|
أحذر من عروض الجميح
امس فتحت الجريدة واشوف عرض شركة الجميح قلت يا ولد فرصه تبيع هالخرده اللي معك وتزيدها شي بسيط وتطق لك موتر جديد !!
بما ان عروضهم كانت مغريه نوعا ما اللومينا مخزنه طبعا من موديل 2005 الى 2008 ب 35 الف ريال فقط طبعا حسب الاعلان المعروض لعلي رحت امس لمعرض الجميح بالرياض طريق خريص وقابلت حدى الموظفين قال لي ان السيارات جايه بالطريق من جده تعال لنا بعد اسبوع او قبل بكم يوم قلت طيب اقدر احجز؟؟ قال لا ! قلت طيب السيارات عليها ضمان؟؟ قال ايه اكيد !! قعدت اقلبها يمين ويسار قلت بيسير فيها واسطات وما واسطات قلت خل الحق عمري ادور لي احد اعرفه عشان احجز لي سيارة كلمت الوالد اذا يعرف له احد بالجميح قال ايه اعرف !! ويتصل على هاك المسئول طبعا من المسئولين الكبار بشركة الجميح !! طبعا المسئول يقول للوالد السيارة لك ؟؟ قال لا !! قال طيب شخص يعز عليك ؟؟ قال ايه لولدي السيارة !! قال ما انصحك !! طيب ليه ؟؟ قال كل هالسيارات اللي بالعرض جايه من مخازن جده ولاعب فيها السيل لعب !! وتم تظبيطها وتبي تباع بهالعرض !! http://www.al-hora.net/images/smilies/1/3df444c611.gifقال طيب عليها ضمان ؟؟ قال لا ما فيها ضمان هذا اللي صار معي امس والله شاهد على كل حرف كتبته ..... وعلى حسب ما سمعت أن اغلب الوكالات متأثرة بسيول قويزه وخصوصا عبداللطيف جميل والعيسائي فعلى كل من بيشري سيارة جديده الانتباه لهاالنقطه . م ن ق و ل |
رد : أحذر من عروض الجميح
يعطيك العافيه علي الموضوع
صار معي الموضوع رحت لفرع خريص أمس وكتبت اسمي بالكشف وطلبت سيارة وفي الليل كلمنا واحد في نفس الفرع وقال نفس الكلام انها جايه من جدة ومعدله ومصلحه ولكم جزيل لشكر تقبل تحياتي |
رد : أحذر من عروض الجميح
.
لاهنت يامحمد السحيمي جمل الله حالك وكثر عيالك وطيب فالك وزاد حلالك التجار كلهم ما يفوتون فرصه مثل هذي من غير ما يستفيدون منها ولهم سبعين الف طريق والحذر في كل شي ما هومن الجميح بس 0 بل ان الجميح احسن من غيره بكثير مشكوررررررررررررررررررررررر ولا هنت تقبل تقديري واحترامي وحكاي والسلام . |
رد : أحذر من عروض الجميح
التجارمثل باقي البشرفرصته الوحيده قبض الفلوس بأي طريقه الله يرحم الضمان وش الضمان كله حكي وتلفيق
شكرا لك على الموضوع,,,,,,,,, |
رد : أحذر من عروض الجميح
أنا داري أن الوضع فيها أن وأخواتها
ولا سيارات جديدة تباع باسعار رخيصة وحتى لو من موديلات قيمة نوعاً ما الحمد لله اللي كشفهم |
رد : أحذر من عروض الجميح
مشكووووووووووووووووور الله يعطيك الف عافية
هالحين بأتصل بواحد من اقاربي منطلق يبي يحجز |
رد : أحذر من عروض الجميح
بارك الله فيك
|
رد : أحذر من عروض الجميح
فيه فرق
إذا كان تأثرها بسيط مو قوي ومعدله بشكل زين فتعتبر رخيصة وإذا كان الضرر قوي فمشكلة |
رد : أحذر من عروض الجميح
لكل من تداخل بالموضوع لكم كل التحيه والتقدير واحذرو جشع التجار
|
رد : أحذر من عروض الجميح
مشكوووووووووووووووووووور
|
| الساعة الآن 02:06 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com