(((المرقب العالي)))
 

بسم الله الرحمن الرحيم
السلام عليكم ورحمة الله وبركاته
هذه القصيده من الارشيف واتمنا ان تنال اعجابكم



[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

يـاالله ياعالـم ســري وتدريـبـه=انـك تعيـن المساكيـن وتوفقـهـا

واسري مع الهاجس اللي الفكر يسريبه=واحرق هواجيس قلبي قبل ماانطقهـا

واسلك طريق السعه واضرب محاسيبه=اخاف هرجـه عـذول قـام يبرقهـا

والله مااسلك طريق الغـدر وامشيبـه=لو قلـت الحيلـه وسـددت طرايقهـا

والحض يانفـس ماكفـت مكاسيبـه=والحـمـد لله خالقـهـا ورازقـهـا

عشت بخلاء لاضواء ليله سمع ذيبـه=فيها وجيه الرجال القيـض محرقهـا

ياذيـب يلـي تجرحنـي مخاليـبـه=وليلـة الشـوم يامطـول دقايقـهـا

في دنيتي عشت بين الشـك والريبـه=من ماحصلي نسيـت انـي معانقهـا

راضي بحكم القدر ياحسيـن راضيبـه=والنفـس نـذر علينـا مانسوقـهـا

واللي مقدر علـي الانسـان بيصيبـه=غصب عليه يتحمـل ضـرب عاتقهـا

الذيب يعـوي وعالـي فـي مراقيبـه=روس الرجوم الطويله صار عاشقهـا

ماهو ب عايب ولكـن فقرنـا عيبـه=ياكـم يـذل الرجـال وكـم يوهقهـا

ياعزتي للكريـم اللـي فضـا جيبـه=ما غيـر يمنـاه باليسـري يصفقهـا

عند العرب يافتـي كثـرت عذاريبـه=والنفس عند العرب مااحـد بطايقهـا

من بعدهـا مرحبـا يامطـول الغيبـه=ترحيبـه فـي سمانـا لاح بارقـهـا

بلي كتب لـي رسالـه فـي مكاتيبـه=يامرحبـا والعـرب تعـرف مزارقهـا

ترا الخوي ماجهلنـا فـي مواجيبـه=امانـه عنـدنـا مـااحـد بايقـهـا

الجمره اللي تحـت وطيـه عرافيبـه=كني بكـف ا ليميـن امسـت ذايقهـا

ومن قبلنا راعي المعـروف والطيبـه=فعلته عند الخـوي مـا احـد بايقهـا

ضحي بخاله وقـال الحـق ندعيبـه=وجنبيته في حشـاء خالـه مغرقهـا

هذا الخوي والخـوي تكـرم مناديبـه=نرخص له المـال واعدانـا نطوقهـا

والضيف من طبعنـا لاجـاء نهليبـه=يامرحبـا والمجـالـس مانضيقـهـا

والجـار قـره رفيـع ولا نضحيـبـه=ناقف معـه والنشامـا مـن يوافقهـا

نفرح بشوفه ونوفـي لـه مطاليبـه=من عهد من كمـل الجيـره ووثقهـا

يوم المعـزب دفـن غلطـه معازيبـه=تاريـخ يشهـد وهرجاتـن اموثقهـا

والعلـم كـل درابـه مااختفـا غيبـه=والقصه اللي مضـت مانـي ملفقهـا

حقايـق قلتهـا والصـدق نحريـبـه=والمرجله من فضـل ربـي نرافقهـا

اصوغ بيت الشعـر واتعـب بترتيبـه=ابيات شعري علـي كيفـي اروافقهـا
[/poem]


وسلامتكم

رد : (((المرقب العالي)))
 

أهلا وسهلا بشاعرنا المميز سعود الخريب قصيدة جزله من شاعر جزل خالص شكري لك.................

رد : (((المرقب العالي)))
 

رد : (((المرقب العالي)))
 

صح لسانك ياسعود على الجزاله

رد : (((المرقب العالي)))
 

صح لسانك ياسعود على الجزاله


لاهنت

تقبل اعذب تحيه


مع السلامه

رد : (((المرقب العالي)))
 

صح الله لسانك يا البسامي ..

قصيدة جزلة ومن شاعر جزل ..

في انتظار بقية قصائدك ..