شبكة قحطان - مجالس قحطان - منتديات قحطان - مع التجارب صريح الوقت علمني

بسم الله الرحمن الرحيم
يالله بسترك وتوفيقك تجملني = = بين الخلايق ويوم يرز ميزاني
تسترعيوبي وتغفرلي وترحمنيي = = اذا تخـلوعني ربعي وخلاني
وامسيت في حفرة ماحدٍ يزاورني = رحماك يالله وانته خير رحماني
تعلم ضميري وتفكير ملازمني = = اخفيه مرات لكن وقت يحداني
مع التجارب صريح الوقت علمني = اضحكني ايام لكن مثلها ابكاني
واشوف في الوقت حاجاتٍ تزعلني=واغض طرفي ماكن الامر يعناني
مادام اشوف الامر كانه مجنبني= =احط نفسي غبي والا بليهاني
وان جاتني من ردي مايقدرني= = ادوسها تحت رجلي واكرم الساني
والا ترى شرهة الطٌيب تشرفني= = واعتز فيها وهي رمزي وعنواني
ورفيقي اللي يقدرني ويذخرني = = لاحس في خاطره مني جفا جاني
بيٌن لي اللي حصل مني ونبهني= = ان كنت غلطان والا صار غلطاني
وان طوٌلت غيبتي عنه نشد عني= = ماهوب يفرح بصداتي وينساني
ولاهوب من يضحك بوجهي ويطعني = وان غبت عنه على خيله تقفاني
هذاك اعرفه وضحكه مايغفلني= = تبين لي نيته مع بيض الاسناني
اخوض بحر المعاني مايكلفني= = وانقى معانيه من لولو ومرجاني
وان كان صاحبت رجال وصاحبني=ابقى على صحبته مع طول الازماني
بعده وسود الليالي ماتغيٌرني= = =سلمي وسلم لبوي وسلم جداني
هواجر نكرم الخطار وانثني= = =عند العشاير وعند الجار والعاني
وصلاة ربي عدد مروٌح المزني = = على نبي الشفاعة نسل عدناني

مــهــل مـحـمـد الـهـاجري

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود