|
من روائع القصيد
من روائع القصيد الطيب فرصة والجمايل توافيق ومن لا توفق ماكتب له جماله ومن لارقى للطيب روس الشواهيق مازان له وقته على ما بداله ومادام لفعول الجمايل عشاشيق كسب الجمايل ما يجي بلسهاله ولوأنها تشرب مع فكة الريق كلِ خذا له كل ما أصبح بياله والطيب منوه للقلوب المشافيق كل يتوق ومنوته رأس ماله والمدح مايزهى على الرجل ويليق إلا لا صارت وافيات خصاله يستاهله رجل يفك المزانيق اللي يقال ونعم لا جا مجاله ومن ساقته نفسه وهو مابعد سيق لأجل الجميل يزين الله فاله والمرجله ماهي بتحتاج تنسيق من بين قلب اللي عشقها وباله ومن عادة الدنيا تخون المواثيق تفتر مكرتها سواة المحاله ولولا اللوازم ماعرفنا المخاليق مانعرف الرجال لين انعناله والكفو تظهر فزعته حزة الضيق وينشاف في الشدة بعين العداله نسل الرجال متعبين الملاحيق متوسط من بين عمه وخاله واللي يطيق ولابغى قال ماأطيق تحرم عليه المرجله والشكاله والهينة تكبر على اللاش والهيق له في الرخاء قاله وفي الضيق قاله والطيب شاره والضماير صناديق واللاش طيبه ماتعدى ظلاله وانا اسبر قلوب الرجال المغاليق والصامت اقطع غايته من مقاله ومادام في الدنيا رجال ومطاليق نصيتهم واللاش مالي وماله |
رد : من روائع القصيد
بيض الله وجهك ياوجه قحطان
|
رد : من روائع القصيد
لاهنت
بيض الله وجهك يعطيك العافيه تحياتي |
رد : من روائع القصيد
لاهنت ياابن عباد على النقل
وهذه القصيده هي من عيون القصيد للشاعر الكبير سعد بن مناحي بن شفلوت الفهر وكان بودي انك أشرت لصاحبها وشكرا |
رد : من روائع القصيد
لاهنت
بيض الله وجهك والله يعطيك العافية تحياتي |
رد : من روائع القصيد
لاااااهنت يبو عباااد قصيده جزله يالجزل
|
| الساعة الآن 06:58 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com