الصداقة - لمحمد بن مزهر الرفيدي
 

السلام عليكم ورحمة الله وبركاته :

هذه قصيدة للشاعر محمد بن مزهر الرفيدي وهي تحكي عن نفسها..

لصـداقــه قصــر عـــالــي لــــه ظــلال
ثـابــت الأركــان مــن وقــت عتــيـــق

اســســوه رجــال ثــم ورثــه رجـــال
قــد تــواصــوا بينهــم عــهــد وثيــق

مــن يخــون العهــد جعـــلــه للــزوال
أو يــحمــل حمــل مــاهـــو له يطيق

ذي وصــايــا شــايــب عنــده عيــــــال
يــوم وصــــاهم علــى حــق الصــديـق

ودام تــدري بــالحــقيقــه والخـــيــال
كيــف تجهــل عــن متــاهات الطـريق

ان كنت فــاهم فاعطنــي حل السـؤال
هــل يمــوت انسان بالصحــراء غريـق

اعتــقـد بـالفعــــل ذا شــــي مــحــال
ومستــحيــل إن بــه زفيـر بلا شهيق

صــاحبــي بأصبــر لو إن الصبــر طـال
وبــأمشي بدربــك لو ان دربك عويق

كــل هــذا لأجــل مــايــــوم يــقــــال
بــإن نــجــمــي بالرخــاء يبــرق بريق









وفقكم الله ومن يقرا لما يحب ويرضى








أخوكم :
أبومسفر القحطـــــــــــــــــاني

رد : الصداقة - لمحمد بن مزهر الرفيدي
 

أهلا وسهلا بأخي أبو مسفر القحطاني ,,

شرفت المجلس بهذه القصيده الجزله بارك الله فيك وصح لسان الشاعر.........

رد : الصداقة - لمحمد بن مزهر الرفيدي
 

لاهنت


يعطيك العافيه


مشكوووووور


تحياتي

رد : الصداقة - لمحمد بن مزهر الرفيدي
 

المهلي جعله مايولي ..

ارحب ياسفر بن مبارك.. والله يشرّف مقدارك .. ويرفع قدرك عند مولاك..


ومن قال جعل ربي يصح ابدنه..





شرفني مرورك الكريم..








وفقك الله ومن يقرا لما يحب ويرضى










أخوك :
أبومسفر القحطـــــــــــــــــــاني

رد : الصداقة - لمحمد بن مزهر الرفيدي
 

مرحبا يابو مسفر

الله يحييك ويحيي الشاعر ابن مزهر


صح الله لسانك ولسانه


والساعه البركه اللي جيت في مجلس عذب الكلام


تحياتي