صداقة الاشراف تبنى على الطيب = بين الرجال اللي تعرف المعاني
 

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
صداقة الاشراف تبنى على الطيب = بين الرجال اللي تعرف المعاني

صداقة كرام اللحى والاشانيب = اهل الفعول الطيبات السماني

قروم مثل وصف الحرار المراقيب = وهقواتهم تبني كبار المباني

صداقة ماحافها النقد والعيب = ولاحافها الملهود ولد الهداني

صحبة رجال يكدرون المشاريب = لاخانوا الرديان والوقت شاني

رجالهم يقدم كما الزير وكليب = ويشفيك لاجارت صدوف الزماني

ووقت القسى تلقى رجال ومعازيب = حجاج يضحك والشحم في الصواني

صديق صدقٍ في نهار الاصاعيب = صادق معي واذا بغيته وزاني

وانا اكتفي بصحبة رجال المواجيب = واعدهم في الضيق حسبة اخواني

ولاحدهم في الوقت جور ومصاعيب = واحتاجوا الفزعات صدقٍ بياني

افزع وانا شوق البني الرعابيب = وازيح كربة صاحبي لا نخاني

هذي الصداقه وغيرها يلحقه ريب = صداقة اللي قصدهم شي ثاني

يضحك وهو قصده بشذب العراقيب = ويدور الغرات قاصي وداني

ويركب الكذبه على الكيف تركيب = والزور والبهتان عنده الاماني

ويبهت اصحابه بالردى والاكاذيب = ويقول علم ياجماعه لفاني

هذا ترى ودك تمسه مشاعيب = حتى يموت ومابهت مودماني

منبوذ في الدنيا عسى حظه يخيب = ولا له مع الاجواد قدر ومكاني

وفي الآخره يبشر بنار ولواهيب = مصيره الزقوم والحيل واني

تمت وتم القاف قلته بترتيب = واللي سمع يقول يسلم لساني[/poem]

رد : صداقة الاشراف تبنى على الطيب = بين الرجال اللي تعرف المعاني
 

يعطيك العافية يا عبدالله

وصح لسان الشاعر هادي بن عسكر