إليا مدحت أمدح كفو وإليا خدمت أخدم كريم ... ترا رديّ الفعل لايمدح ولا يخدم بخيل
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أحيان يعييك الدهر حتـى ولـو إنـك حكيـم= تصبر على جوره وتقنع من صروفه بالقليـل
لكن تعلم من دروس الوقـت وأفهـم يافهيـم=وأخذ الكلام اللي عليه اثبات برهـان ودليـل
إليا مدحت أمدح كفو وإليا خدمت أخدم كريـم=ترا رديّ الفعـل لايمـدح ولا يخـدم بخيـل
ولا تخاوي اللي على قول الخواجه سيم سيـم=يظهر على وجه الردى ولا على وجه الجميـل
وأعلم تراك من الجليس ومن تخالل والنديـم=إن كان راس كنت راس إن كان ذيلٍ كنت ذيل
خلك مع أهل الدين والمعروف والنهج السليـم=اللي يبادي ذكرهـا نعـم المخالـل والخليـل
وأقلط على اللي يعشقون الطيب والعز المديـم=تامن بهم لاضاقت الدنيـا وضيّعـت السبيـل
أجواد تلقاهم سواة النور فـي الليـل الظليـم=وقفاتهم عند العواني والخوي تشفـي الغليـل
وأحذر من اللي همهم عند العوايـل والحريـم=ترهم ضعاف نفوس لو زادو من المال الحصيل
أرزاقهم هبابهم والبخـل فـي الحلـه مديـم=والخير ماتذكر به قصـار اليمانـي مستحيـل
هاذي نتايج تجربه وأمثال قيلـت مـن قديـم=فيها العْبر تاخذ بها العقّال مـن جيـل لجيـل
أقولها من هيض ولا غيض والعقـل الحليـم=يدري بها في مجمل الواقع ولا يدري الهبيـل
[/poem]

رد : إليا مدحت أمدح كفو وإليا خدمت أخدم كريم ... ترا رديّ الفعل لايمدح ولا يخدم بخيل
 

رد : إليا مدحت أمدح كفو وإليا خدمت أخدم كريم ... ترا رديّ الفعل لايمدح ولا يخدم بخيل
 

أرحب يا بو شايع ..

من طوّل الغيبات جاب الغنايم ..

صح الله لسانك .. وعلى الثانية عانك ..

كما عهدناك .. الجزالة وروعة سبك الأبيات ..

لاهنت .. والله يعطيك الصحة والعافية ..

رد : إليا مدحت أمدح كفو وإليا خدمت أخدم كريم ... ترا رديّ الفعل لايمدح ولا يخدم بخيل
 

ارحب راحب ياعبدالله

كعادتك تغيب وماتجيب الا السمين

صح لسانك

سجل اعجابي الشعري بك وبقصيدك الجزل

لك الف تحيه يالغالي

اخوكم/عبدالله السحيمي

رد : إليا مدحت أمدح كفو وإليا خدمت أخدم كريم ... ترا رديّ الفعل لايمدح ولا يخدم بخيل
 

صح لسانكـ ياعبدالله0000 الزهيري

رد : إليا مدحت أمدح كفو وإليا خدمت أخدم كريم ... ترا رديّ الفعل لايمدح ولا يخدم بخيل
 

المصدر الخاص

هلا وغلا ومرحبا


صح بدنك ولاهنت


وأسف على التأخير لإنقطاعي الخارج عن الإراده

رد : إليا مدحت أمدح كفو وإليا خدمت أخدم كريم ... ترا رديّ الفعل لايمدح ولا يخدم بخيل
 

ارررررررحب ياعبدالله

صح اللسانك على هالقصيدة التي مررصعه بالذهب والؤلؤ المكنون فاأنت مبدع دايم ياابو شايع لله درررك

فاأنا من اللي معجبين دائم بشعرك ورجولتك يالقررررررررم واناوالله مابعدقابلتك ياابن العم ولكن انت دائم

ترفع الراس الله يطول في عمررررررررك ولكن اسمحلي بلقبك بأسم(باشة الشعر والكلمة الجزله) وفي الختام

ارجوومنك المعذره ان كان قصرت في حقك ياابو شايع والله يوفقك والى الامام،،،،،،،،،،

ولك تقديررررررررررررررررري

اخوك / محمد بن عبيان الفهررررررررررررري