|
امشي معك كامل عاقل ولا خبل......!
صلو على النبي
قصيده اعجبتني وحبيت انقلها لكم ..1 صبحكم /مساكم الله بالخير القصيده : يا مزين ابياتك ولو فيها خلل فالوزن والمعنى وحرف القافيه لانك عسل ولسانك ينقّط عسل اقل كلمة منْك عندي كافيه لبّا بيوت الشعر وحروف الغزل ولبّا الرموز الظاهر والخافيه لبّا البرائه والنعومه والخجل ولبّا العيون الصاحيات الغافيه لبيك كلك .. من-الى .. وصل و زعل وبكل حالاتك حروفك شافيه اشفا بها واحيا بها منذ الازل وابرد عباراتك بقلبي دافيه حتى البخل في قولتك : مالك امل؟ توفي معي حتى لو انها جافيه وحتى الطلب لو رد ما احس بملل واكره نعم واحب لام النافيه خل العواذل لا تسمّع للعذل من العباد الوالعه والطافيه وابسط مثل لوجيت بضرب لك مثل ان المشاعر في غرامك وافيه من سار في دربه على النيه وصل وانا معك لو كان رجلي حافيه امشي معك كامل عقل والا خبل بس المهم ان النوايا صافــيه للشاعر مبارك ال خليفه .......> اسم القصيده ( ينقط عسل ) |
رد : امشي معك كامل عاقل ولا خبل......!
الرائع,,,ناصر
قصيدة معبره تحاكي شيئآ مدفونآ بخاطري سكبت على أرواحنا بوح عذب روعة على روعة مغموسة بالإبداع شكرا كبيرا إليك وعليك ودمت بـ شعر |
رد : امشي معك كامل عاقل ولا خبل......!
يالله حيه نايف ارحب طال عمرك الروعه مرورك فديتك لاهنت يالغالي لاهنت
|
رد : امشي معك كامل عاقل ولا خبل......!
أخي ناصر صح لسان الشاعر لاهنت يالغالي لا عدمناك دمـــــت بـــود وصحــــه وإحتــــرام |
رد : امشي معك كامل عاقل ولا خبل......!
جناب الهضب لاهنت بارك الله فيك و في حضضورك طال عمرك لاهنت بارك الله فيك
|
رد : امشي معك كامل عاقل ولا خبل......!
ارررررررررررررحب ياناصر والله اني صادق ..
ولاهنت على هذا الاختيار الجزل .. صح الله السانك يا الذيب والسان ابو عبدالله مدد بلآعدد .. للمعلوميه ( الشاعر مبارك ابن عبدالله ال خليفه ) حن خواله .. ولاهنت مره اخري يا كحيلآن .. تقبل مروري نفداك ..:) |
رد : امشي معك كامل عاقل ولا خبل......!
البقى يافلاااااااااااح ارحب ارحب طال عمرك يالله حيه وين الغيبه يالقرم فقدناك
ونعم ونعم ونعم في الشاعر مبارك ال خليفه ونعم في خواله عز الله ششاعر واحب اسسمع له واتابعه كثير لاهنت يالغالي |
رد : امشي معك كامل عاقل ولا خبل......!
اررررررررررررررررررحب يا الشمري
والله يحييك في محلك وفي كل وقت.... وصح الله السان ابن خليفه عز الله انه جزل وقد سمعت له قصايد جزله واجد ولقائات ممتعه فلاهنت على النقل يا ناصر ولا تحرمنا تواجدك اخوكـ البشري |
رد : امشي معك كامل عاقل ولا خبل......!
سعيد ارحب يالله تحييه البقى طال عمرك لاهنت يالامير على هالكلام الطيب مافيها شك انا في محلي يالغالي لاهنت بارك الله فيك ياسسعيد جعل عمرك طويل على طاعته
|
| الساعة الآن 02:51 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com