|
يا الربع وانها خربت الدعوى ..
بسم الله الرحمن الرحيم بصراحه فيـه موضوع شدني واحنـا غافلين عنه من جد ما تلاحظون إن كلمـة [ يلعـن أمـك ] إنتشرت إنتشار غريـب و مريب .. وصار اللي يقولها عــااادي جـدآ .. كانه قايـل [ السـلام عليكم ] ..! و الأغرب إن اللي تنقـال له عـادي عنده ..!! كيـف ترضى على أمك ؟! و ليش ؟! بعض الشبـاب ’و حتى بعض البنـات’ اللحين بالعكس صارت عندهم يلعـن أمـك مدحه ..!! أو هذا تعبير عن الحماس في سالفـةٍ مـا ! مثـلآ .. يجي واحد يقول : والله أمس سويت كذا وسويت كذا .. يجي الثاني يقول : يلعـن أمـك ياشيخ ..!! و إذا قال لـه [ يلعـن أمـك ] مـدّ هالخشه شبرين كأنه قايل له شعر يمدحه ..! و إلاّ بعض الشبـاب .. واحد يسأل الثـاني : وش رايك باللاعب الفلاني ..؟ يقول : يلعـن أمممممممممه يلعـب من جد ..! طيب أبي أفهـم .. وش دخل أمــه بالموضوع ..؟! للأسف الشديد إن الكلمـة هذي منتشره عندنا إنتشار كبيـر .. و الآن حاصله مع الشباب في جلساتهم .. د: وينك أمس يلعـن أمـك ؟ خ : أبد رحت مع فلان الله يلعـن أمه . د: ليه ماقلتلي إنك بتروح معه الله يلـعن أمـك أنت ويّاه ؟ خ: وش دراني إنك بتروح يلعـن أمك ! د: ههههههههههههههههه . خ: هههههههههااااااااي . ولاَ كأنه صار شي ...!! وللأسف إنها تقريبـآ أكثر كلمـة تنقال هالأيام .. وكم واحد تسأله عن هالكلمه .. بيقول لك : صارت عاده ..! هذا جـواب أبـيخ من الفعل .. مافيه شي تتعود عليه وإنت تدري انـه موب زين ولا تقدر تخليه ..! يمكن إنت تغفـل أو تـتـغـافل عن الذنب اللي تحصلـه من هالكلمـة ..! بس لا تنسى و إنت تقول هالكلمـة أنك تسوي شيء من الكبــائـر .. أنت تخيلت معي ..؟! كبـائـر الذنـوب ..!! صحّ عنه صلى الله عليه وسلم أنه قال صلو عليه اللهم صلي وسلم عليه { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم . منقوول تقبلوا تحياتي..:) |
رد : يا الربع وانها خربت الدعوى ..
الاخ فلاح كلامك صحيح للاسف هذه تربية الشوارع والغه الدارجه في الحواري ويوجد غيرها الكثير من المفردات
الرخيصه وهذه في نظرهم تحضر وثقافه للاسف شوف الشباب إذا اجتمعوا ويش يسولفون فيه جمل الله حالك ولاهنت,,,,,,,,,,,,,, |
رد : يا الربع وانها خربت الدعوى ..
ارحب يافلاح ياالله حيه
ابد هذه لغة المسركلين من زمان متبادله بينهم لاكنهم مايقولونه لعيال الرجال يدرون ان الرد قاسي وموجع وفوري ولاهي غريبه على الحبرتيه وعيال الشوارع وترا من زمان موجودين العينات ذي واليوم الاولين سار عندهم مسحيه على الجهتين اما التالين فكل يشوفهم ولااحد يعتبرهم تحت السيطره |
رد : يا الربع وانها خربت الدعوى ..
اقتباس:
اررحب يا بندر .. والله لا يهينك يا الذيب على المرور والتعليق .. الله يجمل حآلك يا القرم .. |
رد : يا الربع وانها خربت الدعوى ..
اقتباس:
البقى والله البقى يابو محمد .. يا الله حيه .. عزالله انك صاااااادق والله يستر يا رجَآل لاهنت نفداك على المرور والتعليق ..:) |
رد : يا الربع وانها خربت الدعوى ..
وفقك الله
|
رد : يا الربع وانها خربت الدعوى ..
بعيدآ عن هذه الكلمه وغيرها من الكلمات السوقيه الكلام اللطيف الذرب هو الذي يزيد ترابطك وودك بين أحبابك وزملائك وحينما تتصل أو تلتقي بمن تحب وتجد منه الاستقبال والحفاوة تسعد النفس وتحل له مكانة في القلب ,,,, موضوع رائع وخطير شكري وإمتناني |
رد : يا الربع وانها خربت الدعوى ..
اقتباس:
الله يجزاك خير ..:) |
رد : يا الربع وانها خربت الدعوى ..
اقتباس:
على فمك الشحم يابن جليد .. وبيض الله وجهك على المرور والتعليق .. دمت لمحبك نفداك ..:) |
رد : يا الربع وانها خربت الدعوى ..
مرحبا يا فلاح ..
بالفعل هذه اللفظة مستشرية في المجتمع .. وغالباً ما تكون بين الشباب .. ومن فضل ربي علي أني لم أنطق بها مُنذ خلقت .. لاهنت يا الغالي على الطرح المهم .. |
| الساعة الآن 05:44 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com