|
شــريف رومـــــا
منا لا يعرف المثل المشهور (( شريف روما )) أتوقع أن أغلبيتنا يتوقع أن المثل عن شخصية من روما ذاع صيتها وإستغل منصبه وأخرتها طلع نصاب.. لكن تفاجأت أن المثل أصله بغدادي وصدر بالثلاثينيات!! وبعيداً عن كل هذا ... القصه عجيبه وسأنقلها لكم كما قرأتها وباللهجه العراقية. قصة شريف روما في الثلاثينيات من القرن الماضي ما كان ببغداد مسارح او حركة مسرحية مثل اللي بمصر، وكان من اكبر رواد المسرح المصري آنذاك الفنان جورج ابيض .. اللي قرر ان يجيب فرقته ويجي لبغداد حتى يعرض مسرحيته الناجحة جدآ في وقتها (يوليوس قيصر) طبعآ من أجه جاب وياه بس الممثلين الأساسيين وما جاب الكومبارس حتى يوفر نفقات السفر والتكاليف الأقامة ,, وبما انه ماكو مسارح ببغداد, اختار اكبر قهوة بمنطقة الميدان وسواها مسرح .. بقت مشكلة منين يجيب كومبارس عراقيين .. محد يقبل يقوم بالدور .. جماعة نصحوه انه منطقة الميدان وهي مشهورة عند البغداديين, تعج بحثالة المجتمع من السكيرين (مدمني الخمور) والنشالة والحرامية والمطيرجية, وهذولة ماعدهم عيب ولا شي .. انطيه خمس فلوس يقوم لك بأي دور مسرحي .. وفعلآ جابهم ولبسهم دشاديش الرومان البيضا وخلى على روسهم اطواق الياس على اساس اطواق الغار .. ودربهم. يوم العرض المسرحي مشت الامور على مايرام والكهوة اللي سووها مسرح كانت مليانة بالجمهور .. الى ان وصلت للمشهد اللي بيه ينادي حاجب الملك بأعلى صوته: "والآن يتقدم أشراف روما للسلام على جلالة القيصر" .... (صارت) الجمهور كاعد حباب يتفرج على المسرحية الى ان ظهر الأشراف .. وبدأ الهرج والضحك والعفاط وكل ما يخطر على البال: - لك هذا منو ؟ هذا عبود النشال ... ههههههه - لأ لأ .. دشوف هذا ؟ رزوقي ابن شكرية الـ.... - هلللللو يااااب .. وهذا أخو الـ..... علوان الـ.... لك انزل , صايرلي شريف روما ؟ ههههههه |
رد : شــريف رومـــــا
حبيبنا الدوان السلام عليكم
يا اخي انت تغيب اشهر ثمن تجي بموضوع زاحف حلو يفر الراس ... سالفة حلوة بس يفضل ان تضع معاني الكلمات ... اهل الخفجي يفهمون بس مثلا مشاري بن نملان ما يفهم هلللو يابه والا مطيرجية والا.. ولك هذا منو ؟ عيني اشرح الهم .. ما دا يفهمون ... شنو دا تحجي |
رد : شــريف رومـــــا
مرحبا يا بو عمر ..
من طوّل الغيبات جاب الغنايم .. والله بغيت أموت من الضحك عليهم .. عبود النشال .. صادوه أهل بغداد .. صاير شريف روما .. |
رد : شــريف رومـــــا
اقتباس:
هههههههههههههه المطيرجيه .. ويش يعني .. ماكو أحد يفهم بالعراقي .. هسه بيجينا الضويري .. ويترجمها لنا .. |
رد : شــريف رومـــــا
اقتباس:
يعني يطيّر حمام ... |
رد : شــريف رومـــــا
أول مره أسمع بالمثل والسالفه
ويستاهل المطيرجي شكل المالكي كان مطيرجي يطير حمام قامو جابوه يمثل دور كمبرس في العراق |
| الساعة الآن 08:13 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com