شبكة قحطان - مجالس قحطان - منتديات قحطان - ((محاوره رباعيه عتيبه وقحطان)) فهدالعازمي وسفر الدغليبي وسعيد بن زهره وحسين بن شتوي

- مجلس المحاورات المنقوله والصوتيه (https://www.qahtaan.com/vb/forumdisplay.php?f=42)

((محاوره رباعيه عتيبه وقحطان)) فهدالعازمي وسفر الدغليبي وسعيد بن زهره وحسين بن شتوي

محاوره رباعيه تجمع كلا من الشاعر فهد بن نعيم العازمي
والشاعر سفر الدغليبي العتيبي والشاعر حسين بن شتوي الحبابي
والشاعر سعيد بن زهره الحبابي
في قصر اماسي في خميس مشيط في تاريخ 3/ 7/ 1429 هـــ

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

حسين بن شتوي الحبابي =
بعد ماكثروا الشعار يأهل المعزه =للمواويل حزه والطواريق حزه
وابن شتوي جبل ماكل شاعر يهزه =ياعسي الله يديم العافيه والستيره
اخر الايام ماعاد فيه مجاملات = الرباعيه بدت والشعاعير اربعه
سعيد بن زهره=
بعدماكثروا الشعار منا ومنا =احتزم يابن شتوي يازبون المجنا
واحمد الله بعد جت لي علي ما تمنا = ياعسي الله يديم العافيه والستيره
اخر الايام يالله نطلبك الثبات = من بغاله مطمعه مالقا له مطمعه
فهد العازمي =
بعد ماكثروا الشعار ياحسين قلي = وايش ناخذ من علوم الوفاء وايش نخلي
هاضني صوتك الطيب وجيت لك كلي = ياعسي الله يديم العافيه والستيره
يطلع الصامل ليا راحت الدعوى وجات =لاتجر سعيد للتهلكه وانت معه
سفر الدغليبي=
انت ياسعيد كنك محري بالغنيمه=ودي انك تفوز بها وتذبح تميمه
البلا ء انك تعوّد راجع بالهزيمه = ياعسي الله يديم العافيه والستيره
يوم حطوا لحيه سعيد مع ست البنات=مانبيي فضح الحقائق وكشف الاقنعه
حسين بن شتوي الحبابي =
انت شاعر وانا شاعر وكلن وحظه = وبنت ابوزيد تشر لي بطرفن تغظه
وانت لابد تسري وانت كفك تعظه = ياعسي الله يديم العافيه والستيره

يافهد تالي زمانك عليك ملاحظات =قالوا ان موترك في الخط جاله قربعه
سعيد بن زهره =
احمد الله كسبت وغيرنا ماتوفق = وطيع شوري علي بعض الخلائق ترفق
وان لقيناك بالبيرق مع الناس صفق = ياعسي الله يديم العافيه والستيره
لحيتي تكرم من الغاويات الفاجرات = السعه لابارك الله في الضيق السعه
فهد العازمي =
انت توك شباب وبنت ابوزيد عذرى = مير دور مهرها كان تكتب وتقرى
وانت تبغاني اسري مير مافيه مسرى =ياعسي الله يديم العافيه والستيره
اليماني لو عطيناه ورده قال قات =واهل نجد القات ماتزرعه ماتزرعه
سفر الدغليبي=
كان سالم من هروج الردى والنقيلي = ثم جبت المراد الكايد المستحيلي
والله اني لاصفق لك ولا اشد حيلي = ياعسي الله يديم العافيه والستيره
يالمطوع كل ما اذنت حيا للصلات = يمكن ان البنت مثلك تصير مطوعه
حسين بن شتوي الحبابي =
المهر ظامنه يالعازمي في رصيدي = انشد العاطفي وانشد فلاح العبيدي
وانت شايب ولا تبغاك والمال في يدي = ياعسي الله يديم العافيه والستيره
والصعيدي يطلب الرزق من كل الجهات = والنهايه للاجاويد يشر باصبعه

سعيد بن زهره =
نطلب الله وعلم الغيب ما احد درابه =وكل علم ترانا حاسبين حسابه
والردى مادرينا وايش حضره جنابه = ياعسي الله يديم العافيه والستيره

ابك انا طوعت لي ناس يالله لاشمات = تعرف ان البنت مثلك وجات مروعه
فهد العازمي =
والله اني ما اذمك يالشباب الهواوي = اقحطاني ولد نعمه وحر نداوي
مير لاتقرب الشيبان ما انت بقاوي = ياعسي الله يديم العافيه والستيره
لي معك ميعاد والباقيات الصالحات = وغلطه الشطار ماهي بغلطه مطبعه
سفر الدغليبي
وانت تزهم بني عمك وتجمع صفوفك = صرت ياسعيد في الشاشه وكل يشوفك
يارجل نظّف لسانك وحشم ضيوفك = ياعسي الله يديم العافيه والستيره
اطيب من الهرج في بعض الاحيان السكات = وان عسرك الهرج طلع لسانك وابلعه
حسين بن شتوي الحبابي =
كم خذينا علي سلم الرجال وعطينا = وتعرف فعلونا يالعازمي لااعتزينا
ونعمه الله سبحانه عليك وعلينا = ياعسي الله يديم العافيه والستيره
الليالي يالعتيبي تراها مقبلات = مستعد القاك في الحفر والا المجمعه
سعيد بن زهره =
احمد الله ماعندي ظروف ثقالي = وعارف الحرام وعارف الحلالي
وعندنا ضيفنا يلقى سلوم الرجالي= ياعسي الله يديم العافيه والستيره

العرب ماتدري انك تسوى معجزات = وانت ما انت صغيّر لاجل تطلب مرضعه [/poem]