفداك على النقل ..

تقبل مروري يا القرم ..

رد : رادارات المرور الجديدة , صور سرية !!
 

لقد رئيتها بأم عيني على طريق الجامعه


وكنت مسرع أسئل الله أنه يكفينا شر الشرور وقسايم المرور



أخر شي ينقصنا هو باصاتهم هذي

يفترض تعديل التسمية الى
مؤسسة المرور التجاريه مؤسسه ربحيه برأس مال دخرات الشعب السعودي

رد : رادارات المرور الجديدة , صور سرية !!
 

ارحب يابو حزام

هذا تربص وهو محرم في الاسلام

المشكله مايمسكون شباب العليا يمسكون كل رجال محترم والمهرقلين يتركونهم

تقبل مروري