عملاق الشعر (ناصر بن لمدان) يمدح الشيخ عشق بن ناصر بن سعيدان
 

[poem=font="Simplified Arabic,6,black,normal,italic" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يـاســلام الله عـــدد وبـــل الـرفـايـا=وعــد ماخـيـل مــن القبـلـه مخـايـل
ياعـشـق يانـسـل زيــزوم السـرايـا=نسل شيخ(ن) يرتكي والحيف مايل
ياصليـب الـراس ياسـمـح السجـايـايا=زعيـم المجـد يـاوافـي الخصـايـل
يـاسـنـدنـا لاغــــدا فـيـهــا حـمـايــا=ياسعـدنـا لاطـمــع فـالــدار عـايــل
يـاذرانــا مـــن لـواهـيـب الـلـظـايـا=درعنـا فالظيـق مـن حــر المـلايـل
يـاظــلال الـعــز يـاسـتـر الـعـرايــا=عـزنـا لا صــارت الدنـيـا هـوايــل
سيفنـا اللـي ينـطـح اسـهـوم المنـايـا=ذخـرنــا لا ولـعــة روس الـفـتـايـل
شيخـنـا حــلال صـعـبـات القـظـايـا=في نهار(ن) مايشيـل الحمـل شايـل
نحتـمـي بحـمـاك يـازبــن الجـنـايـا=من صتيت البـرد وشمـوس القوايـل
أنــت راس الـقـوم ماتتـلـى الـتـلايـا=اتـرك اللـي مـا عـلـى قـولـه فعـايـل
شيخـتـك ماجبتـهـا بـمـر ؤوصـايــا=يشـهـد التـاريـخ وشـيــوخ القـبـايـل
ورث جـدانــك ولا فـيـهــا حـكـايــا=ثبتـوا سيسانهـا مــن عـصـر وايــل
فالجهـل عـاد العـرب فـوق المطايـ=احاكمين (ن)نجد بسيوف(ن)صقايل
كـم غـدا مـن وقعهـم قــوم وظحـايـا=بسيوف الحدب مـن فـوق الأصايـل
سمعـتـك بـيــن الـمـدايـن والـقـرايـا=عنـد كــل الـنـاس بشـهـود ودلايــل
مـن خليـج اعمـان لاسبـت العـلايـا=ومن خميس مشيط لين احدود حايل
مابـقـى للـمـدح فـــي مـثـلـك بـقـايـا=طيبـك اللـي يمدحـك والشـك زايــل
تمـدحـك يمـنـاك فــي مــد العطـايـا=لــو حكيـنـا مالحقـنـا لـــك جـمـايـل
قلـتـهـا مـالــي ورا مـدحــك بـغـايـا=أصخـر المعنـى بمـدحـك والمثـايـل
بمدحـك لـو يكثـرون اهـل الـزرايـا=من زعل فرظاه من روس الطوايل
مــا نـطـاوع فـيـك نـقــال الـوشـايـا=ماحـسـبـنـا كـثـرهــا ولا الـقــلايــل
هـرجـة الـرديـان وخـبـاث النـوايـا=ماتـنـزل مـنـزل أعـيــال الحـمـايـل
الـرخـوم أفـحـول نـسـوان وهـرايـا=مـاتـعـدى طيـبـهـم قـســم الـعـوايـل
الوجـيـه اشـيـان وعـلـوم(ن) دنـايـا=والسلـوك ادقـاق وكبـود(ن) غلايـل
يحسـبـون المرجـلـه بـيـع وشـرايــا=مايـعـرفـون أنـهــا نـــار ؤهـوايــل
كـان مدحـك يلـحـق المـكـوا كـوايـا=والله انـي لمدحـك والــراس طـايـل
مـايـهـم الـذيــب مـخـيـال الـرعـايـا=والرجـال اتبيـن لاجـات الصمـايـل
أنـت عـد(ن) تــارده كــل الظمـايـا=وانت مثل اطويق يتعب كـل صايـل
وانـت قصـد الـلـي ركايبـهـم ونـايـا=وانت تاج الشعر وهجـوس المثايـل
[/poem]
ناصر بن لمدان

رد : عملاق الشعر (ناصر بن لمدان) يمدح الشيخ عشق بن ناصر بن سعيدان
 

لاهنت

وصح لسانك ولسان قايلها


وبن سعيدان يستاهل كل


علم غانم


مشكوووووووووووووووووور


تحياتي

رد : عملاق الشعر (ناصر بن لمدان) يمدح الشيخ عشق بن ناصر بن سعيدان
 

اررررررررررررررررررحب يا العلياني تراحيب الحيا ..

واااااااااااافي ونقلك واااااااااااافي ..

نايف والله ونعم بك ونعم بآل سعيدان وربعنا كلهم ..

صح الله السانك والسان بن لمدان مدد بلا عدد علا شانك وعلى لخرى عانك يالذيب ..

تقبل مروري يا القرم ..

رد : عملاق الشعر (ناصر بن لمدان) يمدح الشيخ عشق بن ناصر بن سعيدان
 

عايض صح بدنك وكم يسعدني مرورك

رد : عملاق الشعر (ناصر بن لمدان) يمدح الشيخ عشق بن ناصر بن سعيدان
 

تبقى يافلاح ولاعليك زود ومرورك عطر متصفحي