|
هضبت طويق
يسعد مساااكم اخواني هذي قصيده كتبتها في الشاعر الدكتور شالح بن خريزان ال سفران
امل من الله ان يطلع عليها شخصيأ امل ان تحوز على رضااكم بعنوان( هضبت طويق) بسم الله الرحمن الرحيم شرفت في مرقاب روس المشاقيق ...أخـيل نجــم شـــاقني فـــي بــريقه سقت البكار الغفل مــن راس ذويق ....شــــعاه بــراق الحـــروف الرقـيـقه تعبــت ازاحــم بالكتـوف المــطاليق .... لنــي بعــد مــن روس قــوم طليقه خــنافر تارد نهـــــار الملاحــــيق .... ســـعد الدريك اللـــي ترشــف بريقه جارت على البارحه سطوت الظيق ...تقبــل علـي لاما اقـبل الليـل ضـيقه احـــسها لحــقة عـــروق المعــاليق ...والصـبر من طول المدى نش ريقه مـــــر ِ اطيـــق ومــر والله ماطـيق ....وشـعيل حـمل فــوق مالا يـطيقه يامـير انا كثـرت علــي الطــواريق ....وزبنـت شــبحت محزمـي بالوثـيقه نصيت من ذكره مثل هضبت طويق ....ذرا ِ يــــــذري مـن سـباع مـــويقه شالـــح زبــون الطايله دون تلفيــق ...لاوقفـت بيـن الشقيــق وشــقيقه لنه حصـان مـن قـروم ِ مــطاليق ....عــقيد قـــوم ِ مــن شــيوخ عريقه أمـــــير ذوق وللمواجيـب عــشيق ....تشــوم له جل المراجـل عـشيقه وردتــهايالله علـــيك التوافيـــــــق .....وماهمنــي كفــخ الغــراب ونعيقه ماجيت ابـي مـده عـطايا مخـاليق ....رزقي علـى منشي الثرا والخليقه جيتك ابي فزعتك من مبرك الضيق ....لنـــــك عزانا لاحــــدتنا بضــــيقه الشاعر عبدالعزيزمحمدالشلوه الخنفري |
رد : هضبت طويق
الشاعر /عبدالعزيز بن محمدالقحطاني
ارررررررررررررررررحب ملايييييييييييييييييييييييييييين وصح السانك على القصيده الطيبه وابوفيصل يستاهل المدح والعلم الغانم وابشر يابو محمد ان اوصلها له انا بنفسي وعلى فكره ابو فيصل من الرجال الذين تعلمت منهم وزهل القصيده اعتبرها وصلت ابو فيصل هذا ولك مني كل التقدير ولاحترام وسجل اعجابي فيك يابطل دائم اخوك /محمدبن عبيان الفهري |
رد : هضبت طويق
أخو ي :عبد العزيز ,,
لاهنت وصح لسانك ويستاهل الدكتور ,,, |
رد : هضبت طويق
صح لسانك
وبيض الله وجهك لاهنت يعطيك العافيه تحياتي |
رد : هضبت طويق
اقتباس:
اشكرك اخوي على على مرورك العطر بيض الله وجهك وابو فيصل يستاااهل اكثر شيخنا مافيه شكه لاهنت يالفهري على فعل يمناك ..... طيب كسيته منكبك من يمينك انـــشهد ان الوم مـنك تــــــعداك ..... وفيت يابن العــم والله يعينك شكرأ لمرورك ياصلب ساسي |
رد : هضبت طويق
اقتباس:
الضيغمي لاهنت يا صلب ساسي .....على مرورك ياولد طيب الساس اشكرك ابن عمي على مرورك مرورك اسعدني يالقرم |
رد : هضبت طويق
اقتباس:
ارحب يابو بندر حزامي ونا حي ...... ونا بعد عضدك ولو كثرت عداك شرفت صفحت اخوك يالقرم لاهنت |
رد : هضبت طويق
صح لسانك يالخنفري
ويستاهل الممدوح |
رد : هضبت طويق
اخوي عبد العزيز
صح السانك على الابيات اللي قلتها ولا عليك زود يابن العم ولاكن مااقدر اجازيك الااقول جعل السانك مايجيه العطب والله يرحم شيبانن عقبوك قبل تحياتي واشواقي اخوك واحد جماهيرك/محمدبن عبيان الفهررررررررررررررري |
رد : هضبت طويق
اقتباس:
ابن عبيان اخوي تستاهل اكثر من ذالك الله يجملنا عندك وعند بني عمي يالقرم اشكرك على رجوعك للموضوع |
| الساعة الآن 10:47 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com