شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس فرسان قحطان (https://www.qahtaan.com/vb/forumdisplay.php?f=5)
-   -   (قبيلة الحباب على لسان الشعراء ) (https://www.qahtaan.com/vb/showthread.php?t=51336)

الإحبابي 30-04-2009 06:22 PM

(قبيلة الحباب على لسان الشعراء )
 
(قبيلة الحباب على لسان الشعراء )

يقول أحد شعراء الجحادر أهل نجد:




شفّي مع ربعٍ جنوبٍ مسمّـاه
يا سِعد منهم لابته و العشيرة
جمع الحباب اللي نهار الملاقاه
بسلالها تنطح وجيه المغيـرة




و يقول الشاعر سعيد بن علي آل برمان:




حباب ما فيهم عذاريـب و إنكـار
صُلب أقحطان و سِعد منهم عضاده
فوق القبايل ما نقول إن لنا أطوار
على العرب ما ندّعـي بالزيـادة




و قال فيهم الشاعر مانع بن عايض ال الخوير ال سعد الجحادر:




راكبٍ ست من الجيش ما فيها هـزل
لا مشت كنها لا دامي يزيد اجفالهـا
نصّها ربعٍ هل الجود من عصر الجهل
الحباب اللي العـزّ كسـب أفعالهـا



وقال الشاعر محمد بن سالم بن جروان ال عليان الجحادر:




ثم يمموا برقابهـا مجنباتـي
يم الحباب متعبين المعاميـل
أهل الفخر و أفعالهم ماضياتي
و يعدّلون الضد بالسيف تعديل




و يقول أيضاً:




حباب لي رد البراء حربيّـه
سيفٍ صقيلٍ ساطـيٍ بتّـار
هم درعنا من يمة الياميّـه
ضلعان شّمّخ راسية الاجذار




وقال أحد شعراء يام:




البل خذوها كاسبين النفايـل
راحوا بها جحـادر و حبـاب
يا ليت منهو حاضرٍ في دقلهم
ما عد يرجع سابر المرقـاب




و قال الشاعر راشد بن حسن بن الذيب العجمي موجهاً القصيدة إلى حامد بن علي بن مايقة





من اللابة اللي ضدها ما يضيمها
من الضد ترمي للطيـور نسيـر
فرسان فوق الخيل عبّاد في الدجى
لهم محيي العود اليبيـس نصيـر
ربعٍ يعدّي فعلهم مـن حدودهـم
بمشوّكٍ يشظى العظـام ضريـر
لطّامة العايل على واضـح النقـا
لاثـار بيـن الجبهتيـن ذخـيـر
يعطيكم التاريـخ منهـاج فعلهـم
و على غير كسب الجميل عسيـر
يرجيهم اللاجي ويخشاهـم الـذي
على القوم دايم بالجمـوع يغيـر
احباب للصاحب و سقم لضدّهـم
ورحاهم على الراس الكبير تديـر



و يقول الشاعر محمد بن راشد المهنا النعيمي:




حبابيّةٍ شرهين في حومة الوغـا
إلى ثارت الهيجا و شبّوا وقودها
يا ما شعوا من هجمة شُمّخ الذرا
جـلالٍ مثانيهـا كبـارٍ ديودهـا
فواعيس قومٍ ندّهم مـا يضدّهـم
إلى جردوا سلاتها من غمودهـا




وقال الشاعر سهيل بن معيض العتيبي:




إلا أنت تكرم يا زبون الملاهيـد
هجنٍ من الممشى حفاياً إيديهـا
حيث أنت من ريعٍ لهم ذكر توحيد
من الحباب اللي يـذري ذراهـا




و يقول أحد شعراء القبائل المجاورة في قديم الزمن:




يا ويش الا تحمي الحبـاب إبلادهـا
لا عاد محـدارٍ و لا بـه مسنـدي
ربعٍ علـى حبـل الوريـد تعايـدوا
على الطريق الزاد و الماء لا سودي



وقال الشاعر غانم بن هادي آل سليمان عبيدة:




أما الحباب اللي لنا رسم وحـدود
ومسجلين طيبهـا فـي سطرهـا
سباع في وصف الرجاجيل و فهود
نار تلظى مـن لهايـب سعرهـا
حرابهم من يمه الشرق مضهـود
كل العرب تدري بها من ظفرهـا





ألقابهم:
حجاب المشرق:
حيث لقبّهم بهذا اللقب مرعي بن محمد و ذلك لأنهم من قحطان الشرق بمنطقة عسير يقول أحد الشعراء:




بدينـا باسـم عــلّام الخفـيّـه
عظيم الشـان يعلـم كـل حالـي
ألا يـا الله يـا جـزل العطـيّـه
طلبنـا منـك يـا عـز الجلالـي
تغفـر ذنـوب عبـدك و الخطيّـه
و ثبتنـا الـى حـان السـؤالـي
سلامـي عـد همّـال الرفـيّـه
عليكـم يـا مناعيـر الرجـالـي
على أهل الطيب و رجال الحميّـه
عيـال رشيـد ذربيـن الفعـالـي
عيـال رشيـد حاميـن الونـيّـه
و نعـمٍ كـل مـا دار المجـالـي
لهـم عـادات و سلـومٍ قـويّـه
وهو طبـع الحبـاب أول و تالـي
على الحـدان كـم قامـوا بهيّـه
(حجاب المشرق) في ماضي الليالي
حـبـاب يرفـعـون المعنـويّـه
مواقفهم مـن الماضـي جزالـي
قـروم فـي اللقـاء و بوارديّـه
ولا هـم ينقـلـون إلا الغـوالـي
إلى جاهم مـن المشـرق غزيّـه
غـدوا دون العشايـر بالسلالـي
وأنـا بقولـهـا حــقٍ علـيّـه
لـزوم أمـدح كريميـن السبالـي
لهـم وسـط الضمايـر مقدريّـه
صحيح القدر مـن غالـي لغالـي



معشية عزّام:
و يعني مشبعة عزّام من الجوع بالجنايز و عزّام هو الذئب المفترس و كان ذلك اوقات الحروب مع عدد من القبائل الأخرى
يقول مبارك بن عبدالله بن شرثان:




ربعي حبابٍ إلـى كـلٍ نسـب جـدّه
قوم تكـدّر علـى الحـرّاب الأيامـي
يوم الجهل واختلاف السبـر و الـردّه
والدرب مسموح بين الشرق و الشامي
عاداتنـا نلطـم العايـل علـى خـدّه
نجعل على كبد راعي الغـل ميسامـي
يبطـي عليـلٍ غليـلٍ ضاربـه عـدّه
و إن ثار قبس الحرايب فدع ( عزّامي)



وقال الشاعر حمد بن محمد آل غازي:




حنا الحباب اللابة الحربيّه
سقم الحريب معشيّة عزّام



وقال أحد الشعراء القدامى:




حنا الحباب أهل الظفر و معشيّة عزّام
و أهـل الشـوايـع مــن قـديـم



وقال الشاعر/ شايع بن حامد آل الجابر :




حبابيةٍ أهل فعول وزعامـات
يوم القنا والرمح والمسرجاتي




"""""""""""""""""""""""""""""""
"""""""""""""
"""

عبدالله السحيمي 01-05-2009 01:43 AM

رد : (قبيلة الحباب على لسان الشعراء )
 
ارحب ياوجه عبدالله


ونعم والله في ربعنا الحباب

بس كان ودي تنسق الابيات

والله لايهينك ياذيبان

ولاتحرمنا من الجديد

اخوك/عبدالله السحيمي

فلاح آل راكان 03-05-2009 03:59 AM

رد : (قبيلة الحباب على لسان الشعراء )
 
ارررررررحب يا وجه قحطان


ونعم بلحباب كلهم لابتن سعد من فضيق هم لابته

سيف بن شايع الكدادي 03-05-2009 07:55 AM

رد : (قبيلة الحباب على لسان الشعراء )
 
ونعم بالحباب

في كل ديره


لاهنت يالحبابي على الموضوع الراااائع



اخوووووك

ابن شنان العاشر 05-05-2009 12:02 PM

رد : (قبيلة الحباب على لسان الشعراء )
 
بيض الله وجهك ولله لا يهينك

الضويري 06-05-2009 07:02 AM

رد : (قبيلة الحباب على لسان الشعراء )
 
ونعم في وجيه عبدالله

لاهنت يالحبابي

مشاري بن نملان الحبابي 08-05-2009 05:40 PM

رد : (قبيلة الحباب على لسان الشعراء )
 
لاهنت على النقل ..


الساعة الآن 11:03 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com