عدوان الهربيد ( وابن اخيه )
 

بسم الله الرحمن الرحيم

عدوان الهربيد الشمري معروف وله اخ توفي وعليه ولد اسمه جريس فاخذ عدوان زوجة اخيه على شان الولد

لاكن يوم كبر الولد صار عاق عند عمه عدوان فقال عدوان الهربيد

هذه القصيده يهجو فيها جريس

ياجريس يامشكاي شاكن واشـاكــيك -------------------- وأشوفها من يم الاصحاب ضـــــــاقـه

ياجريس أخذت أمك على شان تالـــيك -------------------- لامعجبن زينـه ولاهـي عشـــــــــــاقـه

عمك ولو بي تنشده كــــــــان ينبيـك -------------------- وش حق من رباك طفـل حــــــــــواقـه

يامـــــا علـى متنـي تعــــقبـت بيديـك -------------------- تنقل كمـا تنقـل خطـــــاه العـــــلاقـه

ويامـا بعـدلات الشبايـا نعــــــــــشيـك -------------------- واعطيك من زود الخــــــــزيـزه لحاقـه

بارباعى لي ثـار حســـــه يشـــــويـك -------------------- في ليلة ذوق العشـا بـه شــــــــفاقـه

الذي بدقون ربعك ظهـــــــــر فـــيـك -------------------- واظن في نبـت اللحـــــــــى افتراقـه

واليوم أشوفك يوم كبرت عــــلابيـك --------------------- جمعت مع خبـث الطـــــبايـع نــــزاقـه

ولعـاد بالـــــــــدنيـا صديقـك يخليـك --------------------- مامن ورى عــــــوج النصايب صداقـه

ياجريس مالى بالادانـي واقاصـــــيـك --------------------- لاهـــل فـــوقـى محــــزم مـن دقاقـه

سبع العوذ ياجريس خلن واخــــــليـك --------------------- ياجريس مابعيـال الاخـوان فـــــــاقـه

تيس تحـــــــــــــطـه ولااقـدار بيديـك --------------------- أحلى من الشرشوح عند الرفــــاقـه

رحم الله عدوان الهربيد وامواتنا واموات المسلمين

دمتم بخير

رد : عدوان الهربيد ( وابن اخيه )
 

سلمت ولاهنت يالظور بارك الله فيك وشمر قبيله عزيزه لاعدمناك...............

رد : عدوان الهربيد ( وابن اخيه )
 

سلمت ولاهنت يالظور بارك الله فيك

رد : عدوان الهربيد ( وابن اخيه )
 

أخي الظور مشكور على هذا الاختيار الرائع وأنت يا أبو محمد رائع جدا ً

أستأذنك في إضافة جزء من القصه نفسها مشكور ,,,,,,,

عدوان بن راشد الهربيد من السويد من سنجاره من شمر
غلب طابع الحكمه على اغلب قصائده كذلك اشتهر عن عدوان انه فقير ماديا
وورد هالشي بقصائده من ضمنه قصيدته اللي يتمنى به معاميل القهوه وكذلك قصيدته اللي
يتمنى به لو يملك ابل وغيره

راح احاول اني اجعل تسلسل قصائد الهربيد كقصه حتى تكون اقرب للقاريء

يقال ان اخوة عدوان قتلو باحد المعارك
ماوجد الا جريس وهو ولد اخوه
ويقولون انه تزوج امه خاف لاتاخذ له اجنبي ويوذي جريس

ونلاحظ ان اغلب قصائد عدوان كانت مسنده لجريس

ويقال باحد الايام كان مار بمراح اهله ومعه بناخيه جريس وهو يتذكر اخوته
يقول عدوان:


يادار يـادار ربينـا بـك العـام=بين الحجر يادار واشراف ضاحي
يادار مابك من هلك جـرة اقـدام=والمـال مالـه جـرة بالمراحـي
بس الثلاث اللي تقول روس خدام=وارض تصفق به نشيط الرياحـي
ياجريس يامشكاي واطيرنا حـام=برخون شينات الليـال اللقاحـي
حطن بنا قيد وهواجيـر وخـزام=ياجريس واسقنا مـرار الملاحـي
حظ ربض لو قامت السمر ماقـام=وباب عصانـا بقلـة الانفتاحـي
يا قـد قلبـي قـد أزرق الخـام=أو قد غرب من شفا البير طاحـي
على الرجال اللي مشو لي بالاخدام=راحو كما برق بالامطـار لاحـي

رد : عدوان الهربيد ( وابن اخيه )
 

الظور لا هنت على المشاركه والضيغمي دائمن مبدع ونشكركم على هذا الموضوع والى الامام لا تقطعونا,,,,,

رد : عدوان الهربيد ( وابن اخيه )
 

لاهنت


يعطيك العافيه



تحياتي

رد : عدوان الهربيد ( وابن اخيه )
 

لاهنت

رد : عدوان الهربيد ( وابن اخيه )
 

رد : عدوان الهربيد ( وابن اخيه )
 

رد : عدوان الهربيد ( وابن اخيه )