|
صوت وصدى بين حسن بن علي الهاجري وعبدالعزيز بن بدر المضف
صبحكم / مساكم الله بالخير جميعا صوت وصدى اعجبتني وحبيت أنقلها لكم ...! ((حسن على الهاجري )) سر يا قـلــم بعطيك عـــذب الطواريق ... للشاعر اللــي ســعـــد منهـــو ارتـكاله نـســل الــربّــوع الطـيـبـيـن المطاليق ... عــبــدالـعزيز القـــرم رمــز الــشـكاله ابن المضف شــوق البني الــغــرانيق ... ابـــو بــدر رجـــل الـــوفـــا والأصاله حيثه نــصـــوح ووافـي ٍ بالـمواثــيق ... بــعـلّمـه عن خاطري وش جـــرالــه بشكــيــله الحــاصــل وقـل التـوافـيق ... بارجــي جوابه واضح ٍ في مــقــاله البارحه هـــمّي غــدى كـنّــه طــويق ... كــتّــم عــلـــى صدر العـنا عـــزّتاله باسباب منهــو طوّق القـلب تـطـويق ... اللــي خـــذا قــلــبـي بخـفّـــة دلالـه ما شفت زيــنه بــيـن كــل المخالـيق ... ومـــن بين خلق الله جذبني جماله كامل جماله مـــا يـجـي فــيــه تعليق ... من يوم شفته عشت أنا في عباله ابو عيون ِ شــوفــها يـــبـعد الضيق ... مــانــــي امدوّر يا السنافي بداله هذا الغزال اللـي يخـطـف العشاشيق ... لا واهنــي منهو روى من زلاله غــرو ٍ تـمـكّـن فـي جـمـيع المعاليق ... لو جاز لي شوفه صعيب ٍ مناله غصون قلبي قـبـل شــوفـه مواريق ... والــيـوم اوراق الغصن بانذباله يا بو بدر عيـّنــت مـا نـشّف الريق ... يا ليت لو لحظه واجي في خياله جالس وعندي دلّة السيف وابريق ... اشرب غلاه وهرجته لي فواله تم الكلام الصدق مـن غـيـر تلفيق ... يـا مسندي عجّل برد الرساله (( رد الشاعر / عبدالعزيز المضف .. )) اليا صهلت اخـيـول فــكري فــلا طـيــق ... كــود الــبــيــوت الــــفـارزه بالجزاله الف ٍ هــلا واعــداد نــبـت الــزمالـيــق ... للــشاعـــر اللــي رابـــــح ٍ من وفاله يا بوعلي يا حــــر روس الـشواهـيـق ... يـا فــــزعة المــضــيوم لا شان حاله خصّيتني مــن طـيـب راسك وأنا لـيـق ... واللي جـــرى فـــي خـاطرك ينعناله ابري شكاوي مـن لـفـتــه العــواويــق ... ولابــو رفـيـق ٍ مــــا يـبـيـّن مـجاله إِعليت ياللي تــشـكي الـهــم وتــفـيـق ... قلب ٍ معَ الخـفــرات مــا ســر حاله باسباب منهو شوّق الـقـلب تشـويــق ... اللــي خـذا قـلــبك وسابـــق ظلالـه غض النّهود اللي عــيونه محــاديـق ... صـيّــادة العــشـاق فــي كـــل حاله كامل جماله مِحْرق الـقـلب تحريـــق ... مـحــد ٍ يلــومــك لـو تمنّى وصاله نظرات عينه كالــرّماح المــزاريــق ... اللي شعف قلبك وهـــو مِـنْـك داله واشلون لو تاخذ من شفاه تــرحيق ... يـبـل ريقك لا نــشـــف من خلاله فــل الحجاج وروّق الــبال تـــرويـق ... واللي تبي حاصل ولو هـي محاله إن كانها بالمال فِــخــذه صـناديـــق ... يـسوق من دونك صحيـبك حلاله وإن كان حبل المعرفه خـيط ودقيق ... خـلّـك عـلــى فــالـك وخـلـّه ابفاله قلته وأنا في مجلس ٍ يـفلج الضيق ... مدهال لأهـل الطيب وأهل الجماله هذا الكلام الصدق من غير تلحيق ... اخــذ الــــوكاد وكب عنك احتماله |
رد : صوت وصدى بين حسن بن علي الهاجري وعبدالعزيز بن بدر المضف
الله الله ..
ارحب ياناصر .. دائما وانت موفق في الأختيار يا الذيب .. صح الله السانك يا القرم وصح الله السان ابو علي والسان ابو بدر .. تقبل مروري نفداااااااااك .. |
رد : صوت وصدى بين حسن بن علي الهاجري وعبدالعزيز بن بدر المضف
يالله حيه اخوي فلااح ارحب بالغالي لاهنت فديتك اذا فيه توفيق من الله سسبحانه وتعالي ثم من طيبكم وسسعة صدروكم لنا الله لايهينك يالقرم
|
رد : صوت وصدى بين حسن بن علي الهاجري وعبدالعزيز بن بدر المضف
مرحبـــــــــــــــــا ومسهـــــــــلا أخــــــــــوي / نااااااااااااااااااااااااااااااصر
مبـــــــــــدع بمعنى كلمة الإبــــــــــــــــــــــداع تقبل مروري يالغااااااااااااااااااااالي |
رد : صوت وصدى بين حسن بن علي الهاجري وعبدالعزيز بن بدر المضف
اخوي علي بن شبله الابداع مرورك طال عمرك الله لايهينك فديتك
|
| الساعة الآن 08:24 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com