قصيده وطنيه
 

الشهر عليكم مبارك
اليكم اخواني قصيده وطنيه امل ان تحوز على رضاكم
للتواصل

تحياتي لكم

( 17) بســــــــــم الله الرحمن الرحيـــــــــــــــم

اتعب على جزل الفرايد من رحيق المعضلات@ اجـــيبها لولو درر تلمــــــع مبيــــــــن الفيلقيـن

يانجــد هلــي قـذلتك دونــك صـناديد عصــات@ قضــي جــعودك فـي حمانا عقـــب رب العالمين

يانجد حن درعك حمى لك من نفوس حاقدات @درعـــك حمــاك ان كشرت الانياب بين الشفتين

لاظبظــب البـارود حقـك مـن كبــار الواجبـات @حنــى علــى بيعــت ابو متعـــب رجال مخلصين

نحفي علـى كتفك بنات الريـح صفر مسرجات@ ويحــرم علينا لو عجــزنا عــن حماك الاسودين

ذراك ابو تـركي بكمـه فـي السنيـن الماضيات @وعقبـه سعـود وفيصـل وخـالد وبو فيصل سنين

وطـى علـى شانـك جـلال الشـوك بقدام حفات @وحذف عليـك البشت من كتف على الشده متين

الله يطــول عمــــر عبــدالله ويـــرزقه الثبــات @ويبطـي بحكمـه يا ألاه الكــون فـي صحـه ودين

أخ الكبيــر ابو الصغيــر غيث اليتاما الارملات@ عضــد لمـــن خانــــه زمــانه مــن كبار مقعدين

دن القلــم خـلها تخـط افعالهــم راس الـــدوات@ تبقـــى علــــى مــر الدهــر للغائبيــن الحاضرين

يانجــــد حبــك ثابــت فـي مهجتي مثل السرات@ ولا تـزعزع مــــن كــــلام البائسيـــن اليائسين

حــدك جنـوب مـن اليمـن لانهـر دجله والفرات@ ومــن البحـر الحمـر ليا شاطي الخليج مشرقين

أشــم فــي أكمامـك خليـط ورود وزهور النبات@ وأشــوف فــي ذروت سنامــك قلعــهٍ للناضجين

وأشـوف فـي محجـر عيونـك مرتــع للجـاريات @وأشــوف فــي غــرت جــبينك معلــم للساجدين

يامـوطني يكفــي فخـــر انـــك مــام للصـــــلات@ شــرفك ربــــي عـــن سـواك بنور ثان القبلتين

شرفــك سبــحانه الاهــي بالصــور والمعجـزات @وختــار ربــــي منــك خاتـم الانبياء والمرسلين

ياناشـد عـني انا مـن نجـد وانســب للحـــصاه @مــن لابةِ يــذري ذراهــا لانصــوها الأنوديــن


الشاعر/ عبــــد العزيز محمـــــــد القحطانــــــي