الأيام يومين
 

[poem=font="Simplified Arabic,6,black,bold,normal" bkcolor="transparent" bkimage="" border="double,medium,gray" type=1 line=0 align=center use=ex num="0,black"]
تذكرت وتـفـكـرت فـي سـود الليالي= أشـوف الوقت ما ينعرف عدله ومـيله
مـع الأيـام يأتـيـك حال بعـد حالي= تغـيـّر طـبع الأجواد في يـومٍ وليله
وبـان الفـرق بـيـن الـقـديـمة والتـوالـي= عـلى مـا قيل حازت فصيله عن فصيله
ويا سـامع نصيحة شـباب العمر غالي= ولا يغـُرك سحاب سناء برقه تخيله
إذا تبغي تنال المعالي لا تبالي= ولا ترضى الكـسـافة عواقبها وبيله
تغـرّب واطـلب الرزق لا تصير اتكالي= ورزق العبد مـضـمـون والمولى كفيله
ودور ما يفيدك من علوم الرجالي= تفيد وتستفيد الكثيرة والقليله
وجالس واستمع في المجالس ما يقالي= اليا جالست عرّاف وكبار القبيله
تخيـّر مـن تجالس وكن رجـل مثالـي= ومن لا تـنـفـعـك رفـقـتـه دور بـديـله
وبيـّن موقـفـك مع كريمين السبالي= اليا عـدوا هل الجـود لك معهم حصيله
واليا هـبت من الشرق وألا من شمالي= تجمـّل واعـمـل الخـير والدنيا مـزيلـه
ترى الرجـّال لـوجيـبه من المال خالي= ينال الجود مادامت أهــدافـه نبيلـه
وترى الأيام يومين ما فيها جـدالي= احسـب حسابها والفتى قلبه دليله
وترى مـن حط رجله على جال هيالـي= مصيره يفـقــد الممكنه والمستحيله
وترى بعض الراجيل ما يسوى ريالـي= مداه قريـّب ما هـو براعـي طـويله
قليل الخاتمة لا تعـدّه راس مـالي= اليا مـن بـارت البايره بـار بعـمـيله
واليا جـاك الخـطأ مـن رفـيق لك موالي= تحمـّل لـلخطـيه ولـو كانت ثـقـيله
تـعـقـّل واتـبـع القـادي ودرب الـعـدالي= وحاول دام لـك باجتـناب الشر حيله
مضى وقـت الجهل كل وقت له مجالي= وبـيـت الشعر يكفي قصيره عن طويله[/poem]

رد : الأيام يومين
 

رد : الأيام يومين
 

صح لسانك يعطيك العافيه


لاهنت

رد : الأيام يومين
 

رد : الأيام يومين
 

الأخ عبدالله المشعلي

صح الله لسانك .. واعتلى شانك ..

قصيدة جزلة .. أشكرك يا الغالي ..

رد : الأيام يومين
 

فواز ابو خالد
صح الله بدنك
وتسلم وتدوم
تحياتي

رد : الأيام يومين
 

عايض الفهري
صح الله بدنك وتسلم وتدوك
تحياتي

رد : الأيام يومين
 

ممدوح الحارثي
صح الله بدنك
وتسلم وتدوم
تحياتي

رد : الأيام يومين
 

مشاري بن نملان الحبابي
صح الله بدنك وتسلم وتدوم
تحياتي