شبكة قحطان - مجالس قحطان - منتديات قحطان - سعيد بن مانع الرفيدي القحطاني

- مجلس عذب الكلام (https://www.qahtaan.com/vb/forumdisplay.php?f=16)

- - سعيد بن مانع الرفيدي القحطاني (https://www.qahtaan.com/vb/showthread.php?t=57834)

سعيد بن مانع الرفيدي القحطاني

هذه إحدى روائع الشاعر سعيد بن مانع

انا وش اللي بغيبتـك مستفيـده ؟
صدري وصل من الهم حد الشباعه
الصبح يضحك لي بضحكه جديـده
وانا الى هالحيـن مانمـت ساعـه
اسهر واسامر كـل نجمـه فريـده
وان نمت ؟ قالت ليه هذي القطاعه
ياغايبه والليـل لا قويـت ايـده ؟
يدي ضعيفـه ماتقـاوي صراعـه
الحـب دمٍ والمواصـل وريــده
والقلب هو اللـي يزيـد اندفاعـه
غبتي وسميتـك : قريبـه بعيـده
والعين تحسـد خافقـي عالقناعـه
جاعت عيوني شوفتـك ياعنيـده
ماترحمين اللي بلتهـا المجاعـه ؟
بينـي واحزانـي علاقـه وطيـده
مثل العلاقه بين عقـرب وساعـه
فراقـك الله يمحـقـه لا يعـيـده
لازاد زاد الجـرح معـه اتساعـه
نسياني اكذب من كـلام الجريـده
وكتماني اعتم من عتـام الإشاعـه
واشواقي اصدق من فعايل رفيـده
واعذب من ثمار دنت مـ.. اليناعه
شوقٍ هبا في القلب وسم الحديـده
والقلب لولا الصدر ؟ تم انتزاعـه
ولاجـداي الا حـروف القصيـده
عسـى تزودنـي شويـة مناعـه
لك الله اصبر عالريـاح الشديـده
يالمركب اللي ضاع منـه شراعـه
عسى الفرج يقبل ويقبـل بعيـده
وتبات عين اللي شقا البُعد لاعـه
وأقول للنجمـات فرصـه سعيـده
والمعذره دامـي نويـت القطاعـه
ياغايبـه والنخـل يبّـس جريـده
ولا يغـرك روسهـا بالرفـاعـه
مدري غيابك ويش باقـي مزيـده
مالي على صـد التياعـي براعـه
به في غيابك فايده بـس وحيـده
يمكنّهـا هـي العـزا والشفاعـه
تدرين وش في غيبتك مستفيـده ؟
اني اصلي الفجـر ويـا الجماعـه

وسلامتكم