[[تنعى بلاد العرب وديار الإسلام ]]
 

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
تنعى بلاد العرب وديار الإسلام =فقيد الأمه خادم الحرميني

تنعى فهد فجر المكارم والأيام =خادم بيوت الله دنيا وديني

شيخ صنع تاريخ بإصرار وإقدام= بالفكر والسطوه وفعل اليميني

يالله عسى روحه مع خير الأنام =في جنة الفردوس مع الأوليني

أعزي ال سعود في موت ضرغام =منار الإسلام الحليم الفطيني

وأعزي اللي صابه الذعر وأنضام =حزن على فقد الحسام السنيني

لكن عزانا في صواريم حكام =غيث الديار وحربة الطامعيني

ال السعود اللي لهم دور وإسهام =في رفعة الإسلام والمسلميني

بعده يتمون المسيره لقدام =موحدين الرأي متكاتفيني

أهدافهم في خدمة الأمه إلمام =الله لهم على الأمانة يعيني

وحنا نبايعهم موالين خدام =وأعوان وأنصار لهم مخلصيني

بيعة يا أبو متعب وعهد لك إلزام =على الولاء والطاعة معاهديني

وأيضا ً يا أبو خالد عهدنا والإقسام = نقسم ونوفي العهد متضامنيني

حيث إنكم للحق رايات وأعلام =ياعلكم في حكمكم خالديني

أنتوا كعام الضد وعلاج الأسقام =وأنتو ا مع كثر الشكوك اليقيني

أنتوا سلايل من تزهل ومن قام =بإطفاء الفتن حتى أمن الخايفيني

عبد العزيز اللي جمع شمل الأقوام =وأسدى الوفاق مقدي التايهيني

عساه في الفردوس من ربه إكرام =ويعزكم ويديمكم سالميني[/poem]

رد : [[تنعى بلاد العرب وديار الإسلام ]]
 

صح لسانك ياابوفيصل

والله يرحم فقيد الاسلام ويبارك في ابومتعب

مزيد من العطاء والنجاح ياكحيلان

وتقبل تحيات محبك بحر

رد : [[تنعى بلاد العرب وديار الإسلام ]]
 

أعزي ال سعود في موت ضرغام =منار الإسلام الحليم الفطيني

وأعزي اللي صابه الذعر وأنضام =حزن على فقد الحسام السنيني

لكن عزانا في صواريم حكام =غيث الديار وحربة الطامعيني

ال السعود اللي لهم دور وإسهام =في رفعة الإسلام والمسلميني

بعده يتمون المسيره لقدام =موحدين الرأي متكاتفيني


صح لسانك

وعلى شانك

الله يرحم المتوفي ويبارك في قائد المسيره

رد : [[تنعى بلاد العرب وديار الإسلام ]]
 

رد : [[تنعى بلاد العرب وديار الإسلام ]]
 

الله يقبل دعائك الذي تضمنته قصيدتك في دعائك لرموز هذا الوطن الكريم رحم الله الملك عبد العزيز

هذا المؤسس ورحم الله الملك فهد وأطال الله في عمر خادم الحرمين الملك عبد الله بن عبد العزيز

أخي سفر جزاك الله خيرا ً وبارك فيك على هالإبداع ,,,,,

رد : [[تنعى بلاد العرب وديار الإسلام ]]
 

صح الله لسانك يا بو مبارك ..

والله يرحم الملك فهد ويوسع عليه في قبره ..

والله يوفق الملك عبدالله لخدمة دينه ووطنه ..

أخوك/ مشاري آل نملان

رد : [[تنعى بلاد العرب وديار الإسلام ]]
 

الأخ سيف بن معيض (الخال)

شرفني مرورك لاعدمتك ياأبو بندر بارك الله فيك شكرا لك ....................

رد : [[تنعى بلاد العرب وديار الإسلام ]]
 

أستاذنا الكبير :محمد بن مسفر القويفل ........

شرفني مرورك كثير الله يشرفك بطاعة مولاك وتصفحك شخصيا لما نطرحه وردودك داعما معنويا

لنا ولكافة الاخوة في المجالس .........................

لك مني خالص الشكر والتقدير.................................

رد : [[تنعى بلاد العرب وديار الإسلام ]]
 

رد : [[تنعى بلاد العرب وديار الإسلام ]]
 

قصيده وافيه مافيها كلام

صح الله لسااانك ياسفر

تحياتي لك